Matius 24:24 - Muna Southern Dialect

²⁴ Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

Matius 24:24 Referans Kwoze

Markus 13:22

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

Matius 24:11

Dabhahi mpahaana-anabiino sampe dabhahi mie so mokolilinono totono lalo.

Matius 7:15

“Posiꞌondoomu ne mie mpahaana-anabiino. Andoa damai daesahangka ne dhumba momaluno lalo, gahaꞌaitu andoa itu daꞌu ngkahoku fohumaano.

Matius 24:5

Kapaꞌamo dabhahi mie so maino damake neaku bhe dapugau ambado, ‘Idimo ini Mesias’, maka dabhahi mie so tibhohe-bhoheꞌino.

2 Petrus 3:17

Tamaka hintimiu, bhahitieꞌiku timoasiꞌaono, ingka pandeꞌaanemoomu wawo bhahi-bhahiꞌae naꞌa. Dadiꞌanomo kodhagaomu koe dobulukoomu weo kalibundo mie kolilinono pata mefadhulino atora, bhahasaa mondawuomu maiꞌao ne kafindaꞌamiu motangkaꞌano.

Powoha 19:20

Gahaꞌa kadadi amaitu lasao dohakoe nopoowa-owa bhe mie mpahaana-anabiino mehabuno sabhaha tanda timenteꞌaono ne wiseno kadadi anaꞌa. Tanda-tanda timenteꞌaono maitu mekakolilinono mie metahimano katandano kadadi amaitu bhe sumombaino patungno. Kohoduando maitu doꞌohoda ngkaꞌuhi-uhi weo efi ngkowaleha ngkalai-laino ne kantobha bhalano.

1 Yohanes 5:18

Ingka dopandeꞌaanemo kosasawindo mie toka membalino anaꞌino Lahataꞌala, miinamo daehabu kansuhu dhosa. Andoa nodhaganida Anano Lahataꞌala sampe miina namafa-afaꞌianda Kafeompuꞌando seetani.

2 Timotius 2:19

Ampamo kaowu sandi bhalano nefongkohano Lahataꞌala nomatangka. Te wawono notibuhi bhoasao peda aini, “Ompu nopandeꞌaanda ndo laꞌae fehebuaꞌano”, pakade dua, “Sasuka sumambilino neano Ompu tabeano nahumunsa podiu modaino.”

Yohanes 6:39

Kapoindalono Tumudu kanau peda aini, kosasawindo newaꞌaono ne Idi paise bhe so tiuluꞌano, tamaka amodadida ne Oleono Kiama.

Yohanes 6:37

Kosasawindo newaꞌaono Amaku ne Idi damai se Idi, maka sasuka maino se Idi paise agumihada.

1 Petrus 1:5

Hampano kaparasaeamiu, Lahataꞌala nodhaganikoomu weo kuasano, neanomo meꞌawaomu kasalamati kumantaa-ntaaꞌano so nefekoꞌulaino ne pandano dhamani.

Galatia 4:15

Wakutuu anaꞌa namisieꞌomu kodawuaꞌomu sepaliꞌa. Tamaka ampa aitu ne amaiꞌemo bhahaa kakodawuamiu naꞌa? Apandeꞌaane, wakutuu anaꞌa hintimiu mohelasiomu, ane naembali mahingga matamiu sumungkieꞌomu maka maꞌa kanaꞌeomu idi.

Roma 12:18

Uleiꞌe lalomiu ampa nepoo-poolimiu dadi pometaaꞌomu bhe kosasawindo mie.

Tula-tulando rasulu 20:16

Paulus padamo nobhotusie pae namangkaa we kotano Efesus, keana nopuli wakutuuno we kadieno Asia. Anoa nombaago-ago, ane naembali paeꞌo nahumatoa hohaeaꞌano Pentakosta nahumatomo we Yerusalem.

Matius 22:14

Kapaꞌamo nobhahi tibhasino tamaka seendai kaowu tipilino.’ ”

Matius 24:22

Ane ibahano Ompu pae nakumuhangi tempono, kotika dumadino pae bhe so sumalamatino. Tamaka mbaꞌinomo nandoo umati tipilino, Ompu nakumuhangi tempono.

Matius 24:25

Tandaiꞌeomu! Kosasawiꞌae padamo afohatoangkoeꞌomu wawo inia.

Matius 24:31

Duhulele bhalano nakondii. Anano Manusia natumudumo malaꞌekatino dalumimba dahumompunao umati tipilino namaiꞌao ne kofatowalaꞌae alamu, maiꞌao we tompano lani sewetano ampa we sewetano.

Lukas 18:7

Bhahaa Lahataꞌala pae napotunduꞌao umati tipilino metondalano ne Anoa mentae mohondo? Bhahaa Lahataꞌala naefodhulu-dhulu tempo maka natumulumida?

Yohanes 4:48

Ambano Yesus, “Ane paise mohaomu tanda tapa mentela bhe giu timenteꞌaono, paise marasaeaꞌomu.”

1 Yohanes 2:18

Anaꞌiku, pandano dhamani nomaꞌomo! Ingka padamo fetingkeeꞌomu putae mada kaowu natiumba seemie nekonando Kaewano Kristus. Gahaꞌa ampa aitu dobhahimo membalino kaewano Kristus. Dadiꞌanomo dopandeꞌaanemo nomaꞌomo pandano dhamani.

1 Yohanes 2:22

Laꞌae bhahaa kopahano naꞌa? Ingka o mie gumagaino putae Yesus suano Omputo Fosalamatino nedhandiꞌaono Lahataꞌala. Mie amaitu o kaewano Kristus, nokiido naꞌumakui Amantoomu bhe Anano.