Matius 24:37 - Muna Southern Dialect

³⁷ “Peda koeatendo manusia ne dhamanino anabii Nuh, namedamo dua anaꞌa ne oleo kahatoꞌano Anano Manusia.

Matius 24:37 Referans Kwoze

2 Petrus 3:6

Pedamo anaꞌa ingka o oemo dua mobinasano dhunia wawono, nofobinasaane luano oe bhalano.

2 Petrus 2:5

Pedamo dua anaꞌa we dhamani wawono, mie modai miina dalumapaa ne kahukumuno Lahataꞌala. Anoa nofosampu luano oe bhalano ne dhuniando mie modai naꞌa, maka mpahinomo Nuh bhe mie pipituno poowaꞌano sumalamatino. Nuh ini sadhia nofofohatoꞌao dadi banara.

Ibrani 11:7

Hampano kaparasaeano, Nuh nofodhagae Lahataꞌala so kumadhadhiaꞌano te wise, tapaꞌo newohano. Nuh neangka ne Lahataꞌala sampe nefotoka bhangka bhalano, mbalimo mosalamatie bhe koseꞌonu polambuno. Noangka ne kaparasaeano naꞌa dhunia dohukumue, tamaka wutono Nuh notahimae Lahataꞌala peda seemie banara hampano kaparasaeano.

Matius 24:39

Andoa miina sepaliꞌa damandeꞌaanea o ae so kumadhadhiano, sampe nofonisidamo luano oe bhalano naꞌa. Nadamo dua anaꞌa ne oleono so kahatoꞌano Anano Manusia.

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Matius 24:3

Dohato te kabhawono Zaitun Yesus nengkohamo ne itu. Domaimo anaguhuꞌino dopuga-pugau domoisa kaowu. Ambado, “Fohato kainsami bhahaꞌi naefie nakumadhadhia naꞌa? O ae bhahaa katandaino so kahatoꞌamu bhe tandano pandano dhamani?”

Matius 24:27

Kapaꞌamo kahatoꞌano Anano Manusia - Idimo ini - napototo bhe bhibhito, nakosilaka te mata oleo nasumela ampa we kansoopa.

Matius 24:30

Wakutuu anaꞌa natiwohamo katandaino Anano Manusia te lani bhe sabhaha bansano liwu te dhunia ini daekangkoꞌae bhe daguguhu. Andoa daoha Anano Manusia te olu natiwoha weo kakalabhiano bhe kuasa bhalano.