Matius 6:2 - Muna Southern Dialect

² Dadiꞌanomo ane fowaꞌao sadhakaa koe mefole-folelea, peda nehabundo mie mehaaꞌulano. Andoa ini dohabu peda anaꞌa weo lambu-lambu kasambaheaꞌa tawa ne kaangkaꞌa so dotipudhiꞌao ne mie bhaindo. Amohatokoomu, kotu-kotuꞌu andoa maitu dotahimaemo ponambodoa.

Matius 6:2 Referans Kwoze

Matius 6:5

“Ane sumambaheaꞌomu koe nameda mie mehaaꞌulano. Andoa maitu doasiane dosambahea ngkaehe-ehe weo lambu kasambaheaꞌa bhe ne kampuna defewoha ne mie bhaindo. Amohatokoomu, kotu-kotuꞌu andoa maitu dotahimaemo ponambodo.

Matius 6:16

“Ane moasaomu koe mengkuru-ngkuruomua peda mie mehaaꞌulano. Andoa maitu dohabu-habue ulando, defewoha ne mie putae dopoasa. Amohatokoomu, kotu-kotuꞌu andoa dotahimaemo ponambodoa.

Yohanes 5:41

Idi miina aeꞌondofi kafosibhalando manusia.

Ibrani 13:16

Koise molimpuomu habu metaaꞌomu bhe fotulumiomu, kapaꞌamo anaꞌaemo kapopanga mekaꞌiano lalono Lahataꞌala.

Lukas 20:46

“Posiꞌondoomu ne pande-pande Kitabi! Andoa maitu doasiane dolili depake dhuba kawanta bhe dopoindalo sepaliꞌa dofosibhalada we wuntano daoa. Weo lambu kasambaheaꞌa doasiane dengkoha te wise-wise, weo kahame dengkoha ne kaengkohaꞌando kabhala.

Yohanes 7:18

Ane o mie nofofoinaꞌu nomaiꞌao ne fekihino wutono, mie aitu neꞌondofi kafosibhala so wutono. Tamaka mie meꞌondofino kafosibhala so Tumudue, mie aitu nelaa lalono, miina bhe modaiꞌano weo totono lalono.

1 Petrus 4:11

Ane seemie neowa kafoinaꞌu, naetaa napugau kanggetumo wambano wutono Lahataꞌala. Ane seemie nofoꞌondofao, naetaa namake kaꞌosa newaꞌaono Lahataꞌala, neanomo ne sabhaha nehabumiu Lahataꞌala damekakalabhiaꞌe namangka ne Yesus Kristus. Ingka Anoamo kokalabhiano bhe kokuasano ampa suhue dhamani. Amin.

Efesus 4:28

Moneano mosibuno, koemo nosibua, tamaka nakumahadhaa kagiu metaa so kadadiꞌano, neanomo naembali dua natumulumi mie mokae.

Galatia 2:10

Ampamo sehonda kamesalondo, taꞌumondofao mie mokae, maka daanumo aitumo nempuu-mpuuniku kaomponae ini.

Tula-tulando rasulu 10:4

Kornelius noꞌondo malaꞌekati aitu maka nofeenaꞌao kateꞌi, “O ae bhahaa Ompu?” Ambano malaꞌekati naꞌa, “Kosasawiꞌae sambaheamu bhe katulumimu ne mie mokaeno notahimaemo Lahataꞌala maka Lahataꞌala nofeꞌulaikomo dua.

1 Timotius 6:18

Mesaloida dahumabu metaa, dahumangkaea weo podiu metaa, nahumelasi lalondo dafowaꞌao bhe dafotulumi.

Roma 12:8

Meꞌawano kapooli nafotangahi, naetaa nafotangahi. Meꞌawano kapooli so nadumawu-dawuꞌao kanandoono ne mie bhaino, naetaa nahumabue weo kahelasino lalo. Meꞌawano kapooli naembali neangka, naetaa naꞌumulei lalono nadhumalangie. Meꞌawano kapooli so metulumino mie weo kasabha, naetaa nadhumalangie weo kawulano lalo.

Tula-tulando rasulu 24:17

Ntini taꞌu-taꞌumo akala, maka asuli toha we Yerusalem aewowoꞌo sadhakaa so saliwuku, bhe kapopanga so Lahataꞌala.

Tula-tulando rasulu 10:31

Ambano mie anaꞌa, ‘Kornelius, sambaheamu bhe katulumimu ne mie mokaeno notahimaemo Lahataꞌala maka Lahataꞌala nofeꞌulaikomo dua.

Tula-tulando rasulu 10:2

Anoa ini mie lumebe, koseꞌonu lambudo doteꞌi ne Lahataꞌala. Anoa nobhahi pakuno netulumi miendo Yahudi mokaeno bhe sadhia dua nosambahea ne Lahataꞌala.

Tula-tulando rasulu 9:36

We kotano Yope nandoo seemie hobhine mangkafino Yesus, neano Tabita; weo wamba Yunani neano Dorkas. Hobhine anaꞌa nobhahi sepaliꞌa nehabu metaaꞌano, sadhia netulumi mie mokae.

Yohanes 13:29

Hampano Yudas mintahanomo kaenteiꞌano dhoindo, nandoo kofekihino putae Yesus notudue nakoniꞌoli so kafaraluundo haroando naꞌa, tawa nakoniwaꞌao ne mie mokae.

Yohanes 5:44

Hintimiu gaomiu damosibhalakoomu mie bhaimiu, miina meꞌondofiomu kafosibhala maiꞌao ne Kaseemie-mieꞌano. Dadiꞌanomo, nada amai marasaeaꞌomu gahaꞌa?

Lukas 6:42

Peda ae dua pugauꞌao ne bhahitiemu, ‘Bhahitie, mai amaliangko kanenano habha weo matamu itu’, gahaꞌaitu kakebhano sau weo matamu miina mohaea. Hintu mie mehaaꞌulano! Alimo kadeki kakebhano sau weo matamu itu, so nentaleaꞌao umondo maka mali kanenano habha weo matano bhahitiemu.”

Markus 12:39

Weo lambu kasambaheaꞌa bhahaꞌi weo kahame andoa sadhia dua dengkoha te wise.

Filemon 1:7

Filemon, bhahitieku, kaasimu ne umati marasaeano itu nofekaꞌia bhe nofekatangka mpuu totono laloku, bhahamoa fodadiemo dua lalondo kosasawindo umatino Lahataꞌala.

1 Tesalonika 2:6

Insaodi miina dua taeꞌondofi kapudhi, naetaa namaiꞌao ne hintimiu, naetaa ne mie sigaoꞌano, mahinggamo insaodi rasuluno Kristus sakotuꞌuꞌano takohaku taesalo ne hintimiu.

Tula-tulando rasulu 11:29

Dadiꞌanomo mie mangkafino Yesus dobhotusiemo daetawunao dhoi ampa so nepoo-poolindo seemie-seemiea maka damakatuandae bhahitie marasaeano we Yudea.

Lukas 13:15

Tamaka Ompu Yesus notobhoosiemo ambano, “Hintimiu mie mehaaꞌulano! Ingka kosasawimiu ini sadhia lenseomu sapi tawa keledaimiu maka tondaeꞌomu we simbali fefohoꞌutieꞌomu, mahingga ne oleono Sabat.

Lukas 12:56

Hintimiu mie mehaaꞌulano! Tanda-tanda te lani bhe we dhunia pandeꞌaane maꞌanakieꞌomu. Koasimo dua miina mandeꞌaane maꞌanakiomu tanda kumadhadhiano ne dhamani aini!

Lukas 12:33

Asopieꞌomu fehebuaꞌamiu maka dhoino waꞌandae mie mokae! Mehabuomu kadu-kaduno dhoi so tapa molusaꞌano, maꞌanano kahangkaea te surugaa tapa mowoowolono. Kahangkaea anaꞌa paise nahumatoe kasibu, paise dua naomaaꞌe faa.

Lukas 11:43

Balaamoomu hintimiu miendo Farisi kapaꞌamo weo lambu kasambaheaꞌa moasianeomu sepaliꞌa mengkohaomu ne kaengkohaꞌando kabhala, moasianeomu dua sepaliꞌa dofosibhalakoomu we wuntano daoa.

Lukas 11:41

Ampamo kaowu, iꞌino kampomaaꞌa bhe kampohoꞌuꞌa tabeano podawu-dawuomu dua bhe mie mokae. Ane nada anaꞌa naonggelamo kosasawiꞌae, naetaa mbadhamiu naetaa totono lalomiu.

Lukas 6:24

Tamaka balaamoomu, hintimiu mohangkaeano, hampano weo kahangkaeamiu itu poꞌawaanemoomu kalawesino lalomiu.

Markus 7:6

Yesus notobhoosidamo ambano, “Nokotuꞌumo pugauno anabii Yesaya nopulaoꞌao hintimiu ini, mie mehaaꞌulano! Kapaꞌamo nandoo tibuhino weo Kitabino peda aini, ‘Mie andoa ini dosombai kanau kaowu ne wiwindo, tamaka totono lalondo nokodoꞌo bhe Idi.

Matius 24:51

Bhatua anaꞌa namehaakebhae, kahukumuno napototoane bhe mie mehaaꞌulano. Ne naꞌamo taꞌo kangkoꞌae bhe kuꞌino wangka.”

Matius 23:6

Weo kahame doasiane dengkoha ne kaengkohaꞌando kabhala, weo lambu kasambaheaꞌa dengkoha te wise-wise.

Matius 22:18

Tamaka Yesus nopandeꞌaane kadaino isikadhindo, dadiꞌanomo nopugaumo ambano, “Mie mehaaꞌulano, noafa solo-solo kanauꞌomu?

Matius 16:3

Ane hangkowine lani nodea lalo mohawu, ambamiu nakoꞌuse bhe nakokawea. Tanda-tanda te lani pandeꞌaaneomu maꞌanakieꞌomu, tamaka tanda-tanda kumadhadhiano ne dhamani aini miina.

Matius 15:7

Mie mehaaꞌulano! Nokotuꞌumo nekosuahaꞌaono anabii Yesaya nopulaoꞌao hintimiu,

Matius 7:5

Hintu mehaaꞌulano! Alimo kadeki kakebhano sau weo matamu itu, so nentaleaꞌao umondo maka mali kanenano habha weo matano bhahitiemu.”

Matius 5:18

Amohatokoomu, kotu-kotuꞌu ane lani bhe dhunia paeꞌo naosalia, bhe nasehorofu tawa setanda tubhono agama Yahudi pae dua bhe so mosaliꞌano, ampa kosasawiꞌae nakoꞌula.

Matius 6:3

Tamaka ane sumadhakaa, nehabuno suanamu koemo nopandeꞌaanea kemamu.

Matius 23:5

Kosasawiꞌae kahadhaa nehabundo patudhundo so kaowu daoha mie bhaindo. Kawawe kasambaheaꞌando dofekawahe-waheꞌie, dhambe-dhambeno dhubando dofekawanta-wantaꞌie.

1 Korintus 13:3

Mahinggamo sabhaha kanandooku adumawu-dawuandae mie mokae, bhahamoa amotawakala wutoku datumunu kanau, tamaka ane pae bhe kanini kaasiku, ingka miina sepaliꞌa bhe fahalaanoa so idia.