Matius 22:44 - Muna Southern Dialect

⁴⁴ ‘Ompu Lahataꞌala nokowambamo ne Ompuku, Mengkoha ne suanaku sampe kaewamu amolongkoda ne wawono aꞌemu.’

Matius 22:44 Referans Kwoze

Ibrani 1:13

Lahataꞌala ingka miina sepaliꞌa nakobhoasao ne seemie malaꞌekati peda aini, “Mengkohamo ne suanaku ini, ampa kosasawindo kaewamu ahumabuda so kafindaꞌamu.”

1 Korintus 15:25

Kapaꞌamo Kristus tetewei namahinta kansuhu nada omputo ampa kosasawindo kaewano namolongkoda Lahataꞌala te wawono aꞌeno.

Ibrani 1:3

Anoa nofotiwoha tilangano kakalabhiano Lahataꞌala, katuno bhe sifatino pasae wutono Lahataꞌala. Anoamo dua tumukono alamu bhalano ini nopake bhoasaono foliuno kuasa. Nopalusi nofekangkilo manusia maiꞌao ne dhosando, Anoa nengkohamo ne suanano Lahataꞌala fofoliuno kakalabhia te wawono wawo.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Powoha 19:19

Taꞌawohamo dua kadadi ⸤ kofotuꞌano fitu pongke⸥ naꞌa bhe sabhaha omputo ne dhunia dopoowa-owa bhe tantarando, dohompu dapopahisa damewangi mie sumawino ne adhaha kapute maitu bhe tantaraꞌino.

Filipi 3:8

Suano kaowu taꞌo anaꞌa, tamaka kosasawiꞌae maitu akonaemo kahugi mpuu ane apototoane bhe neꞌawaku ampa aini: apopandeꞌao bhe Kristus Yesus Ompuku. Hampano Anoa kaengkohaꞌano kamanusiaku bhe habu metaaku madaꞌano ini ahunsaemo, akonaꞌidamo dua hewu, neanomo aꞌumawa Kristus,

1 Korintus 1:2

Suha aini so hintimiu umatino Lahataꞌala we Korintus, umati nefekopuuni so Lahataꞌala weo kaseꞌise bhe Kristus Yesus. Nobhasikoomu membaliomu umati mongkilono poowa-owaomu bhe sabhaha mie metondalano ne Ompuntoomu Yesus Kristus ne amai maka dua. Anoamo Ompundo bhe Ompuntoomu dua.

Yohanes 20:28

Ambano Tomas ne Yesus, “Ompuku bhe Lahataꞌalaku.”

Lukas 19:27

Tamaka kosasawindo kaewaku tapa moindalo kanau aembali kolakindo, owadaomu se ini maka pongkodaomu ne wiseku ini.’ ”

Matius 22:45

Dadiꞌanomo ane nokonae Ompuno, noafaꞌao dua nembali sampuꞌano?”

Matius 26:64

Ambano Yesus, “Ingka pedamo pugaumu itu. Ampamo kaowu amohatoko, notanda aitu mohaomu Anano Manusia naengkoha ne suanano Lahataꞌala kokuasano, mohaeꞌomu namai te wunta-wuntano olu te lani.”

Markus 16:19

Pada nopugau peda anaꞌa, Ompu Yesus notisangkemo te surugaa maka nengkoha ne suanano Lahataꞌala.