Matius 2:6 - Muna Southern Dialect

⁶ ‘Betlehem, ne kadieno Yehuda, hintu kotu-kotuꞌu suano liwu fofoliuno kahobu ne olotando liwu bhalaꞌino ne kadieno Yehuda, hampano namaiꞌao ne hintu namehe seemie so neangka, Anoamo so mowano umatiku Israel.’ ”

Matius 2:6 Referans Kwoze

Yohanes 7:42

Ingka notibuhi weo Kitabi, o Mesias namaiꞌao ne sampuꞌano Daud, we liwuno Betlehem kaeateꞌanomo Daud endefiꞌini.”

Powoha 11:15

Pada aitu malaꞌekati kapipituno nobusomo duhuleleno maka notifetingkemo suaha-suaha mohaaꞌi sepaliꞌa weo surugaa, ambado, “Kuasa kafopahintaꞌano dhunia nointahaemo Ompuntoomu bhe Mesias Omputo Fosalamatino, Anoa namahinta nada omputo ampa suhue dhamani.”

Matius 28:18

Yesus nomaꞌotidamo bhe nopugau ambano, “Sabhaha kuasa te surugaa bhe we dhunia ini nowaꞌa kanaꞌe Amaku.

Powoha 2:27

‘Namahintangida naepake katuko uti, namuhokotida nada nuꞌua wite.’ Kuasa so newaꞌaoku itu pedamo dua kuasa netahimaku maiꞌao ne Amaku.

Kolose 1:18

Anoamo mefotuꞌaono mbadha, maꞌanano umati marasaeano. Anoamo kabhao-bhaono manuno maiꞌao ne mate, neanomo nofewawomo ne bhahi-bhahiꞌae ndumandoono.

Matius 2:1

Yesus nolente we liwuno Betlehem we kadieno Yudea ne dhamanino kolaki Herodes. Gahaꞌa dohatomo we Yerusalem seemie hodua mie mande maiꞌaono te mata oleo. Andoa ini dopoguhuꞌao waweno sabhaha kulipopo.

Efesus 1:22

Kosasawindo maitu nofotuhuda Lahataꞌala dalumongko ne Kristus, maka Kristus nosangkee mbalimo neangkando bhahi-bhahindo, somo mefotuꞌaono umatino.

Yohanes 21:16

Pada anaꞌa Yesus nofendua toha nofeena, “Simon anano Yohanes, moasi kanau bhahaa?” Ambano Petrus, “Uumbe Ompu, ingka pandeꞌaane aoasiangko.” Ambano Yesus, “Dhaganida dhumbaku.”

Ibrani 7:14

Kosasawindo mie dopandeꞌaane putae Ompuntoomu nomaiꞌao ne sampuꞌano Yehuda, maka anabii Musa miina sepaliꞌa nasumambili sampuꞌano Yehuda so membalino imamu.

Powoha 7:17

Kapaꞌamo Anano Dhumba ne wunta-wuntano kaengkohaꞌa kumalabhiano maitu nadhumaganida bhe namatoda se matano oe meowano dadi. Wutono Lahataꞌala namusuli luundo namopada-padae.”