Matius 5:14 - Muna Southern Dialect

¹⁴ Hintimiu itu kantalea we dhunia. Seꞌonu kota te wawono kabhawo tetewei paise natifebunia.

Matius 5:14 Referans Kwoze

Filipi 2:15

Ane nada anaꞌa motiwohaemoomu ingka hintimiu anaꞌino Lahataꞌala tapa kodengo-dengono, metaano diu bhe melaano lalo, dumadino ne wunta-wuntando mie dhamani aini, kosikadhi modaino bhe kolilinono totono lalo. Hintimiu membaliomu tapedamo kulipopo te lani kotilangano ne wunta-wuntando andoa maitu,

Yohanes 8:12

Nopugaumo dua Yesus ne mie bhahi ambano, “Idimo ini tilangano dhunia, sasuka mangkafi kanau paise naekala-kala weo kahohondo, tamaka naeꞌawa tilanga meowano dadi.”

1 Tesalonika 5:5

Kosasawimiu dadiomu ne mentaleaꞌano, sanea mie ole-oleo. Intaodiomu suano mie kohondoꞌa tawa dumadino weo kahohondo.

Yohanes 12:36

Parasaeamoomu ne Tilanga maitu, tinangke nandooꞌe bhe hintimiu, neanomo membaliomu miendo tilanga ⸤ maꞌanano mie mangkafino kapoindalono Lahataꞌala⸥ .” Pada nopugau peda naꞌa Yesus nokalamo, nokiidomo namotiwoha Wutono ne andoa.

2 Korintus 6:14

Koise foseꞌise wutomiu bhe mie tapa marasaeano ne Kristus. O ae bhahaa pototoꞌano kabanara bhe podiu modai? O ae bhahaa pototoꞌano kantalea bhe kahohondo?

Yohanes 5:35

Yohanes maitu tapedamo kantalea humende nokotilanga, hintimiu moꞌiaꞌaneomu tilangano, tamaka sebantaha kaowu.

Powoha 1:20

Rahasiano kulipopo fitu uluno newohamu kaintahaꞌaku ne suanaku, bhe rahasiano kaengkohaꞌano kantalea bulawa fitu peleno peda aini: kulipopo fitu uluno, maꞌanano o malaꞌekatindo kofitu tombudo umati; kaengkohaꞌano kantalea fitu peleno, maꞌanano wutondomo umati fitu tombuno.”

Yohanes 9:5

Tangasano aeate we dhunia ini, Idimo ini tilangano dhunia.”

Powoha 2:5

Dadiꞌanomo tandaiꞌe notolaumo kandalono mondawuomu! Fetompaꞌao podiu modaimiu maka suli dhalangi peda nehabumiu kabhao-bhaono. Ane paise, amaiꞌikoomu maka amala kaengkohaꞌano kantaleamu itu maiꞌao ne kaeehe-eheꞌano.