Matius 19:29 - Muna Southern Dialect

²⁹ Pakade kotika humunsano lambuno, bhahitieno namoꞌane nahobhine, inano bhe amano, anaꞌino tawa kaampono mbaꞌinomo noangkafi Idi, nasumuli naeꞌawa namoꞌono lentuꞌa bhe naeꞌawa dua dadi suhue dhamani.

Matius 19:29 Referans Kwoze

Filipi 3:8

Suano kaowu taꞌo anaꞌa, tamaka kosasawiꞌae maitu akonaemo kahugi mpuu ane apototoane bhe neꞌawaku ampa aini: apopandeꞌao bhe Kristus Yesus Ompuku. Hampano Anoa kaengkohaꞌano kamanusiaku bhe habu metaaku madaꞌano ini ahunsaemo, akonaꞌidamo dua hewu, neanomo aꞌumawa Kristus,

Lukas 14:26

“Ane seemie namai ne Idi, tabeano nakumukundo amano bhe inano, hobhineno bhe anaꞌino, kakutaꞌano moꞌane bhe hobhine bhahamoa nabansi inawano wutono. Ane paise, pae naembalia so anaguhuku.

Matius 16:25

Laꞌae so potaamiꞌaono inawano, namiinae inawano. Tamaka laꞌae miinaeno inawa mbaꞌinomo noangkafi Idi, tetewei namehapi dadi mpuuno.

Matius 6:33

Dadiꞌanomo ondofiomu kadeki Kafopahintaꞌano Lahataꞌala bhe dhalangieꞌomu kapoindalono. Maka kosasawiꞌae kafaraluumiu naꞌa namaꞌangkoeꞌomu dua.

1 Petrus 4:14

Ane dowambakikoomu mbaꞌinomo angkafiomu Kristus, kodawuaꞌomu. Ingka nokomaꞌanaꞌao Rohino Lahataꞌala kumalabhiano neate weo totono lalomiu.

Matius 10:22

Hintimiu ini dabansikoomu sabhaha mie mbaꞌinomo neaku. Tamaka so kosabahano napotaami ampa namalusi, damosalamatida.

Yohanes 15:19

Ane hintimiu maiꞌaoꞌomu ne dhunia, tetewei dhunia damasiangkoomu peda fehebuaꞌando. Tamaka padamo apilikoomu, dadiꞌanomo hintimiu suanomo fehebuaꞌano dhunia, katibansiꞌamiumo ne dhunia.

Lukas 6:22

Kodawua mpuu ane dabansikoomu mie bhaimiu, ane dagumihasikoomu tawa dabihidhingikoomu bhe dasumambili neamiu ne modaiꞌano hampano mangkafiomu Anano Manusia.

Matius 5:11

Kodawuaꞌomu, ane damewambakikoomu, damodee-deekoomu bhe daꞌumumbuangkoomu modaiꞌano hampano angkafiomu Idi.

1 Korintus 2:9

Aini noposahataa bhe tibuhino weo Kitabi peda aini, “Pata newohano mata, pata nefetingkeno tingala, pataꞌo dua tiumbaꞌano ne fekihindo manusia, aitumo nefontaa-ntaano Lahataꞌala so mie moasiane.”

Tula-tulando rasulu 9:16

Idi amotiwohaane kabhahino kakadee-dee so nenamisino mbaꞌinomo neaku.”

Matius 25:34

Omputo anaꞌa napugau ne mie we suanano ambano, ‘Maimoomu, hintimiu nebarakatino Amaku, tahimamoomu Kafopahintaꞌa toka nefontaa-ntaano so hintimiu mpini pakatifokonandoono dhunia.

Matius 19:16

Nandoo seemie ana moꞌane nomai ne Yesus bhe nopugau ambano, “Guru, aehabu diu metaaꞌano medando ae bhahaa so aeꞌawaꞌao dadi suhue dhamani?”

Matius 13:23

Wine mondawuꞌano ne wite menowu, maꞌanano mie metingkeno bhoasaono Lahataꞌala bhe dolosangie. Dadiꞌanomo nokobhake, nandoo moꞌono lentuꞌa, nandoo nomo fulu lentuꞌa, nandoo dua tolu fulu lentuꞌa hasilino.”

2 Korintus 5:16

Dadiꞌanomo ampa aitu insaodi miinamo taetiliki kamanusiando mie bhai mani. Daanumo endefiꞌini tatilikie dua kamanusiano Kristus, tamaka haꞌoleo ini miinamo.

Matius 25:46

Andoa ini damesua weo kakadee-dee suhue dhamani, tamaka mie banara daeꞌawa dadi suhue dhamani.”

Matius 13:8

Sigaoꞌano nondawu ne wite menowu, sampe nokobhake. Bhakeno nandoo moꞌono onu sewili, nandoo nomo fulu, nandoo dua tolu fulu onu.

3 Yohanes 1:7

Kapaꞌamo kakalaꞌando ⸤ deowa Bhihita Metaa⸥ so dameompuꞌao ne Kristus, bhe miina dakoniala maiꞌao ne mie tapa marasaeano ne Kristus.

Lukas 5:11

Pada dofoampe bhangkando te wite dohunsamo bhahi-bhahiꞌae maka doangkafi Yesus.

Yohanes 4:36

Aitu mie tumobheno notahimamo ponambono, nefoꞌonu pehapino so kadadiꞌa ampa suhue dhamani. Dadiꞌanomo metisano bhe tumobheno sanea mowulano lalo.