Matius 23:8 - Muna Southern Dialect

⁸ Tamaka hintimiu koise undaomu dakumonakoomu guru, kapaꞌamo seemie kaowu gurumiu; kosasawimiu itu sebhahi-bhahitieꞌomu.

Matius 23:8 Referans Kwoze

Yakobus 3:1

Bhahitieꞌiku, koise dobhahia kopatudhuno membalino guruno agama. Ingka pandeꞌaaneomu, nahumato nafobhitahaki Lahataꞌala, tubho nepake so intaodiomu membalino guru, nalumiuꞌe kabhieno bhe tubho nepake so mie sigaoꞌano.

1 Petrus 5:3

Koise habu wutomiu peda seemie kafeompuꞌa, tamaka membaliomu so sandahando umati.

Lukas 22:32

Tamaka Idi padamo asambaheaꞌangko keana nosali kaparasaeamu. Nasumuli kaowu lalomu, fekatangkada lalondo bhahitieꞌimu.”

Matius 23:10

Koise undaomu dakumonakoomu neangka, kapaꞌamo seemie kaowu neangkamiu, Mesias Omputo Fosalamatino.

Matius 17:5

Tangasano Petrus nopugau, tanosikaolumidamo olu nentalea sepaliꞌa. Nomaiꞌao weo olu naꞌa notifetingkemo suaha ambano, “Ainimo Anaku timoasiꞌaono, neposahasiꞌaono laloku, fetingkeeꞌomu pugauno.”

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

Powoha 22:9

Tamaka anoa tanopugau ambano, “Koise nada itua! Idi ini palima-lima dua, nopototo bhe hintu bhe bhahitieꞌimu membalino ana-anabii bhe kosasawindo mie mangkafino sabhaha wambano kitabi aini. Taohao sombamu ne Lahataꞌala!”

Powoha 19:10

Idi lasao aefodapa ne aꞌeno ataohao sombaku tamaka tanopugau ambano, “Koise nada itua! Idi ini palima-lima dua nopototo bhe hintu bhe bhahitieꞌimu marasaeano mintahakino kafohatono Yesus. Taohao sombamu ne Lahataꞌala, kapaꞌamo o Rohi mekabhintino mie sampe dokosuaha peda anabii, nomaiꞌao ne kafohatono Yesus.”

Efesus 3:15

Kosasawindo lee walakando manusia, naetaa te surugaa naetaa we dhunia ini saneamo siwuluno metahimano dadi ne Anoa.

2 Korintus 4:5

Nefosampe mani ini suano bhihitano wuto mani, tamaka bhihitano Yesus Kristus, Anoamo Ompu. Insaodi taembali palima-limamiu hampano tafeompu ne Yesus.

2 Korintus 1:24

Koe fekihiomu insaodi tamosuhuangkoomu so neparasaeamiu, hampano notangkamo koehemiu weo kaparasaeamiu, tamaka gao mani dakumahadhaa dapoowa-owa so kaowulaꞌano lalomiu.

Matius 26:49

Yudas lasao nomaꞌoti Yesus bhe nopugau ambano, “Peda ae itua guru?” poowa nowonoe.

Matius 10:25

Naetaamo seemie anaguhu napototo bhe guruno, bhe seemie bhatua napototo bhe kafeompuꞌano. Ane kolambuno dakumonaemo Beelsebul ⸤ maꞌanano Kafeompuꞌando seetani⸥ , bhemo toha mie weo lambuno; ingka dawambakianda sabhaha modaiꞌano.

Matius 23:7

Doasiane dua dofosibhalada we wuntano daoa bhe dokonada guru.

Matius 26:25

Yudas so mowano Yesus ne kaewa nofeenamo dua, “O idi bhahaa Guru?” Ambano Yesus, “Pedamo pugaumu itu.”

Markus 9:5

Nopugaumo Petrus ne Yesus ambano, “Guru, ingka netaa domaiꞌomu ne ini. Naetaamo taefongkoha bhantea natolu onu, seꞌonu so Hintu, seꞌonu so anabii Musa bhe seꞌonunoa so anabii Elia.”

Markus 10:51

Yesus nofeenaemo, “Amafaangko gahaꞌa gaomu?” Notobhoosimo, “Guru, gaoku afowoha.”

Markus 11:21

Petrus nofeꞌulaimo kadhadhia endewi, sampe nopugau ne Yesus, “Guru, soba ondo, puꞌuno ara nebhatataꞌiaomu maitu nomatemo!”

Markus 14:45

Sahatono, Yudas nomaꞌotimo Yesus bhe nopugau ambano, “Guru!”, poowa nowonoe.

Yohanes 1:38

Gahaꞌa Yesus nodoli, nowohada doangkafie, dadiꞌanomo nofeenadamo ambano, “Meꞌondofiomu ae?” Ambado, “Rabi, meate ne amai?” (Rabi maꞌanano Guru).

Yohanes 1:49

Ambano Natanael, “Guru, Hintu Anano Lahataꞌala, Hintumo Omputono Israel.”

Yohanes 3:2

Nohondo oleo, nokalamo nopoꞌawaꞌao Yesus. Ambano, “Guru, tapandeꞌaane Hintu guru katuduno Lahataꞌala. Kapaꞌamo bhe naseemie pae bhe mandeno mehabuno tanda-tanda timenteꞌaono nehabumu itu, ane pae napobhaiane Lahataꞌala.”

Yohanes 3:26

Dadiꞌanomo dokalamo ne Yohanes maka dopugau ambado, “Guru, ingka nandoo meꞌulaiꞌe mie poowaꞌamu we sewetano umeleno Yordan nesakusiiꞌaomu endefiꞌini. Gahaꞌa ampa aitu nofokadiu dua; o mie dopuli dokala ne Anoa.”

Yohanes 4:31

Tangasano andoa we laano sala, anaguhuꞌino dosaliꞌimo Yesus naomaa. Ambado, “Guru, humaa kadeki.”

Yohanes 6:25

Hato dopoꞌawaꞌao Yesus we sewetano teꞌi mie bhahi dofeenaemo ambado, “Guru, endefiemo hato ne ini?”

Yohanes 9:2

Anaguhuꞌino dofeenaemo ambado, “Guru, laꞌae bhahaa kodhosano sampe mie aini nobunto mpini pakalenteno, wutono kaa kamungkulano?”

Yohanes 11:8

Ambado anaguhuꞌino, “Guru, ingka haꞌo-haꞌoleo ini miendo Yahudi dabhatuhiangko kontu. Nandoo dua sumuli we watu?”

Yohanes 20:16

Ambano Yesus ne anoa, “Maria!” Maria nodoli bhe nopugau weo wamba Ibrani, “Rabuni!” (Rabuni maꞌanano Guru).

Filemon 1:16

Aitu anoa suanomo seemie bhatua, tamaka nolaloiꞌemo, ingka nembalimo seemie bhahitiemu timoasiꞌaono. Sanginomo o idi aoasianemo, bhemo toha hintu. Tantumo moasiane, naetaa mbaꞌinomo mie bhaimu, naetaa mbaꞌinomo bhahitiemu weo Ompu.