12 Katepi nontiintahaemo so natumepisaoꞌao gandum ampa naonggela. Onuno gandum nahumompunaane weo lambu kaenteiꞌa oti, tamaka kulino bhe kansiano laano natumunuane efi tapa mopoopeono.”
Hunsaꞌanomo kohaahondaꞌae daꞌumende ampa metobheꞌa. Nahumato metobheꞌa, amugaumo ne tumobheno, ‘Foꞌonuomu kadeki dana itu, obho-obhoeꞌomu maka tawueꞌomu. Mada aitu foꞌonuomu gandum weo lambu kaenteiꞌano otiku.’ ’ ”
Katepi nontiintahaemo so natumepisaoꞌao pae ampa naonggela. Onuno pae nahumompunaane weo lambu kaenteiꞌa oti, kulino bhe kansiano laano natumunuane efi tapa mopoopeono.”
Anano Manusia natumudu malaꞌekatino damoꞌonu sabhaha mie mekakodhosano manusia bhaindo bhe mie humabu modaino weo Kafopahintaꞌano.
Sasuka haꞌaku tapa kobhakeno nolakoe, tamaka sasuka haꞌaku kobhakeno nofekanggelaꞌie so nodhuluꞌao kabhahino bhakeno.
Wakutuu anaꞌa mie mongkilo dakotilanga nada oleo weo Kafopahintaꞌano Amando. Ane dokotingala, beano dametingke!”
Kosasawindo naꞌa daꞌumohofida weo efino narakaa; ne naꞌa taꞌo kangkoꞌae bhe kuꞌino wangka.
Dadiꞌanomo Yohanes nopugaumo ne mie bhahi maitu ambano, “Idi ini akadiuangkoomu oe, tamaka so humatono mada kaowu nofoliu kanau kuasa, mahinggamo alumense katapuno kaampinino pae amantasia. Anoa naꞌa nakumadiuangkoomu Rohino Lahataꞌala bhe efino.