Matius 6:34 - Muna Southern Dialect

³⁴ Dadiꞌanomo koe nomihiane lalomiu oleo naewine, kapaꞌamo oleo naewine bhe kasabhano dua wutono. Seꞌoleo-seꞌoleo bhe kasabhano wutono, koemo dotubha-tubhahiea.”

Matius 6:34 Referans Kwoze

Matius 6:25

“Dadiꞌanomo amohatokoomu, koise nomihi lalomiu ne kadadiꞌamiu, momaaꞌomu ae tawa mohoꞌuomu ae. Koise dua nomihi lalomiu ne mbadhamiu bhahaꞌi mepakeomu ae. Ingka noliuꞌe dadi ini bhe oti, noliuꞌe dua mbadha bhe pakea.

Yohanes 14:27

Ahumunsaangkoomu katohopono dadi; amaꞌangkoomu katohopono dadiku. Ampamo kaowu dhalano afowaꞌao nopoꞌala bhe kofowaꞌaono dhunia. Koemo nosabha bhe nekenda-kenda handamiu.

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Lukas 11:3

Waꞌa kainsami nehumaa kafaraluu mani seꞌo-seꞌoleo.

Matius 6:11

Waꞌa kainsami nehumaa kafaraluu mani seꞌoleo itu.

Tula-tulando rasulu 14:22

Ne itu dofekatangka lalondo mangkafino Yesus, dotangahida nakumampuu-mpuu lalondo weo kaparasaeando ne Yesus. Dofohatoda dua tetewei nabhahi daeꞌawa kasabha so damesuaꞌao weo Kafopahintaꞌano Lahataꞌala.

Matius 6:27

Laꞌae bhahaa ne olotamiu itu hampano kamihino lalono namooli namodhulu dadino naseendai kaowu?

Lukas 10:41

Tamaka Ompu tanotobhoosimo ambano, “Marta, Marta, hintu ini nomihi lalomu bhe fekasabha wutomu ne sabhaha giu.

Lukas 12:11

Ane daowakoomu weo lambu kasambaheaꞌa dabhitahakikoomu, ne wisendo pamarinta tawa ne wisendo kabhala, koemo nekenda-kenda handamiu bhahaꞌi nada amai potunduꞌao wutomiu tawa pugauꞌaoꞌomu ae.

Lukas 12:22

Yesus nopugaumo ne anaguhuꞌino ambano, “Dadiꞌanomo amohatokoomu, koise nomihi lalomiu ne kadadiꞌamiu bhahaꞌi momaaꞌomu ae, koise dua nomihi lalomiu ne mbadhamiu bhahaꞌi mepakeomu ae.

Filipi 4:6

Koe nokamihi-mihi lalomiu ne ae maka dua. Tamaka sadhia foampeomu kamesalomiu ne Lahataꞌala weo sambahea bhe neatimiu. Kafaraluumiu naꞌa fohatoaneomu Lahataꞌala weo katumpuno lalomiu.

1 Petrus 5:7

Fopulie sabhaha kasabhamu ne Lahataꞌala, kapaꞌamo Anoamo umondofaono dadimu.