Matius 25:41 - Muna Southern Dialect

⁴¹ Pada anaꞌa napugaumo dua ne mie we kemano, ‘Gampiomu maiꞌao ne wiseku ini, hintimiu mie nekangkanaino balaa! Pesuaꞌomu weo efino narakaa tapa mopoopeono ampa suhue dhamani, toka nefontaa-ntaa so Kafeompuꞌando seetani bhe malaꞌekati sabhangkaꞌino.

Matius 25:41 Referans Kwoze

2 Petrus 2:4

Ingka endefiꞌini malaꞌekati kodhosano miina dalumapaa ne kahukumuno Lahataꞌala, tamaka noꞌohoda we narakaa. Andoa maitu nofopesuada weo kantie mohohondono, nofekataada ampa nahumato oleo so katibhotusiꞌando.

2 Tesalonika 1:9

Kahukumu so neꞌawando maitu o kabinasa suhue dhamani, maꞌanano daokodoꞌo maiꞌao ne wiseno Ompu bhe kuasano kumalabhiano.

Matius 13:42

Kosasawindo naꞌa daꞌumohofida weo efino narakaa; ne naꞌa taꞌo kangkoꞌae bhe kuꞌino wangka.

Matius 13:40

Peda dana dofoꞌonue maka dotawue ne efi, namedamo dua naꞌa nahumato kafetompaino dhamani.

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

Matius 7:23

Ne naꞌamo dua amohatoda mentalea-mentalea, ‘Ingka miina sepaliꞌa amandeꞌaangkoomua! Gampiomu ne wiseku ini, hintimiu humabu modaino.’ ”

Matius 3:12

Katepi nontiintahaemo so natumepisaoꞌao gandum ampa naonggela. Onuno gandum nahumompunaane weo lambu kaenteiꞌa oti, tamaka kulino bhe kansiano laano natumunuane efi tapa mopoopeono.”

Ibrani 6:8

Tamaka ane o wite notumbuiꞌe kahoku kokihi bhe laiwongka maka wite aitu miina nakofahalaaꞌa, mada kaowu nabhatataꞌianemo Lahataꞌala maka panda-pandano dakumonsulapaiꞌe.

Matius 13:50

Mie modai daꞌumohofida weo efino narakaa, ne naꞌa taꞌo kangkoꞌae bhe kuꞌino wangka.”

1 Yohanes 3:10

Mie tapa mangkafino kapoindalono Lahataꞌala bhe tapa moasiꞌaono bhahitieno, suano anaꞌino Lahataꞌala. Ainiꞌaemo poꞌalaꞌano anaꞌino Lahataꞌala bhe anaꞌino Kafeompuꞌando seetani.

Lukas 16:24

Mie hangkaea naꞌa nokeimo ambano, ‘Amaku Abraham, mobhela kanau lalo! Tudu kanaumo Lasarus namolondo wunano limano ne oe maka namekahindima lelaku hampano notolau kakadee-deeku weo hendeno efi ini.’

Lukas 13:27

Tamaka anoa tanamugau ambano, ‘Miina amandeꞌaangkoomu maiꞌaoꞌomu ne amai, gampiomu ne wiseku ini hintimiu humabu modaino!’

Matius 25:46

Andoa ini damesua weo kakadee-dee suhue dhamani, tamaka mie banara daeꞌawa dadi suhue dhamani.”

Matius 18:8

Ane limamu tawa aꞌemu naehabuangko dhosa, totoe maka ohoe, kapaꞌamo naetaa mesua weo dadi suhue dhamani nasedhodho limamu tawa mokempa, bhe mesua weo efino narakaa kohaambaliꞌae limamu bhe aꞌemu.

Matius 5:22

Tamaka ambaku Idi, laꞌae umamahano ne bhahitieno tetewei dahumukumue. Laꞌae mugauno ne bhahitieno, ‘Hintu itu kaafihi!’ tetewei dabhitahakie Sahano Agama. Laꞌae mugauno, ‘Hintu itu notolau kabhohemu!’ tetewei daꞌumohoe weo efino narakaa ngkalai-laiꞌano.

Matius 4:10

Yesus tanotobhoosi ambano, “Gampimo, seetani! Kapaꞌamo notibuhi, ‘Taohao sombamu ne Ompu Lahataꞌalamu, ampamo kaowu Anoa so nefeompuniꞌimua!’ ”

Matius 25:42

Kapaꞌamo aoꞌaho miina makande kanauꞌomu, nokekele wuꞌuku miina mefohoꞌuti kanauꞌomu.

2 Tesalonika 1:7

Hintimiu kumadee-deeno ampa aini namaꞌangkoomu kalalesa meeneiꞌomu, pedamo dua ne insaodi. Anaꞌa nakumadhadhia ne oleono Ompu Yesus namotiwoha Wutono maiꞌao te surugaa, weo efi ngkalai-lai napoowa-owa bhe malaꞌekatino kokuasano.