Matius 23:4 - Muna Southern Dialect

⁴ Sabhaha tubho nehabundo tapedamo wowoꞌo mobhie, dotapue maka dofewowoꞌonie ne mie bhaindo, tamaka wutondo dongahe bhe dadumingkue.

Matius 23:4 Referans Kwoze

Lukas 11:46

Tamaka ambano Yesus, “Balaamoomu hintimiu pande-pande Kitabi, kapaꞌamo sabhaha tubho nehabumiu tapeda wowoꞌo mobhie nefotongkumiu ne mie bhaimiu, gahaꞌa wutomiu mongaheomu bhe dumingkueꞌomu.

Tula-tulando rasulu 15:10

Dadiꞌanomo, noafa solo-soloꞌaoꞌomu Lahataꞌala? Noafa fewowoꞌoniandaomu wowoꞌo pata nepoolindo awuaꞌintoomu bhe intaodiomu dua?

Galatia 6:13

Sakotuꞌuno mie mangkafino tutuhano kasuna naꞌa miina dua dadhumalangiea kosasawiꞌae tubhono agama Yahudi. Gaondo dasumunakoomu so kaowu damekawoseꞌao bhakendo putae hintimiu angkafiomu tubhono agama Yahudi hampano andoa.

Matius 23:23

Balaamoomu, pande-pande Kitabi bhe miendo Farisi, hintimiu mie mehaaꞌulano! Kapaꞌamo taꞌolentu-lentuomu pehapimiu mohobuꞌino peda sabhaha kagule. Feompulu dawueꞌomu maka sedawu gaatiemoomu so kapopanga ne Lahataꞌala. Gahaꞌa fofoliuꞌano kafaraluu weo tubhono agama miina konamianeomu. Foliuꞌano kafaraluu anaꞌa peda kaꞌadhili, pomobhe-mobhelaꞌao lalo bhe kataino lalo. Tolu hondano aini tetewei dhalangieꞌomu, tamaka sehondano saꞌituini koise dua molimpuꞌaneomua.

Powoha 2:24

Ampamo kaowu hintimiu miendo Tiatira sigaoꞌano itu, tapa mangkafino kafoinaꞌu bhe tapa moguhuꞌaono nekonando lofotano Kafeompuꞌando seetani maitu, amohatokoomu: paise amotongkuangkoomu wowoꞌo sigaoꞌano.

Tula-tulando rasulu 15:28

Rohino Lahataꞌala bhe insaodi tasepatudhu tabhotusie koemo dofotongkuangkoomu wowoꞌo mobhie. So nesodamiu ampamo kaowu maraluuꞌano ini:

Matius 23:3

Dadiꞌanomo angkafieꞌomu bhe dhalangieꞌomu kosasawiꞌae nefoinaꞌuꞌaondo, tamaka koise sandahaomu podiundo, kapaꞌamo andoa itu miina dadhumalangiea nefoinaꞌuꞌaondo.

1 Yohanes 5:3

Kapaꞌamo ane doasiꞌao Lahataꞌala, maꞌanano doangkafi sabhaha pahintano, bhe pahintano Lahataꞌala miina naobhiea.