Matius 26:28 - Muna Southern Dialect

²⁸ Heakumo inia. Heaku ini damotuhue so mie bhahi, somo mekatangkano podhandino Lahataꞌala bhe manusia, somo dua katiꞌamponiꞌano dhosando.

Matius 26:28 Referans Kwoze

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Powoha 7:14

Ambaku, “Waompu, ingka hintumo mandeꞌaane!” Maka nopugau toha ambano, “Andoa ini mie lumimbano maiꞌao ne tempono kasabha bhalano, dhubando padamo dotofae ampa nopute weo heano Anano Dhumba.

1 Korintus 11:25

Pedamo dua anaꞌa pada dohumaa, nealamo kampohoꞌuꞌa bhe nopugau ambano, “Kampohoꞌuꞌa aini o podhandiꞌa buꞌouno Lahataꞌala bhe manusia, dofekatangkaane tuhuno heaku. Taenomo mohoꞌueꞌomu, habueꞌomu somo kafeꞌu-feꞌulaiku.”

1 Yohanes 2:2

Kristus nembalimo kapopanga pometaaꞌaono manusia bhe Lahataꞌala, mosalinomo dhosantoomu. Bhahamoa suano kaowu dhosantoomu, tamaka dhosando manusia kosedhuniaꞌae ini.

Ibrani 13:20

Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.

Ibrani 9:28

Pedamo dua anaꞌa Kristus sepaku kaowu noowa Wutono mbali kapopanga nesumbele so katitolosiꞌano dhosando manusia bhahino. Anoa namendua namai, paemo naehefu dhosaa tamaka naeowa kasalamati so mie mantagino kahatoꞌano.

Efesus 1:7

Hampano tuhuno heano Kristus bhe kaseꞌisentoomu bhe Anoa, Lahataꞌala nofobebasi kaitamo, maꞌanano noꞌamponiemo dhosantoomu, noposahataa bhe kabhalano rahamatino.

Kolose 1:14

Noangka ne Anano, nofobebasi kaitaomu, maꞌanano dhosantoomu notiꞌamponimo.

Lukas 22:19

Pada anaꞌa nealamo dua roti, nefoampe katumpuno lalo, nobhebhehae maka nodawu-dawuandae anaguhuꞌino. Ambano, “Mbadhakumo inia, newaꞌaoku so hintimiu, habuomu nada ini somo kafeꞌulaimiu ne Idi.”

Kolose 1:20

Patudhuno Lahataꞌala, noangka ne Anano ini, sabhaha ndumandoono te surugaa bhe we dhunia napometaaꞌanda bhe Wutono. Tuhuno heano Kristus te sau salipu meowanomo pometaaꞌa naꞌa.

Roma 5:19

Hampano habuno seemie pata meangkano ne Lahataꞌala, manusia bhahino dembali mie kodhosa, pedamo dua aitu hampano habuno seemie meangkano ne Lahataꞌala, manusia bhahino datumahimada nada mie banara.

Markus 14:24

Yesus nopugaumo toha ambano, “Heakumo inia. Hea aini damotuhue so mie bhahi, somo mekatangkano podhandino Lahataꞌala bhe manusia.

Powoha 7:9

Pada amaitu awohamo kantawundo mie, miina natilentua kabhahindo. Andoa domaiꞌao ne sabhaha liwu, sabhaha sampuꞌa, sabhaha siwulu, bhe sabhaha wamba, deehe-ehe ne wiseno kaengkohaꞌa kumalabhiano bhe ne wiseno Anano Dhumba, depake dhuba kapute deintaha hoono potubu.

Roma 5:15

Ampamo kaowu kaꞌalano Adam miina napototoa bhe kawaꞌaono Lahataꞌala. Hampano kaꞌalano seemieno maitu, manusia bhahino nokangkanaidamo mate, gahaꞌaitu neowano seemieno ⸤ mbuhumaiꞌano⸥ nopobhansule sepaliꞌa: noangka ne manusia Yesus Kristus ini Lahataꞌala nofosampu rahamatino bhe kadawuno pontalabhi-labhino ne manusia bhahino.

Markus 1:4

Pedamo tibuhino naꞌa Yohanes Fokadiuno notiumba we pandaso bhalano bhe nopugau ambano, “Fetompaꞌao dhosamiu, doliomu ne Lahataꞌala bhe mefekadiuꞌomu maka Lahataꞌala naꞌumamponikoomu.”

Matius 6:12

Amponie sabhaha dhosa mani, pedamo dua insaodi tamaꞌafuꞌao mie kokaꞌalano ne insaodi.

Matius 26:27

Palusi anaꞌa nealamo dua kampohoꞌuꞌa, nefoampe dua katumpuno lalo ne Lahataꞌala maka nowaꞌandae anaguhuꞌino. Ambano, “Fohoꞌuomu kosasawimiu maiꞌao ne kampohoꞌuꞌa aini.

Matius 26:29

Amohatokoomu, notanda aitu paemo aohoꞌua angguru ampa oleono aohoꞌu angguru buꞌou, apoowa-owa bhe hintimiu weo Kafopahintaꞌano Amaku.”

Lukas 22:20

Peda dua anaꞌa palusi dohumaa nealamo toha kampohoꞌuꞌa bhe nopugau, “Kampohoꞌuꞌa aini podhandi buꞌouno Lahataꞌala bhe manusia, dofekatangkaane tuhuno heaku. Heakumo ini nefotuhu so hintimiu.

Ibrani 10:29

Ane peda anaꞌa, nada amai bhahaa kolauno mie minda-mindaꞌino Anano Lahataꞌala, mabhino heano podhandiꞌa o giu mohaku tapa kofahalaano? Gahaꞌaitumo hampano tuhuno heano naꞌa dhosano nonggelamo. Pakade nofekandidiki dua Rohino Lahataꞌala fowaꞌaono rahamati. Ingka kahukumu so neꞌawano mie medano naꞌa sedhuluꞌa kabhieno!