Matius 18:33 - Muna Southern Dialect

³³ Ingka tabeano nobhela dua lalomu ne bhatua bhaimu, peda dua kabhelano laloku ne hintu.’

Matius 18:33 Referans Kwoze

Kolose 3:13

Posaba-sabahakiomu, ane pomoda-modaiꞌomu lalo pomaꞌa-maꞌafuꞌaoꞌomu. Ompu ingka padamo noꞌamponikoomu, dadi pedamo dua naꞌa hintimiu tabeano pomaꞌa-maꞌafuꞌaoꞌomu.

Efesus 4:32

Tamaka tabeano naetaa lalomiu seemieno bhe seemieno, pomobhe-mobhelaꞌao lalo, pomaꞌa-maꞌafuꞌaoꞌomu peda wutono Lahataꞌala noꞌamponikoomu noangka ne Kristus.

Matius 6:12

Amponie sabhaha dhosa mani, pedamo dua insaodi tamaꞌafuꞌao mie kokaꞌalano ne insaodi.

Matius 5:7

Dokodawua mpuu mobhelano lalo ne manusia bhaindo, kapaꞌamo Lahataꞌala naobhelaanda dua lalo.

Matius 18:32

Kolaki anaꞌa nofotudumo dalumoꞌoi bhatua saꞌituini. Sahatono nopugaumo ambano, ‘Hintu bhatua modai! Kosasawiꞌae dosamu afosaliangkoe hampano kamesalomu.

Matius 18:34

Kolaki anaꞌa noꞌamaha sepaliꞌa sampe nofotudumo damopesuaꞌe weo katohongku bhe damodee-deeꞌe, ampa natipomea kosasawiꞌae dosano.