Matius 26:26 - Muna Southern Dialect

²⁶ Tangasano dohumaa, Yesus nealamo roti maka nefoampe katumpuno lalo ne Lahataꞌala. Roti anaꞌa nobhebhehaemo maka nowaꞌandae anaguhuꞌino bhe nopugau ambano, “Alaeꞌomu maka humaaꞌeomu, mbadhakumo inia.”

Matius 26:26 Referans Kwoze

Tula-tulando rasulu 20:7

Ne alono Ahadhi tapohompu-hompumo tapoharoa. Paulus nopuga-pugaumo bhe bhahitieꞌi ne itu hampano patudhuno namentae nakumalamo toha. Puga-pugauno maitu tanofewuntaꞌi alo.

1 Korintus 10:4

Kosasawindo dofohoꞌu oe pototoꞌano, sanea oe maiꞌaono te surugaa. Kosasawindo dofohoꞌu oe maiꞌano ne kabhawono dempa pobhaianda; dempa anaꞌa ingka o wutonomo Kristus.

Tula-tulando rasulu 2:46

Andoa dokampuu-mpuu dosekakolalo, seꞌo-seꞌoleo dopohompu-hompu weo Lambuno Lahataꞌala. Andoa doꞌia bhe nohelasi lalondo dopoharoa ne lambudo seemie-seemie dopali-paliꞌaane.

Lukas 24:30

Hato naomaa bhe andoa, Yesus nealamo roti, nobarakatie maka nobhebhehae bhe nodawuandae.

Markus 6:41

Yesus noalamo roti lima onuno bhe kenta haa uluno maitu maka nototohana te lani, nefoampe katumpuno lalo ne Ompu Lahataꞌala. Pada anaꞌa nobhebhehamo roti aitu maka nowaꞌandae anaguhuꞌino dadumawu-dawuandae mie bhahi. Pedamo dua anaꞌa kenta haa uluno maitu.

Matius 14:19

Pada anaꞌa mie bhahi notududamo daengkoha ne kahoku. Dengkoha kaowu, noalamo roti lima onuno bhe kenta haa uluno naꞌa, nototohana te lani nefoampe katumpuno lalo ne Lahataꞌala maka nobhebhehae. Pada anaꞌa nowaꞌandae anaguhuꞌino dodawu-dawuandae mie bhahi maitu.

Matius 26:27

Palusi anaꞌa nealamo dua kampohoꞌuꞌa, nefoampe dua katumpuno lalo ne Lahataꞌala maka nowaꞌandae anaguhuꞌino. Ambano, “Fohoꞌuomu kosasawimiu maiꞌao ne kampohoꞌuꞌa aini.

Lukas 22:17

Pada aitu nealamo kampohoꞌuꞌa, nefoampe katumpuno lalo ne Lahataꞌala maka ambano, “Alaeꞌomu maka podawu-dawueꞌomu.