Matius 26:3 - Muna Southern Dialect

³ Wakutuu aitu neangkaꞌindo imamu bhe kamungkulaꞌindo Yahudi dopohompu-hompu we lambuno Imamu Bhalano koneaꞌano Kayafas.

Matius 26:3 Referans Kwoze

Yohanes 18:24

Pada anaꞌa Hanas nofotudumo damowa Yesus ne Imamu Bhalano Kayafas, daa-daaꞌe bhe katapuno.

Markus 14:54

Petrus noangka-angka ngkodoꞌo Yesus, ampa nopesua weo kadeteno lambuno Imamu Bhalano. Ne itu nengkoha-ngkoha bhe dhumagano poowa nehana.

Yohanes 18:28

Nandoo same-samentaeno dowowoꞌomo Yesus maiꞌao we lambuno Kayafas we kamalino gubernur. Miendo Yahudi dokiido damesua weo kamali naꞌa, keana dokodengo weo tubhono agamando. Kapaꞌamo gaondo daomaa haroano Paska.

Yohanes 11:57

Kapugauꞌando peda anaꞌa kapaꞌamo neangkaꞌindo imamu bhe miendo Farisi padamo defolimba pahinta, putae laꞌae so mohano Yesus tetewei damohatoda, mudaꞌao dahumakoe.

Lukas 3:2

Wakutuu anaꞌa Imamu Bhalano Hanas bhe Kayafas. Ne taꞌumo anaꞌa Lahataꞌala nokobhoasaomo ne Yohanes anano Zakaria we pandaso bhalano.

Matius 26:69

Tangasano Petrus nengkoha-ngkoha we kadete, nomaimo seemie bhatua hobhine ambano, “Ingka hintu ini dua sadhia pobhai bhe Yesus, mieno Galilea maitu.”

Matius 27:27

Pada anaꞌa tantaraꞌino gubernur doowamo Yesus se kamalino kaebhotusiꞌa parakara, maka kosasawindo tantara doloꞌoida dapohompu-hompu dolibu-libu Yesus.

Markus 14:66

Tangasano Petrus nengkoha-ngkoha ne kadete, nomaimo seemie hobhine bhatuano Imamu Bhalano.

Markus 15:16

Pada peda naꞌa, tantara doowamo Yesus we kamali kaebhotusiꞌa parakara. Maka kosasawindo tantara dosaliꞌida dapofoꞌo-foꞌonu.

Lukas 22:55

We wunta-wuntano kadeteno lambu naꞌa bhe mie detampo efi maka dengkoha dolibu-libue. Petrus nengkohamo dua bhe andoa.