Matius 24:3 - Muna Southern Dialect

³ Dohato te kabhawono Zaitun Yesus nengkohamo ne itu. Domaimo anaguhuꞌino dopuga-pugau domoisa kaowu. Ambado, “Fohato kainsami bhahaꞌi naefie nakumadhadhia naꞌa? O ae bhahaa katandaino so kahatoꞌamu bhe tandano pandano dhamani?”

Matius 24:3 Referans Kwoze

Tula-tulando rasulu 1:7

Notobhoosimo Yesus, “Hintimiu miina namaraluua mandeꞌaaneomua oleo bhe tempo nefotantuno Amaku, kapaꞌamo anaꞌa kuasano Wutono.

Matius 24:37

“Peda koeatendo manusia ne dhamanino anabii Nuh, namedamo dua anaꞌa ne oleo kahatoꞌano Anano Manusia.

Matius 13:49

Namedamo anaꞌa nahumato kafetompaino dhamani; malaꞌekati damai dapogaatiꞌao mie modai bhe mie metaa.

Lukas 21:7

Dofeenamo anaguhuꞌino ne Yesus ambado, “Guru, naefie bhahaa kosasawiꞌae naꞌa nakumadhadhia? Maka o ae so katandaino ane nahumato tempono?”

Matius 21:1

Yesus bhe anaguhuꞌino domaꞌomo we Yerusalem. Dohato we liwuno Betfage te kabhawono Zaitun, Yesus notudumo anaguhuno dohodua damaꞌindulu.

Matius 24:39

Andoa miina sepaliꞌa damandeꞌaanea o ae so kumadhadhiano, sampe nofonisidamo luano oe bhalano naꞌa. Nadamo dua anaꞌa ne oleono so kahatoꞌano Anano Manusia.

Matius 24:27

Kapaꞌamo kahatoꞌano Anano Manusia - Idimo ini - napototo bhe bhibhito, nakosilaka te mata oleo nasumela ampa we kansoopa.

Ibrani 9:26

Kapaꞌamo ane ibahano namendua, nokomaꞌana tabeano namekantuhu-ntuhu nakadee-dee mpini pakatifokonandoono dhunia. Tamaka miina nada naꞌa: ne pandano dhamani ini Kristus nohato ne dhunia ini sepaku kaowu noowa Wutono mbali kapopanga nesumbele so katitolosiꞌano dhosa.

Matius 28:20

Foinaꞌudaomu damangkafi sabhaha pahinta nefohatoꞌaoku ne hintimiu. Maka tandaiꞌeomu, sadhia apobhaiangkoomu ampa kafetompaino dhamani.”

Matius 17:19

Pada aitu anaguhuꞌino domaimo ne Yesus. Hato tadomoisa, dofeenaemo ambado, “Noafa bhahaa ingka insaodi miina tamooliea tafolimba seetani saꞌituinia?”

Matius 24:43

Tandaiꞌeomu! Ane kolambuno namandeꞌaane naafaꞌi alo nahumatoe kasoꞌo teteweimo nakodhaga, pae tanakumatahomoa lambuno dalumeloe.

Matius 15:12

Kaowu domaiꞌiemo anaguhuꞌino maka dofeena ambado, “Pandeꞌaane bhahaa wambamu saꞌituinia noleaꞌane lalondo miendo Farisi?”

Matius 13:36

Pada anaꞌa Yesus nohunsamo mie bhahi, nopesuamo weo lambu. Domaimo anaguhuꞌino maka ambado, “Fohato kainsami maꞌanano kapalendano dana te kaampo saꞌituini.”

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Matius 16:28

Amohatokoomu, kotu-kotuꞌu ne olotando mie meehe-eheno aitu nandoo so pataꞌo mateno, ane pae daoha kadeki Anano Manusia namai naembali Omputo weo Kafopahintaꞌano.”

Matius 24:30

Wakutuu anaꞌa natiwohamo katandaino Anano Manusia te lani bhe sabhaha bansano liwu te dhunia ini daekangkoꞌae bhe daguguhu. Andoa daoha Anano Manusia te olu natiwoha weo kakalabhiano bhe kuasa bhalano.