Matius 6:33 - Muna Southern Dialect

³³ Dadiꞌanomo ondofiomu kadeki Kafopahintaꞌano Lahataꞌala bhe dhalangieꞌomu kapoindalono. Maka kosasawiꞌae kafaraluumiu naꞌa namaꞌangkoeꞌomu dua.

Matius 6:33 Referans Kwoze

Lukas 12:31

Ampamo kaowu ondofiomu kadeki Kafopahintaꞌano Lahataꞌala maka kosasawiꞌae kafaraluumiu naꞌa namaꞌangkoeꞌomu dua.

Matius 5:6

Dokodawua mpuu mokambano lalo ne kabanara, kapaꞌamo Lahataꞌala namaꞌandae nemokambaꞌaondo.

Yohanes 6:27

Koise kahadhaaꞌomu so meꞌawaꞌaoꞌomu oti so mowoloꞌano, tamaka tabeano kahadhaaꞌomu so meꞌawaꞌaoꞌomu oti tumarano ampa suhue dhamani. Oti anaꞌa namaꞌangkoꞌeomu Anano Manusia - Idimo ini - hampano Anoamo nefopoolino Lahataꞌala Amano.”

Roma 14:17

Kapaꞌamo ane dopugauꞌao Kafopahintaꞌano Lahataꞌala, ingka miina damugauꞌao oti nehumaa bhe nefohoꞌu. Maraluuꞌano mpuu weo Kafopahintaꞌano Lahataꞌala o manusia damangkafi kapoindalono Lahataꞌala, katohopono dadi bhe kawulano lalo maiꞌao ne Rohino Lahataꞌala.

Matius 19:29

Pakade kotika humunsano lambuno, bhahitieno namoꞌane nahobhine, inano bhe amano, anaꞌino tawa kaampono mbaꞌinomo noangkafi Idi, nasumuli naeꞌawa namoꞌono lentuꞌa bhe naeꞌawa dua dadi suhue dhamani.

Roma 8:31

Dofekihi bhahi-bhahiꞌae naꞌa, kaowu damugaumo nada amai bhahaa? Ane Lahataꞌala notai ne intaodiomu, laꞌae bhahaa so mondoino foewangino?

1 Timotius 4:8

Dokane-kanea mbadha ⸤ so doꞌosaꞌao⸥ bhe hatoꞌano fahalaano, tamaka dokanea wuto dodadi lumebe miina nakotompaa fahalaano, kapaꞌamo naeowa dadi te dhunia ini bhe dadi we suliꞌa peda dhandino Lahataꞌala.

2 Korintus 5:21

Kristus tapa mehabuno dhosa, padamo nofoseꞌisee Lahataꞌala bhe manusia kodhosa, neanomo weo kaseꞌisentoomu bhe Kristus nafotahima Lahataꞌala peda mie banara.

Roma 1:17

Kapaꞌamo weo Bhihita Metaa naꞌa notiwohamo kaangkaꞌando manusia so datitahimaꞌao peda mie banara ne Lahataꞌala. Kaangkaꞌa anaꞌa notanda ne kaparasaea, nopuli ne kaparasaea. Kapaꞌamo nandoo tibuhino weo Kitabi peda ini, “Mie netahimano Lahataꞌala peda mie banara hampano kaparasaeano, anoamo itu so meꞌawano dadi.”

Filipi 3:9

bhe kotu-kotuꞌu aseꞌise bhe Anoa. Katitahimaꞌaku ne Lahataꞌala peda mie banara suanomo kaowuleꞌano wutoku adhalangi tubhono agama, tamaka katitahimaꞌaku ne Lahataꞌala mbaꞌinomo aparasaea ne Kristus. Dadiꞌanomo katitahimaꞌa peda mie banara naꞌa nomaiꞌao ne Lahataꞌala, nengkoha ne kaparasaea ne Kristus.

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

Matius 4:17

Notandamo ne naꞌa Yesus nofolelemo, “Fetompaaneomu dhosamiu, doliomu ne Lahataꞌala, kapaꞌamo Kafopahintaꞌano Lahataꞌala nomaꞌomo!”

Matius 3:2

ambano, “Fetompaꞌao dhosamiu, doliomu ne Lahataꞌala, kapaꞌamo Kafopahintaꞌano Lahataꞌala nomaꞌomo.”

2 Tesalonika 1:5

Kosasawiꞌae ini katandainomo noꞌadhili kabhitahakino Lahataꞌala. Hintimiu noabhikoomu Lahataꞌala mantasiomu mesuaꞌomu Kafopahintaꞌano. Ingka mbaꞌinomo Kafopahintaꞌano maitu menamisiomu kakadee-dee.

Roma 10:3

Kapaꞌamo miina damandeꞌaanea peda amai dhalano Lahataꞌala nofotahima peda mie banara. Hampano gaondo damangkafi dhalando wutondo, sampe dokiido damangkafi kaangkaꞌa nelengkano Lahataꞌala so nafotahimaꞌao peda mie banara.

Tula-tulando rasulu 28:31

Mentalea-mentalea nokado nefolele bhihita Kafopahintaꞌano Lahataꞌala bhe nofofoguhuꞌao kafoinaꞌuno Ompu Yesus Kristus, miina bhe umonto-ontomiea

2 Petrus 1:11

Nadamo naꞌa hintimiu daelengkaangkoomu kaangkaꞌa molalesa mesuaꞌomu weo kafopahintaꞌa suhue dhamani, ingka aitumo kafopahintaꞌano Yesus Kristus Ompuntoomu mosalamati kaitamo.

2 Petrus 1:1

Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.

Lukas 1:6

Kohoduando sanea mie lumebe ne pomatano Lahataꞌala, dodadi doangkafi kosasawiꞌae pahinta bhe tubhono Ompu, miina dakonilempagia.

1 Korintus 3:22

Naetaa ndo Paulus, Apolos bhe Petrus, naetaa o dhunia, o dadi bhe mate, sampe dhamani aini bhe oleo mbuhumai ingka saneamo fehebuaꞌamiu.

Tula-tulando rasulu 20:25

Kosasawimiu padamo aangkaikoomu aefebhihitaiꞌao Kafopahintaꞌano Lahataꞌala. Aitu apandeꞌaanemo, paemo moha kanauꞌomua.

Matius 19:28

Ambano Yesus, “Amohatokoomu, kotu-kotuꞌu nahumato tempono dhunia buꞌou, Anano Manusia - Idimo ini - naengkoha-ngkoha ne kaengkohaꞌano omputo weo kakalabhiano. Ne naꞌa hintimiu toka mangkafi kanau, mengkohaomu dua te kaengkohaꞌa ompulu haa onuno somo mandeꞌaono ompulu haa onu sampuꞌano miendo Israel.

Yohanes 5:4

Kapaꞌamo sepaku-sepaku seemie malaꞌekatino Ompu nosampu maka noꞌendu oe aitu. Sasuka maꞌinduluno sumampuno weo oe nopalusi kaendono oe lasao noꞌosa, o ae maka dua sakino.]