Matius 22:40 - Muna Southern Dialect

⁴⁰ Kosasawiꞌae pahinta weo Kitabino Musa bhe Kitabindo ana-anabii nengkohamo ne pahinta haa hondano ini.”

Matius 22:40 Referans Kwoze

Roma 13:9

Kapaꞌamo bhahi-bhahiꞌae pahinta weo tubhono agama Yahudi: koe monsule, koe fopongko, koe mosibu, koe mekapoindalo pata membalino hakumu, bhe sabhaha pahinta sigaoꞌano, ingka noꞌonumo ne bhoasao sehondano ini, “Moasiꞌao mie bhaimu peda kaasimu ne wutomu.”

Matius 7:12

“Bhahi-bhahiꞌae kapoindalomu so nehabundo mie bhaimu ne hintu, habue dua ne mie bhaimu. Ingka kosasawiꞌae kafoinaꞌuno Kitabino Musa bhe Kitabindo ana-anabii noꞌonumo ne ini.

Yohanes 1:17

Tubhono agama Yahudi dotahimaeꞌomu ne anabii Musa, tamaka kanini kaasi bhe kabanara notiwoha ne Yesus Kristus.

Yakobus 2:8

Ampamo kaowu, ane dhumalangiomu pahintano Omputo tibuhino weo Kitabino Musa, “Moasianda mie bhaimu peda kaasimu ne wutomu!”, ingka habu metaamoomu.

1 Timotius 1:5

Patudhuno katangahiku ini amodhulu o kanini kaasi. O kanini kaasi naꞌa tabeano namaiꞌao weo totono lalo mongkilo, weo totono lalo metaa kumatanga-tangano, bhe weo kaparasaea kumampuu-mpuuno ne Ompu.

Galatia 5:14

Kapaꞌamo kosasawiꞌae tubhono agama Yahudi nefoꞌonumo ne pahinta sehondano ini, “Moasiꞌao mie bhaimu peda kaasimu ne wutomu!”