Matius 23:9 - Muna Southern Dialect

⁹ Koise fokoamaomu ne laꞌae maka dua ne dhunia ini, kapaꞌamo seemie kaowu Amamiu, Amamiu te surugaa.

Matius 23:9 Referans Kwoze

1 Yohanes 3:1

Fekihi kaitaomu kabhalano kanini kaasino Amantoomu ne intaodiomu sampe nofokonamo anaꞌino. Intaodiomu ingka daanumo anaꞌino Lahataꞌala, kanandooꞌanomo miendo dhunia ini miina dafopandeꞌao mbaꞌinomo miina damandeꞌao Lahataꞌala.

Ibrani 12:9

Kosasawintoomu bhe amantoomu we dhunia ini maka andoa dotangahi bhe dohukumu kaita, katifosibhalaꞌandomo. Sanginomo amantoomu we dhunia ini pedamo anaꞌa, bhemo toha Amantoomu te surugaa, ingka teteweimo nasedhuluꞌa dua damotuhu wutontoomu ne Anoa so dadumadiꞌao.

Matius 7:11

Sanginomo hintimiu mie modai pandemoomu waꞌaoꞌomu metaaꞌano ne anamiu, bhemo toha Amamiu te surugaa! Anoa namaꞌao metaaꞌano ne mie mesalono.”

1 Korintus 4:15

Kapaꞌamo mahingga ampa aitu peda mie marasaeano ne Kristus bheanea nehewunomo gurumiu, tamaka amamiu seemie kaowu. Weo kaparasaeamiu ne Kristus Yesus idimo ini amamiu, hampano Bhihita Metaa nefosampeku ne hintimiu.

2 Korintus 6:18

“Idi aembali amamiu, hintimiu somo anaꞌiku moꞌane bhe hobhine; pedamo naꞌa bhoasaono Ompu, Fofoliuno Kuasa.”

Tula-tulando rasulu 22:1

Ambano Paulus, “Bhahitie bhe kamungkulaꞌiku, soba fetingkeeꞌomu nepugauꞌaoku ini atumunduꞌao wutoku.”

Matius 6:32

Kosasawiꞌae naꞌa nefosibhalandomo sabhaha bansano liwu tapa mandeꞌaono Lahataꞌala. Amamiu te surugaa nopandeꞌaane kosasawiꞌae maitu faraluuꞌeomu.

Matius 23:10

Koise undaomu dakumonakoomu neangka, kapaꞌamo seemie kaowu neangkamiu, Mesias Omputo Fosalamatino.