Matius 28:2 - Muna Southern Dialect

² Gahaꞌa tambaꞌomo nandoo luali moꞌosa, mbaꞌinomo seemie malaꞌekatino Ompu nosampu nomaiꞌao te surugaa, nokala nodole kontu kasongkono kobuhu maka nengkoha te wawo.

Matius 28:2 Referans Kwoze

Tula-tulando rasulu 16:26

Gahaꞌa tanosinandooꞌamo luali moꞌosa sampe sandino lambuno katohongku nomaunda. Ne naꞌa dua kosasawiꞌae fointono katohongku notilengka bhe langkendo nopuli notibhosa.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

Yohanes 20:1

Same-samentaeno ne oleono Ahadhi, nandoo nohohondo, Maria Magdalena nokalamo we kobuhu. Gahaꞌa nowohamo kontu kaꞌontono wobhano lia kafokobuhuꞌa naꞌa padamo dodolee.

Powoha 11:19

Tanotilengkamo dua Lambuno Lahataꞌala te surugaa, notiwohamo dua sohongano podhandiꞌa weo Lambuno Lahataꞌala naꞌa. Gahaꞌa wakutuu aitu dua nokobhibhito, nokopisibhela, nokoguntu, nokoluali, bhe nosampu use ngkobhatu nobhie sepaliꞌa.

1 Petrus 1:12

Lahataꞌala nofohato ana-anabii naꞌa putae bhihita nekosuahaꞌaondo, suano so wutondo tamaka so hintimiu. Ingka bhihitamo dua anaꞌa nefetingkemiu ampa aini ne mie meowano Bhihita Metaa. Weo kuasano Rohino Lahataꞌala nefosampu maiꞌao te surugaa, mie anaꞌa dofosampeangkoomu Bhihita Metaa anaꞌa. Mahinggamo malaꞌekati, gaondo damandeꞌaane dua bhihita aini.

Matius 27:60

Pada aitu nofondoleemo weo kobuhu buꞌou fehebuaꞌano wutono. Kobuhu anaꞌa dopatotae ne kabhawono kontu, ⸤ dohabue peda katuno lia⸥ . Anoa nedole kontu bhalano mbali kasongkono wobhano lia maka nokala.

Matius 27:66

Pada peda naꞌa dokalamo dotandai kasongkono kobuhu naꞌa keana dodiu-diuꞌe, maka detudu tantara dodhaganie.

Tula-tulando rasulu 5:19

Tamaka hato nohondo oleo, seemie malaꞌekatino Ompu nolengkasi fointono katohongku naꞌa maka nowowoꞌoda we simbali.