Matius 27:45 - Muna Southern Dialect

⁴⁵ Hambi ompulu haa mata pana oleo kosekadieꞌae naꞌa nodapoe kahohondo, ampa hambi tolu mata maꞌoleo.

Matius 27:45 Referans Kwoze

Powoha 9:2

Fointono olano mate naꞌa nolengkae, lasao nobhombola gawu pasae nomaiꞌao ne kaehampuꞌa bhalano, sampe oleo bhe kosekaꞌewaꞌae lani nohohondo hampano gawu maiꞌaono weo ola anaꞌa.

Markus 15:25

Tempo katisalipuꞌano naꞌa hambi siua mata hangkowine.

Powoha 8:12

Pada aitu malaꞌekati kapopaano nobusomo dua duhuleleno, maka notihambi sekatolu dawuꞌa oleo, sekatolu dawuꞌa wula bhe sekatolu dawuꞌa kulipopo sampe sekatolu dawuꞌa tilangano nohohondomo. Dadiꞌanomo sekatolu dawuꞌa ole-oleo miina naentaleaꞌa, sekatolu dawuꞌa kohondoꞌa sedhuluꞌa kahohondono.

Yohanes 19:14

Oleo hambi-hambi ompulu haa matamo ne oleo kaefotokaꞌa hohaeaꞌano Paska. Nopugaumo Pilatus ne miendo Yahudi ambano, “Aini omputomiu.”

Tula-tulando rasulu 3:1

Seꞌoleo Petrus bhe Yohanes dokala we Lambuno Lahataꞌala. Ne naꞌa hambi tolu mata kamaꞌoleono, wakutuunomo dosambahea.