Matius 27:24 - Muna Southern Dialect

²⁴ Pilatus nopandeꞌao lalono sabhaha dhala paemo nakofahalaaꞌa, pakade mie bhahi maitu kao-kaomo daehabumo kahungga. Dadiꞌanomo nealamo oe maka newanu ne wisendo mie bhahi bhe nopugau ambano, “Miina akokaꞌala ne heano mie aini; nopulimo ne wutomiu.”

Matius 27:24 Referans Kwoze

Matius 27:4

bhe nopugau ambano, “Ingka akodhosamo aeowangkoomu heano mie tapa kokaꞌala.” Tamaka tadotobhoosi ambado, “Ingka suano nepandeꞌao mania, nopulimo ne wutomu!”

2 Korintus 5:21

Kristus tapa mehabuno dhosa, padamo nofoseꞌisee Lahataꞌala bhe manusia kodhosa, neanomo weo kaseꞌisentoomu bhe Kristus nafotahima Lahataꞌala peda mie banara.

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

Matius 26:5

Tamaka ambado, “Koise dohakoe ne matano hohaeaꞌa, bhahaa tadohialele raꞌeati.”

Tula-tulando rasulu 3:14

Anoa mie mongkilo bhe melaano lalo, tamaka hintimiu mongaheꞌieꞌomu maka mesaloomu ne Pilatus namolapaangkoomu mie kapongko-pongkono.

Yohanes 19:4

Pilatus nolimbamo toha nofohato mie bhahi ambano, “Aitu amolimbaangkoeꞌomu, neanomo mandeꞌaaneomu miina sepaliꞌa aepoꞌawaꞌao kaꞌalano.”

Matius 27:54

Neangkando tantara bhe tantara dhumaganino Yesus doteꞌi sepaliꞌa dowoha lualino wite bhe sabhaha kumadhadhiaꞌano sampe dopugau ambado, “Kotu-kotuꞌu mie aini Anano Lahataꞌala.”

Matius 27:9

Pedamo naꞌa nokoꞌulamo bhoasaono Lahataꞌala nefosampeno anabii Yeremia, “Andoa detahima tolu fulu woka pera, dhoi netanduaꞌaondo miendo Israel mbali olino mie kaꞌolindo.

Matius 27:19

Tangasano Pilatus nengkoha-ngkoha ne kaengkohaꞌa kaebhotusiꞌa parakara, nohatomo kaowili maiꞌaono ne mieno lambuno, ambano, “Fosipuli wutomu ne parakarano mie pata kokaꞌalano maitu, kapaꞌamo mohondo weo nifiku akadee-deeanemo.”

Matius 27:23

Ambano dua, “Tamaka podiu modai ae gahaꞌa nehabuno?” Tamaka andoa tanodhulu kaꞌosa dokei ambado, “Tetewei dakumantaiꞌe te sau salipu!”

Yohanes 13:9

Ambano dua Simon Petrus, “Waompu, bahangka koise kaowu aꞌeku, tamaka limaku bhe fotuku dua.”