Matius 5:10 - Muna Southern Dialect

¹⁰ Dokodawua mpuu mie nefodee-dee hampano doangkafi kapoindalono Lahataꞌala, kapaꞌamo andoamo so mehapino Kafopahintaꞌano Lahataꞌala.

Matius 5:10 Referans Kwoze

Yakobus 1:12

Nokodawua mpuu mie potaamino weo kasoba bhe kawudhu, kapaꞌamo ane namooli kaꞌudhino naeꞌawa kawaꞌao nefontaa-ntaa so fotalono, maꞌanano dadi suhue dhamani toka nedhandiꞌaono Lahataꞌala ne mie moasiane.

2 Korintus 4:17

Kapaꞌamo kasabha mosape sebantahano ini, naeowa kainsami kakalabhia suhue dhamani pata tikiha-kihano, sabhaha kasabha mani ini paemo bhe maꞌa-maꞌananoa.

Matius 5:3

“Dokodawua mpuu mie ngkumaasi-asino masandeno ne Ompu, kapaꞌamo andoamo so mehapino Kafopahintaꞌano Lahataꞌala.

Lukas 6:22

Kodawua mpuu ane dabansikoomu mie bhaimiu, ane dagumihasikoomu tawa dabihidhingikoomu bhe dasumambili neamiu ne modaiꞌano hampano mangkafiomu Anano Manusia.

2 Timotius 2:12

ane dakosabahaomu dapotaamiꞌao kakadee-dee, ingka mada kaowu damahinta dua bhe Anoa; ane dagumaga miina damandeꞌaane, ingka mada kaowu nagumaga dua miina nafopandeꞌao;

Filipi 1:28

Koe tihandaomu ne mie mewangikoomu, sadhia fekatangka lalomiu. Poewangiꞌamiu naꞌa somo katandaino andoa dabinasamo, hintimiu sumalamatiomu. Kosasawiꞌae naꞌa nomaiꞌao ne Lahataꞌala.

Lukas 21:12

Ampamo kaowu paeꞌo nakumadhadhia kosasawiꞌae naꞌa, dahumakokoomu maka damodee-deekoomu, dabhitahakikoomu weo lambu kasambaheaꞌa bhe datumohongkukoomu. Datumondakoomu ne wisendo kabhalano liwu bhe kafeompuꞌa mbaꞌinomo kaparasaeamiu ne Idi.

Yohanes 15:20

Feꞌulaiꞌeomu pugauku ne hintimiu, ‘Seemie bhatua paise namoliu kafeompuꞌano.’ Ane damodee-dee kanau, tetewei dua damodee-deekoomu; ane damangkafi kafoinaꞌuku, tetewei dua damangkafi kafoinaꞌumiu.

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.

2 Timotius 3:11

Ingka wohaemo dua kakadee-dee bhe kafoinsa-insana peda neꞌawaku we Antiokia, Ikonium bhe Listra. Kabhalano maka kakadee-dee nenamisiku naꞌa, tamaka Ompu nofosalamati kanau.

Matius 25:34

Omputo anaꞌa napugau ne mie we suanano ambano, ‘Maimoomu, hintimiu nebarakatino Amaku, tahimamoomu Kafopahintaꞌa toka nefontaa-ntaano so hintimiu mpini pakatifokonandoono dhunia.

Markus 10:30

Ne dhamani aini daeꞌawa moꞌono paku kabhahino: o lambu, o bhahitie, o ina, o anaꞌi bhe kaampo, tamaka daenamisi dua kafodee-dee. We dhamani mbuhumai daeꞌawa dadi suhue dhamani.

Lukas 6:20

Pada anaꞌa Yesus noꞌondomo anaguhuꞌino bhe nopugau ambano, “Kodawua mpuu, hintimiu ngkumaasi-asino, hampano hintimiumo so mehapino Kafopahintaꞌano Lahataꞌala.

Matius 10:23

Ane damodee-deekoomu ne seꞌonu liwu, fileiꞌomu ne liwu sigaoꞌano. Amohatokoomu, kotu-kotuꞌu paeꞌo madaeꞌomu liwu-liwuno Israel mangkaiꞌeomua, Anano Manusia - Idimo ini - nahumatomo.

1 Yohanes 3:12

Koise dembaliomu peda Kain, o anano Kafeompuꞌando seetani sampe nopongko aino wutono. Noafa katipongkoꞌano? Dhohono habuno sanea habu modai, tamaka habuno aino sanea habu metaa.

Tula-tulando rasulu 8:1

Notandamo oleo anaꞌa umati marasaeano we Yerusalem dofodee-deeda sepaliꞌa. Andoa dopuli dotigasa dohope we witeno Yudea bhe Samaria, ampamo kaowu rasuluꞌi miina.

Tula-tulando rasulu 5:40

Pada anaꞌa rasulu maitu dofopesuadamo toha maka dopepekida bhe doꞌeleꞌaanda dafofoguhu damake neano Yesus. Pada amaitu dofolapadamo.

Matius 19:14

Nopugaumo Yesus ambano, “Hunsaꞌanomo anaꞌi andoa itu damai se Idi, koise eleꞌaandaomua, kapaꞌamo mie medandomo andoa ini so mieno Kafopahintaꞌano Lahataꞌala.”

Markus 10:14

Sanowohada peda maitu, Yesus noꞌamahakimo anaguhuꞌino bhe nopugau ambano, “Hunsaꞌanomo anaꞌi andoa itu damai se Idi! Koise eleꞌaandaomua, hampano mie medandomo andoa ini so mieno Kafopahintaꞌano Lahataꞌala.

Lukas 22:29

Tapedamo Amaku nowaꞌa kanau kuasa afopahintangi, nadamo dua o Idi amaꞌangkoomu kuasa fopahintangiomu.

Yakobus 5:11

Andoa maitu ingka doabhidaomu dokodawua, kapaꞌamo dokampuu-mpuu dopotaami. Ingka fetingkeemoomu potaamino anabii Ayub. Pandeꞌaaneomu dua panda-pandano neꞌawa ae maiꞌao ne Ompu. Kanandooꞌano peda aini hampano Ompu nofoliu kamoasiꞌaono bhe kabhelano lalono ne manusia.