Matius 25:31 - Muna Southern Dialect

³¹ “Ane namai kaowu Anano Manusia weo kakalabhiano napoowa-owa bhe kosasawindo malaꞌekatino, maka naengkoha-ngkoha te kaengkohaꞌano kumalabhiano.

Matius 25:31 Referans Kwoze

Powoha 1:7

Ondo kaitaomu, Anoa nahumato te olu kapute bhe sabhaha mie daohae, mahinggamo andoa mada kumahadae. Kosasawindo bansano liwu ne dhunia ini daoꞌaefie. Uumbe mpuu. Amin.

Matius 19:28

Ambano Yesus, “Amohatokoomu, kotu-kotuꞌu nahumato tempono dhunia buꞌou, Anano Manusia - Idimo ini - naengkoha-ngkoha ne kaengkohaꞌano omputo weo kakalabhiano. Ne naꞌa hintimiu toka mangkafi kanau, mengkohaomu dua te kaengkohaꞌa ompulu haa onuno somo mandeꞌaono ompulu haa onu sampuꞌano miendo Israel.

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Markus 8:38

Ane doambano doangkafi kanau bhahaꞌi doambano doangkafi kafoinaꞌuku ne olotando mie modai bhe mie kodhosa dhamani aini, Anano Manusia - Idimo ini - naoambanoane dua mie aitu ane namai weo kakalabhiano Amano, dalumibu-libue malaꞌekati mongkilono.”

Yudas 1:14

Henok, sampuꞌa kafitu pulangano maiꞌao ne Adam, nokosuahamo dua peda anabii nopulaoꞌao andoa itu. Ambano, “Ondo itu, Ompu Lahataꞌala namai napoowa bhe malaꞌekatino mongkilono dantini hewu-hewu.

Yohanes 1:51

Pada aitu Yesus nopugaumo dua ambano, “Amohatoko, kotu-kotuꞌu omoha lani namoengka bhe malaꞌekatino Lahataꞌala damoni sumampu ne Anano Manusia.”

Lukas 9:26

Kapaꞌamo ane doambano doangkafi kanau bhe kafoinaꞌuku, Anano Manusia naoambanoane dua mie aitu humato namai weo kakalabhiano wutono bhe kakalabhiano Amano, dalumibu-libue malaꞌekati mongkilono.

Powoha 20:11

Pada aitu awohamo dua kaengkohaꞌa kumalabhiano nopute bhe nobhala bhe Mengkohafie. O lani bhe dhunia tanosimiinaeꞌamo ne wiseno kao-kaomo dofileiane, miinamo natiwohaa.

Powoha 3:21

Sasuka fotalono amongkohae te kaengkohaꞌaku kumalabhiano ⸤ so damahintaꞌao⸥ dapoowa bhe Idi, pedamo dua Idi padamo afotalo maka aengkoha apoowa-owa bhe Amaku te kaengkohaꞌano kumalabhiano.

Markus 14:62

“Anoamo,” ambano Yesus, “maka mada kaowu, mohaomu Anano Manusia - Idimo ini - naengkoha ne suanano Lahataꞌala kokuasano, mohaeꞌomu dua namai te wunta-wuntano olu te lani.”

Matius 26:64

Ambano Yesus, “Ingka pedamo pugaumu itu. Ampamo kaowu amohatoko, notanda aitu mohaomu Anano Manusia naengkoha ne suanano Lahataꞌala kokuasano, mohaeꞌomu namai te wunta-wuntano olu te lani.”

Ibrani 1:8

Tamaka ne Anano maitu, Lahataꞌala nokobhoasao ambano, “Hintu Lahataꞌala, kafopahintaꞌamu nadumaa-daaꞌe suhue dhamani, noꞌadhili mpuu kuasamu.

1 Tesalonika 4:16

Wakutuu anaꞌa natifetingke pahinta, malaꞌekati bhalano nakumei bhe duhuleleno Lahataꞌala damuntoe. Ne naꞌamo dua wutono Ompu nasumampu namaiꞌao te surugaa, maka marasaeano ne Kristus toka komate-mateno namaꞌindulu namodadida.

Tula-tulando rasulu 1:11

“Miendo Galilea, noafa gahaꞌa mentoha-ntohaꞌaoꞌomu te lani? Yesus, newohamiu notisangke saꞌituini, namada kaowu nasumuli toha we dhunia ini, napototo hatono bhe kalano newohamiu saꞌituini.”

Lukas 22:69

Notandamo aitu Anano Manusia nengkohamo ne suanano Lahataꞌala kokuasano.”

Matius 25:6

Nofewuntaꞌi alo notifetingkemo suaha nekei-kei ambano, ‘Aituꞌaemo! Loꞌia buꞌou nohatomo! Sumpuiꞌeomu!’

1 Tesalonika 3:13

Sio-siomo dua Ompu namekatangka lalomiu, neanomo mongkiloomu bhe paise kodengo-dengoomua ne wiseno Lahataꞌala Amantoomu, ne oleo kahatoꞌano Ompuntoomu Yesus bhe kosasawindo umati mongkilono.

Ibrani 9:28

Pedamo dua anaꞌa Kristus sepaku kaowu noowa Wutono mbali kapopanga nesumbele so katitolosiꞌano dhosando manusia bhahino. Anoa namendua namai, paemo naehefu dhosaa tamaka naeowa kasalamati so mie mantagino kahatoꞌano.