Matius 21:19 - Muna Southern Dialect

¹⁹ Ne wiwino kaangkaꞌa naꞌa Yesus nowohamo puꞌuno ara. Nokalamo nofeꞌondoe, gahaꞌa miina nakobhakea, taꞌo hoo. Nopugaumo ne sau maitu ambano, “Hintu ini paemo kobhakea suhue dhamani.” Puꞌuno ara aitu lasao nokekele.

Matius 21:19 Referans Kwoze

Titus 1:16

Andoa dopugau ne mie bhaindo dopandeꞌao Lahataꞌala tamaka hampano habundo nopotagali bhe wambado naꞌa, ingka nentaleamo miina damandeꞌao Lahataꞌala. Andoa dotimohaku, miina daeangka ne katangahi, miina dua damooli dehabu metaaꞌano.

Yohanes 15:6

Sasuka tapa seꞌiseno bhe Idi daꞌumohoe we simbali nada haꞌano sau maka nakekele. Mada anaꞌa damoꞌonue maka daꞌumohoe weo efi sampe notitawu.

Lukas 3:9

Polulu nokantaa-ntaamo ne pahakano sau. Sabhaha sau tapa mokesaꞌano bhake tetewei datumuꞌoe maka daꞌumohoe weo efi.”

Yohanes 15:2

Sasuka haꞌaku tapa kobhakeno nolakoe, tamaka sasuka haꞌaku kobhakeno nofekanggelaꞌie so nodhuluꞌao kabhahino bhakeno.

Markus 11:14

Yesus nobhatataꞌiao sau aitu ambano, “Notanda aitu ampa suhue dhamani, bhe naseemie paemo bhe so momaano bhakemu!” Pugauno naꞌa dofetingkee dua anaguhuꞌino.

Powoha 22:11

Mie humabu modaino, hunsaꞌanomo naehabu kansuhu modaiꞌano. Mie pokadengono, hunsaꞌanomo napokadengo kansuhu. Mie banara hunsaꞌanomo nahumabu kansuhu kabanara, bhe mie mongkilo hunsaꞌanomo namekangkilo kansuhu wutono.”

Yudas 1:12

Weo hame-hamendo umati notimolampi diundo, kapaꞌamo miina daoambanoa deagoi oti, tadofeꞌulai kaowu wutondo. Andoa tapedamo olu nelola-lolaꞌaono kawea tamaka miina naeowa use. Andoa tapedamo dua sau tapa kobhake mahinggamo ne tandaiꞌano nakobhake, mbaꞌinomo padamo dobunae bhe paha-pahakano, nomatemo sepaliꞌa.

2 Timotius 3:5

Wohaꞌano ingka dodhalangie agamando, tamaka sakotuꞌuꞌano miina damarasaea o sambahea maitu nokokuasa. Fekakodoꞌo wutomu ne mie medando naꞌa.

Matius 21:20

Dowoha kadhadhia aitu anaguhuꞌino tadomente bhe dopugau ambado, “Peda ae puꞌuno ara maitu tadua nokekelemo?”

Markus 11:20

Samentaeno Yesus bhe anaguhuꞌino dolalo toha ne owano puꞌuno ara endewi. Gahaꞌa dowohae nomatemo, nokekele bhe paha-pahakano.