Matius 2:23 - Muna Southern Dialect

²³ Dohato we Galilea deatemo ne seꞌonu kota koneaꞌano Nasaret. Pedamo naꞌa nokoꞌulaꞌao bhoasaono Ompu nefosampendo ana-anabii mulaoꞌaono anaꞌi amaitu, “Anoa dakumonae miendo Nasaret.”

Matius 2:23 Referans Kwoze

Markus 1:24

“O Yesus miendo Nasaret, o ae patudhumu ne insaodi ini? Mai mobinasa kainsami gahaꞌa? Apandeꞌaangko, Hintu itu mie mongkilono katuduno Lahataꞌala.”

Matius 26:71

Hato nokala se fointono kadete, nowohaemo dua bhatua hobhine sigaoꞌano. Bhatua naꞌa nopugaumo ne mie meehe-eheno ne itu ambano, “Mie aini nopobhai bhe Yesus miendo Nasaret maitu.”

Matius 1:22

Aini nokadhadhia mbali nokoꞌulaꞌao bhoasaono Ompu nefosampeno anabii peda aini,

Tula-tulando rasulu 24:5

Nentaleamo sepaliꞌa ne insaodi, mie aini tapedamo hopu. Ne amai onuno liwu te dhunia ini, nehabu kahunggando miendo Yahudi. Anoa ini seemie neangkando miendo sarani, kaseꞌise umalano.

Tula-tulando rasulu 2:22

Miendo Israel, fetingkeeꞌomu pugauku ini. Nepulaoꞌaoku naꞌa Yesus miendo Nasaret, seemie nesangkeno Lahataꞌala. Nosangkee Lahataꞌala ini notiwoha ne kuasa, giu timenteꞌaono bhe tanda tapa mentela nehabuno Lahataꞌala ne wunta-wuntamiu noangka ne limano Yesus ini. Kosasawiꞌae ini ingka pandeꞌaanemoomu.

Yohanes 19:19

Pilatus notududamo dua daefopikaane kabuhi te sau salipu naꞌa. Wambano buhi naꞌa peda aini, “ Yesus miendo Nasaret, Omputo miendo Yahudi.”

Yohanes 18:7

Yesus nofeenadamo toha ambano, “Ondofiomu laꞌae bhahaa?” Ambado, “Yesus miendo Nasaret.”

Yohanes 18:5

Dotobhoosimo ambado, “Yesus miendo Nasaret.” Ambano Yesus, “Ingka Idimo ini.” Yudas, mie modai naꞌa, neehe-ehe dua ne itu bhe andoa.

Lukas 2:39

Nopalusi doalaꞌi kosasawiꞌae tutuha maraluuꞌano peda pahintano Ompu, dosulimo we liwu kaeateꞌando, liwuno Nasaret we kadieno Galilea.

Lukas 1:26

Nokapo nomo wula Elisabet nofowoowa, Lahataꞌala notudumo toha malaꞌekati Gabriel nakumala we Galilea ne seꞌonu kota koneaꞌano Nasaret.

Matius 21:11

Mie bhahi maitu dotobhoosi ambado, “Ainiꞌaemo anabii Yesus maiꞌaono we liwuno Nasaret, we kadieno Galilea.”

Markus 1:9

Wakutuu aitu nohatomo Yesus nomaiꞌao we liwuno Nasaret, we kadieno Galilea, maka nokadiuꞌe Yohanes we umeleno Yordan.

Lukas 18:37

Ambado mie, “Yesus miendo Nasaret noangka ne ini.”