Matius 5:9 - Muna Southern Dialect

⁹ Dokodawua mpuu meowano pometaa, kapaꞌamo dakumonada anaꞌino Lahataꞌala.

Matius 5:9 Referans Kwoze

Ibrani 12:14

Uleiꞌe lalomiu dadi pometaa bhe kosasawindo mie bhaimiu, uleiꞌe dua lalomiu dumadi mongkilo so Ompu, kapaꞌamo miina bhe manusia so mohano Ompu ane pae nadumadi mongkilo.

Roma 12:18

Uleiꞌe lalomiu ampa nepoo-poolimiu dadi pometaaꞌomu bhe kosasawindo mie.

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

Roma 8:14

Kosasawindo mie mangkafino kaatono Rohino Lahataꞌala, ingka anaꞌinomo Lahataꞌala.

Lukas 6:35

Tamaka hintimiu, moasianda kaewamu, habu metaa ne andoa. Fofoada tamaka koe posahunaꞌao sumuli umawae, maka meꞌawa ponambo bhahi. Hintimiu membaliomu anaꞌino Lahataꞌala foliuno kuasa, kapaꞌamo Lahataꞌala netaa dua lalono ne mie tapa mepandeꞌaono katumpuno lalo bhe mie modai.

2 Korintus 13:11

Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

Kolose 3:13

Posaba-sabahakiomu, ane pomoda-modaiꞌomu lalo pomaꞌa-maꞌafuꞌaoꞌomu. Ompu ingka padamo noꞌamponikoomu, dadi pedamo dua naꞌa hintimiu tabeano pomaꞌa-maꞌafuꞌaoꞌomu.

Matius 5:48

Dadiꞌanomo tabeano nasumangka totono lalomiu, peda Amamiu te surugaa.”

2 Korintus 5:20

Dadiꞌanomo insaodi ini katuduno Kristus, kao-kaomo wutono Lahataꞌala tumangahikoomu noangka kaowu ne insaodi. Weo neano Kristus taesalo: owaomu wutomiu napometaaꞌangkoomu Lahataꞌala bhe Wutono.

Tula-tulando rasulu 7:26

Hato nomentae nowohamo dua dohodua miendo Israel dopogiha, lasao nokala noꞌontada patudhuno napometaaꞌanda. Ambano, ‘Hintimiu ini sibhahitieꞌomu, noafa gahaꞌa pogihaꞌaoꞌomu?’

Matius 5:45

Kapaꞌamo nadamo aini so membaliꞌaoꞌomu anaꞌino Amamiu te surugaa. Anoa nofofoni oleono so mie modai bhe so mie metaa, nofosampu useno so mie banara bhe so mie pata banara.

1 Korintus 6:6

Noafa bhahaa seemie bhahitie marasaeano nobhieꞌao dua bhahitieno, gahaꞌaitu so fobhitahakino mie pata marasaeano ⸤ ne Kristus⸥ ?

Filipi 4:2

Euodia bhe Sintike, aesalo mpuu ne hintimiu hoduano: pometaaꞌomu, sekakolaloomu peda bhahitie weo Ompu.

Lukas 20:36

Andoa naꞌa paemo bhe kapoolia damatea, dapototomo bhe malaꞌekati. Kapaꞌamo andoa maitu anaꞌinomo Lahataꞌala, mie toka nefowanuno maiꞌao ne mate.

Efesus 4:1

Dadiꞌanomo, idi mie netohongku hampano afeompu ne Kristus ini, aesalo mpuu ne hintimiu dadiomu naposahataa bhe kapoindalono Lahataꞌala, kapaꞌamo hintimiu mie toka nebhasino Lahataꞌala.

Roma 8:16

Wutono Rohino Lahataꞌala nopoowa bhe rohintoomu nofofohato putae intaodiomu ini anaꞌinomo Lahataꞌala.

Roma 8:19

Alamu bhalano nefokonandoono Lahataꞌala ini nokamba mpuu lalondo dofenta-fentaa tempono Lahataꞌala namotiumba medando ae anaꞌino.