Matius 26:14 - Muna Southern Dialect

¹⁴ Pada anaꞌa seemie maiꞌao ne anaguhuno ompulu hoduano koneaꞌano Yudas Iskariot, nokalamo ne meangkaꞌindo imamu.

Matius 26:14 Referans Kwoze

Matius 10:4

Simon miendo Zelot bhe Yudas Iskariot. Anoamo ini mowano Yesus ne limano kaewando.

Tula-tulando rasulu 1:16

“Bhahitieꞌiku, teteweimo nokoꞌula tibuhiꞌano weo Kitabi. Maꞌanano, kafohatono Rohino Lahataꞌala ne anabii Daud wawo-wawo, mulaoꞌaono Yudas, nokoꞌulamo. Yudas ini neangkando mie humakono Yesus.

Yohanes 13:30

Pada notahima roti anaꞌa Yudas lasao nolimba. Oleo nohondomo.

Yohanes 13:2

Yesus bhe anaguhuꞌino nandoo dohumaa. Kafeompuꞌando seetani padamo nokamuntui Yudas anano Simon Iskariot, nowaꞌane patudhu modai weo totono lalono so namowaꞌao Yesus ne limando kaewa.

Matius 27:3

Nowoha Yesus dobhotusie damongkoe, Yudas nososomo. Anoamo ini mowano Yesus ne andoa maitu. Dadiꞌanomo dhoi tolu fulu woka perano lasao nofosulie ne meangkaꞌindo imamu bhe kamungkulaꞌi,

Matius 26:47

Tangasano Yesus nopugau, nohatomo Yudas, seemie maiꞌaono ne anaguhuno ompulu hoduano. Yudas maitu nohato nopoowa bhe mie bhahi metaguno kampue bhe kawangku. Mie bhahi naꞌa dotududa neangkaꞌindo imamu bhe kamungkulaꞌindo Yahudi.

Yohanes 18:2

Yudas so mowano Yesus ne limando kaewa, nopandeꞌaane dua kaendea anaꞌa, kapaꞌamo Yesus bhe anaguhuꞌino nentuhu dopohompu-hompu ne naꞌa.

Matius 26:25

Yudas so mowano Yesus ne kaewa nofeenamo dua, “O idi bhahaa Guru?” Ambano Yesus, “Pedamo pugaumu itu.”

Yohanes 12:4

Tamaka Yudas Iskariot, seemie anaguhuno Yesus somo mowae ne limando kaewa, nopugaumo ambano,

Yohanes 13:26

Ambano Yesus, “Mie newaꞌaoku roti so netandaku weo mangko, aituꞌaemo mieno.” Pada nopugau peda naꞌa Yesus nealamo roti, notandae weo mangko maka nowaꞌane Yudas anano Simon Iskariot.

Tula-tulando rasulu 1:18

(Yudas naꞌa padamo neꞌoli wite. Wite aitu noꞌoliane dhoi ponambono nopokanagauꞌao Yesus. Anoa nondawu kalongko-longko nosengka bhe handano, kahehewuno nopuli nosihuhu.