Matius 5:18 - Muna Southern Dialect

¹⁸ Amohatokoomu, kotu-kotuꞌu ane lani bhe dhunia paeꞌo naosalia, bhe nasehorofu tawa setanda tubhono agama Yahudi pae dua bhe so mosaliꞌano, ampa kosasawiꞌae nakoꞌula.

Matius 5:18 Referans Kwoze

Lukas 16:17

Tamaka nandoo nomuda naosali lani bhe dhunia bhe nabatala nasetanda buhi weo Kitabino Musa.

1 Petrus 1:25

Tamaka bhoasaono Ompu sadaa-daa ampa suhue dhamani.” Ingka bhoasaomo aini o Bhihita Metaa toka nefosampe ne hintimiu.

Markus 13:30

Amohatokoomu! Kotu-kotuꞌu mie dhamani aini paeꞌo daopulia damate, nakumadhadhiamo kosasawiꞌae naꞌa.

Powoha 20:11

Pada aitu awohamo dua kaengkohaꞌa kumalabhiano nopute bhe nobhala bhe Mengkohafie. O lani bhe dhunia tanosimiinaeꞌamo ne wiseno kao-kaomo dofileiane, miinamo natiwohaa.

Yohanes 5:19

Yesus notobhoosidamo ambano, “Amohatokoomu, kotu-kotuꞌu Anano Lahataꞌala - Idimo ini - miina bhe habu nepoolino maiꞌao ne kuasano Wutono, ane miina naoha deki nohabue Amano. Kapaꞌamo nehabuno Amano, nehabunomo dua Anano.

Matius 17:20

Ambano Yesus, “Mbaꞌinomo nokuha kaparasaeamiu. Dadiꞌanomo amohatokoomu, kotu-kotuꞌu ane kaparasaeamiu namooli nada onuno sau wonoita, naembali pugauꞌomu ne kabhawo aini, ‘Gampi maiꞌao ne ini’, maka kabhawo aitu tetewei nagumampi. Pakade, paemo dua bhe so tapa nepoolimiu.

Matius 16:28

Amohatokoomu, kotu-kotuꞌu ne olotando mie meehe-eheno aitu nandoo so pataꞌo mateno, ane pae daoha kadeki Anano Manusia namai naembali Omputo weo Kafopahintaꞌano.”

Matius 13:17

Amohatokoomu, kotu-kotuꞌu dobhahi anabii bhe mie lumebe endefiꞌini, gaondo damoha newohamiu aitu, tamaka miina daohaea; gaondo dametingke nefetingkemiu aitu tamaka miina dametingkeea.

Matius 10:23

Ane damodee-deekoomu ne seꞌonu liwu, fileiꞌomu ne liwu sigaoꞌano. Amohatokoomu, kotu-kotuꞌu paeꞌo madaeꞌomu liwu-liwuno Israel mangkaiꞌeomua, Anano Manusia - Idimo ini - nahumatomo.

Matius 6:2

Dadiꞌanomo ane fowaꞌao sadhakaa koe mefole-folelea, peda nehabundo mie mehaaꞌulano. Andoa ini dohabu peda anaꞌa weo lambu-lambu kasambaheaꞌa tawa ne kaangkaꞌa so dotipudhiꞌao ne mie bhaindo. Amohatokoomu, kotu-kotuꞌu andoa maitu dotahimaemo ponambodoa.

Matius 5:26

Amohatokoomu, kotu-kotuꞌu paise sepaliꞌa damolimbakoomua ane paeꞌo momeaꞌe kosasawiꞌae dosamu.

Yohanes 21:18

Amohatoko, kotu-kotuꞌu nandoo kahangkuno dadimu, kamandaꞌao wutomu aamua maka takalamo ampa kapoindalomu. Tamaka nahumato kumamungkula, monsoho limamu dakumatapuangkoe bhaindo maka daowako ne kaeateꞌa tapa nepoindalomu.”

Yohanes 16:23

Ne oleo anaꞌa paise sepaliꞌa meenaomu ne Idi. Amohatokoomu, kotu-kotuꞌu o ae maka dua nesalomiu ne Amaku weo neaku, tetewei namaꞌangkoeꞌomu.

Yohanes 16:20

Amohatokoomu, kotu-kotuꞌu mada kaowu hintimiu moꞌaeꞌomu, mekaꞌuleiꞌomu tamaka dhunia naoꞌia. Daanumo mosabhaomu, tamaka kasabhamiu itu naembali kawulano lalo.

Yohanes 14:12

Amohatokoomu, kotu-kotuꞌu sasuka marasaeano ne Idi namoolie dua nahumabu kahadhaa nehabuku, bhahaa tadua namoliu kanau kabhalano kahadhaano, kapaꞌamo Idi akumalamo ne Amaku.

Yohanes 13:38

Notobhoosimo Yesus, “Hintu momate kanau? Kotu-kotuꞌu amohatoko, paeꞌo nakumakuhua manu, natolu pakumo gumaga miina mandeꞌa kanau.”

Yohanes 13:16

Amohatokoomu, kotu-kotuꞌu seemie bhatua paise namoliu kafeompuꞌano tawa seemie katudu nalumalo tumudue.

Yohanes 12:24

Amohatokoomu, kotu-kotuꞌu ane onuno gandum pae naondawu ne wite maka namate, daa-daaꞌe seꞌonu. Tamaka ane namate, kaneꞌomo natumumbu maka naobhahi bhakeno.

Yohanes 10:7

Yesus nopugaumo toha ambano, “Amohatokoomu, kotu-kotuꞌu Idimo ini fointo kaangkaꞌando dhumba anaꞌa.

Yohanes 10:1

Nopugaumo Yesus ambano, “Amohatokoomu, kotu-kotuꞌu sasuka mesuano weo katondono dhumba miina namangka ne fointo, tamaka nekamponea pagala, mie aitu kasoꞌo bhe karampasi.

Yohanes 8:58

Ambano Yesus, “Amohatokoomu, kotu-kotuꞌu miinaꞌo bhe Abraham, IDI NDUMANDOONO anandoomo.”

Yohanes 8:51

Amohatokoomu, kotu-kotuꞌu sasuka mangkafino pugauku paise naenamisi mate ampa suhue dhamani.”

Yohanes 8:34

Ambano Yesus, “Amohatokoomu, kotu-kotuꞌu sasuka mehabuno dhosa, anoamo bhatuano dhosa.

Yohanes 6:53

Ambano Yesus, “Amohatokoomu, kotu-kotuꞌu ane pae momaaꞌomu dhagino Anano Manusia bhe mohoꞌuomu heano pae bhe dadi weo totono lalomiu.

Yohanes 6:47

Amohatokoomu, kotu-kotuꞌu sasuka marasaeano neꞌawamo dadi suhue dhamani.

Yohanes 6:32

Ambano Yesus, “Amohatokoomu, kotu-kotuꞌu suano anabii Musa maꞌangkoomu roti maiꞌaono te surugaa, tamaka Amaku maꞌangkoomu roti sakotuꞌuꞌano maiꞌaono te surugaa.

Yohanes 6:26

Yesus notobhoosida ambano, “Amohatokoomu, kotu-kotuꞌu hintimiu ondofi kanauꞌomu suano mbaꞌinomo losangiomu maꞌanano tanda timenteꞌaono, tamaka mbaꞌinomo padamo humaaꞌomu roti ampa moweꞌiomu.

Yohanes 3:11

Amohatoko, kotu-kotuꞌu insaodi tapugauꞌao kaowu nepandeꞌao mani, bhe tasakusiiꞌao kaowu newoha mani, tamaka hintimiu miina tumahimaeꞌomua.

Yohanes 3:5

Ambano Yesus, “Amohatoko, kotu-kotuꞌu ane seemie pae nalumente maiꞌao ne oe bhe Rohino Lahataꞌala, pae namesua weo Kafopahintaꞌano Lahataꞌala.

Yohanes 3:3

Notobhoosimo Yesus ambano, “Amohatoko, kotu-kotuꞌu ane seemie pae sumuli nalumente, paise naoha Kafopahintaꞌano Lahataꞌala.”

Yohanes 1:51

Pada aitu Yesus nopugaumo dua ambano, “Amohatoko, kotu-kotuꞌu omoha lani namoengka bhe malaꞌekatino Lahataꞌala damoni sumampu ne Anano Manusia.”

Lukas 23:43

Nopugaumo Yesus ambano, “Amohatoko, seꞌoleo itu dua hintu pobhai kanau te surugaa.”

Lukas 18:29

Ambano Yesus, “Amohatokoomu, sasuka humunsano lambuno, hobhineno, tawa bhahitieno, kamungkulano tawa anaꞌino hampano nofosibhala Kafopahintaꞌano Lahataꞌala, nandoo so neꞌawano.

Lukas 18:17

Amohatokoomu, kotu-kotuꞌu ane pae datumahima Lahataꞌala so mahintangino dadindo nameda anaꞌi kahobu, pae naembalia damesua weo Kafopahintaꞌano Lahataꞌala.”

Lukas 13:35

Kotu-kotuꞌu lambumu ini natihunsamo bhe naolino, maka amohatokoomu paemo moha kanauꞌomua ampa mugauꞌomu, ‘Notibarakati maino weo neano Ompu!’ ”

Lukas 12:37

Dokodawua mpuu bhatua nehatofino kafeompuꞌando nandoo demboto bhe dodhaga. Amohatokoomu, kotu-kotuꞌu kafeompuꞌa aitu nalumoli pakeano maka napugauanda bhatuano naꞌa daengkoha bhe naetaganaanda daomaa.

Lukas 11:51

Maꞌanano notanda ne katipongkoꞌano Habel ampa ne katipongkoꞌano Zakaria, nepongkondo ne kadeteno Lambuno Lahataꞌala ne olotano medha kaefoampeꞌa bhe Boloku mongkilo. Amohatokoomu dua, kosasawiꞌae kaꞌala naꞌa damotongkuandae mie dhamani aini.

Markus 14:30

Tamaka Yesus nofohatoe ambano, “Amohatoko! Kotu-kotuꞌu alo aini dua, paeꞌo nahaa paku nakumakuhua manu, natolu pakumo gumaga miina mandeꞌa kanaua.”

Markus 14:25

Amohatokoomu! Kotu-kotuꞌu paemo aohoꞌu angguru ampa oleono aohoꞌu angguru buꞌou, weo Kafopahintaꞌano Lahataꞌala.”

Markus 14:18

Tangasano dengkoha-ngkoha dohumaa, Yesus nopugaumo ambano, “Amohatokoomu! Naseemie ne olotamiu momaano bhe Idi ini, namowa kanau ne limando kaewa.”

Markus 14:9

Amohatokoomu! Kotu-kotuꞌu ne amai maka dua so katifoleleꞌano Bhihita Metaa te dhunia ini, nehabuno hobhine aini sadhia daetula-tulaane dua, somo kafeꞌulaino.”

Markus 12:43

Yesus noloꞌoimo anaguhuꞌino maka nofohatoda ambano, “Amohatokoomu inia! Kotu-kotuꞌu nobhahi kafopesuaꞌano bhihinanda mokaeno ini bhe kosasawiꞌae kafopesuando mie sigaoꞌano.

Markus 11:23

Amohatokoomu, kotu-kotuꞌu ane dopugau ne kabhawo aini, ‘Sangke wutomu maka oho wutomu we teꞌi’, tetewei nakumadhadhia, sumanomo koe nopoibhaha lalondo, tamaka doparasaea pugaundo maitu nakoꞌula.

Markus 10:29

Notobhoosimo Yesus, ambano, “Amohatokoomu! Kotu-kotuꞌu ane dohunsa lambudo, bhahitieꞌindo, inando, anaꞌindo bhahaꞌi kaampondo hampano doangkafi Idi bhe Bhihita Metaa, nandoo so neꞌawando.

Markus 10:15

Amohatokoomu, kotu-kotuꞌu ane pae datumahima Lahataꞌala so mahintangino dadindo nameda anaꞌi kahobu, pae naembalia damesua weo Kafopahintaꞌano Lahataꞌala.”

Markus 9:41

Amohatokoomu inia, kotu-kotuꞌu o mie maꞌangkoomu oe kafohoꞌu mbaꞌinomo hintimiu anaguhuꞌino Mesias, Omputo Fosalamatino, tetewei naetaa dawuano.”

Markus 9:1

Ambano toha, “Amohatokoomu, kotu-kotuꞌu ne olotamiu ini nandoo so pataꞌo mateno, ane pae kadeki daoha Kafopahintaꞌano Lahataꞌala nahumato bhe kuasano.”

Markus 8:12

Pada nokaꞌuu we lalono, Yesus notobhoosidamo ambano, “Noafa gahaꞌa mie dhamani aini desaloꞌao tanda timenteꞌaono? Amohatokoomu, paise! Pae sepaliꞌa aehabuanda tanda kamesalondo.”

Markus 6:11

Tamaka ane humatoomu ne seꞌonu liwu, maka mieno liwu aitu pae datumahimakoomu, dongahe dametingkekoomu, hunsaeꞌomu liwu aitua. Mahingga bungahasi ne handano aꞌemiu tantaeꞌomu, somo tandano kafodhagando.”

Markus 3:28

Amohatokoomu, kotu-kotuꞌu kosasawiꞌae dhosa bhe sabhaha kafekaꞌaebundo manusia, naembali natiꞌamponi.

Matius 25:45

Ambano dua omputo naꞌa, ‘Amohatokoomu, kotu-kotuꞌu taenomo mokiidoomu metulumiomu seemie foliuno kandidiki ini, nopototomo mokiidoomu tumulumiomu Idi.’

Matius 25:40

Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Matius 25:12

Tamaka loꞌia buꞌou naꞌa tanopugau ambano, ‘Amohatokoomu, kotu-kotuꞌu miina amandeꞌaangkoomua.’

Matius 24:47

Amohatokoomu, kotu-kotuꞌu kafeompuꞌa naꞌa nasumangke bhatua aitu somo mandeꞌaono sabhaha fehebuaꞌano.

Matius 24:2

Nopugaumo Yesus ambano, “Ingka wohaeꞌomu itua? Amohatokoomu, kotu-kotuꞌu bhe nasepoi kontu pae bhe so tumapiꞌano te wawono kontu bhaino, kosasawiꞌae damadae damohansurue.”

Matius 23:36

Amohatokoomu, kotu-kotuꞌu kahukumuno kosasawiꞌae dhosa aini damotongkuandae mie dhamani aini!”

Matius 21:31

Laꞌae bhahaa anaꞌi hoduano maitu mangkafino kapoindalono amando?” Dotobhoosimo mie andoa naꞌa ambado, “Membalino ai.” Ambano Yesus, “Amohatokoomu, kotu-kotuꞌu mealaꞌino sewa bhe karambole damaꞌindulu damesua weo Kafopahintaꞌano Lahataꞌala bhe hintimiu ini.

Matius 21:21

Ambano Yesus, “Amohatokoomu, kotu-kotuꞌu ane marasaeaꞌomu bhe paise poibhahaomu, tetewei mooliomu dua mehabuomu peda nehabuku ne puꞌuno ara maitu. Bhahamoa suano kaowu taꞌo anaꞌa, tamaka mahingga pugauꞌomu ne kabhawo aini, ‘Sangke wutomu maka oho wutomu we teꞌi’, tetewei nakumadhadhia.

Matius 19:28

Ambano Yesus, “Amohatokoomu, kotu-kotuꞌu nahumato tempono dhunia buꞌou, Anano Manusia - Idimo ini - naengkoha-ngkoha ne kaengkohaꞌano omputo weo kakalabhiano. Ne naꞌa hintimiu toka mangkafi kanau, mengkohaomu dua te kaengkohaꞌa ompulu haa onuno somo mandeꞌaono ompulu haa onu sampuꞌano miendo Israel.

Matius 19:23

Nopugau toha Yesus ne anaguhuꞌino, “Amohatokoomu, kotu-kotuꞌu kaꞌali maka mie hangkaea namesua weo Kafopahintaꞌano Lahataꞌala.

Matius 18:18

Amohatokoomu, kotu-kotuꞌu: o ae neꞌeleaꞌaomu we dhunia ini, natiꞌeleaꞌao dua te surugaa; o ae neꞌundaꞌaomu we dhunia ini, natiꞌundaꞌao dua te surugaa.

Matius 18:3

bhe nopugau ambano, “Amohatokoomu, kotu-kotuꞌu ane pae bhaliiꞌomu fekihimiu maka membaliomu nada anaꞌi, pae mesuaꞌomua weo Kafopahintaꞌano Lahataꞌala.

Matius 11:11

Amohatokoomu, kotu-kotuꞌu ne olotando manusia lumenteno ne dhunia ini miina bhe moliuno Yohanes Fokadiuno; tamaka foliuno kahobu weo Kafopahintaꞌano Lahataꞌala nofoliuꞌe kabhala.

Matius 10:42

Laꞌae fowaꞌaono oe kafohoꞌu mahingga nasekampohoꞌuꞌa kaowu so mie mepandano kaengkohaꞌa ini mbaꞌinomo mie aitu anaguhuku, kotu-kotuꞌu pae namiinaea ponambonoa.”

Matius 10:15

Amohatokoomu kotu-kotuꞌu, nahumato Oleono Kiama kahukumu neꞌawano witeno Sodom bhe Gomora nandoo naosape ane dapototoane bhe so neꞌawano liwu aitu.”

Matius 8:10

Nofetingke peda naꞌa, Yesus nomente sepaliꞌa, maka nopugau ne mie mangkafie ambano, “Amohatokoomu, kotu-kotuꞌu kabhalano kaparasaea medando ini miinaꞌo apoꞌawaane ne olotando miendo Israel.

Matius 6:16

“Ane moasaomu koe mengkuru-ngkuruomua peda mie mehaaꞌulano. Andoa maitu dohabu-habue ulando, defewoha ne mie putae dopoasa. Amohatokoomu, kotu-kotuꞌu andoa dotahimaemo ponambodoa.

Lukas 4:24

Ambano dua Yesus, “Amohatokoomu, kotu-kotuꞌu miina bhe anabiia nefosibhala ne liwu kamaiꞌaoꞌano.