Matius 16:27 - Muna Southern Dialect

²⁷ Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Matius 16:27 Referans Kwoze

2 Korintus 5:10

Kapaꞌamo ingka kosasawintoomu ini tetewei damewise ne kaengkohaꞌano Kristus so fobhotusino. Ne naꞌa seemie-seemie naꞌumawa so mantasiꞌano neꞌawano naposahataa bhe habuno mbadhano we dhunia, metaaꞌano tawa modaiꞌano.

Roma 2:6

Kapaꞌamo Lahataꞌala namaꞌao manusia seemie-seemie naposahataa bhe habuno.

Roma 14:12

Pedamo anaꞌa intaodiomu seemie-seemie dapowiseꞌao wutonto sabhaha nehabunto ne Lahataꞌala.

Efesus 6:8

Ingka pandeꞌaanemoomu, ane dohabu metaaꞌano, tetewei daeꞌawa kabhoosino maiꞌao ne Ompu, naetaa bhatua naetaa mie bebasi.

Yudas 1:14

Henok, sampuꞌa kafitu pulangano maiꞌao ne Adam, nokosuahamo dua peda anabii nopulaoꞌao andoa itu. Ambano, “Ondo itu, Ompu Lahataꞌala namai napoowa bhe malaꞌekatino mongkilono dantini hewu-hewu.

Powoha 20:12

Awohamo dua mie komate-mateno nabhala nahobu deehe-ehe ne wiseno kaengkohaꞌa kumalabhiano maitu. Sabhaha kitabi dolengkaemo, maka delengkamo dua seꞌonu kitabi sigaoꞌano, Kitabindomo Mie Dumadi. Mie komate-mateno dobhitahakida noposahataa bhe habundo peda tibuhino weo kitabi maitu.

Powoha 2:23

Mie mangkafie tetewei amongkoda maka kosasawiꞌae tombudo umati damandeꞌaane putae Idimo tumiisangino kakolalondo bhe fekihindo manusia. Idimo dua so bhoosiangkoomu seemie-seemie naposahataa bhe habumiu.

Matius 25:31

“Ane namai kaowu Anano Manusia weo kakalabhiano napoowa-owa bhe kosasawindo malaꞌekatino, maka naengkoha-ngkoha te kaengkohaꞌano kumalabhiano.

Lukas 21:27

Wakutuu anaꞌa Anano Manusia - Idimo ini - damohae namai te olu, natiwoha weo kakalabhiano bhe kuasa bhalano.

Markus 14:62

“Anoamo,” ambano Yesus, “maka mada kaowu, mohaomu Anano Manusia - Idimo ini - naengkoha ne suanano Lahataꞌala kokuasano, mohaeꞌomu dua namai te wunta-wuntano olu te lani.”

Markus 8:38

Ane doambano doangkafi kanau bhahaꞌi doambano doangkafi kafoinaꞌuku ne olotando mie modai bhe mie kodhosa dhamani aini, Anano Manusia - Idimo ini - naoambanoane dua mie aitu ane namai weo kakalabhiano Amano, dalumibu-libue malaꞌekati mongkilono.”

Matius 24:30

Wakutuu anaꞌa natiwohamo katandaino Anano Manusia te lani bhe sabhaha bansano liwu te dhunia ini daekangkoꞌae bhe daguguhu. Andoa daoha Anano Manusia te olu natiwoha weo kakalabhiano bhe kuasa bhalano.

Powoha 1:7

Ondo kaitaomu, Anoa nahumato te olu kapute bhe sabhaha mie daohae, mahinggamo andoa mada kumahadae. Kosasawindo bansano liwu ne dhunia ini daoꞌaefie. Uumbe mpuu. Amin.

Tula-tulando rasulu 1:11

“Miendo Galilea, noafa gahaꞌa mentoha-ntohaꞌaoꞌomu te lani? Yesus, newohamiu notisangke saꞌituini, namada kaowu nasumuli toha we dhunia ini, napototo hatono bhe kalano newohamiu saꞌituini.”

Matius 26:64

Ambano Yesus, “Ingka pedamo pugaumu itu. Ampamo kaowu amohatoko, notanda aitu mohaomu Anano Manusia naengkoha ne suanano Lahataꞌala kokuasano, mohaeꞌomu namai te wunta-wuntano olu te lani.”

1 Petrus 1:17

Weo sambaheamiu, Lahataꞌala konaeꞌomu Amamiu. Ingka Anoamo so fobhotusino tanamangka-angka habundo manusia seemie-seemie, pae napoꞌala-alaandaa. Dadiꞌanomo tinangke nandoo butuomu we dhunia ini, fosibhalaeꞌomu mpuu Lahataꞌala.

Lukas 22:69

Notandamo aitu Anano Manusia nengkohamo ne suanano Lahataꞌala kokuasano.”

Lukas 9:26

Kapaꞌamo ane doambano doangkafi kanau bhe kafoinaꞌuku, Anano Manusia naoambanoane dua mie aitu humato namai weo kakalabhiano wutono bhe kakalabhiano Amano, dalumibu-libue malaꞌekati mongkilono.

Matius 13:49

Namedamo anaꞌa nahumato kafetompaino dhamani; malaꞌekati damai dapogaatiꞌao mie modai bhe mie metaa.

1 Tesalonika 1:10

Ambado dua meantagiomu kahatoꞌano Anano Lahataꞌala namaiꞌao te surugaa. Nepulaoꞌaondo naꞌa Yesus, nefowanuno Lahataꞌala nomaiꞌao ne mate, fofosalamatinomo maiꞌao ne amahano Lahataꞌala mada kaowu.

1 Tesalonika 4:16

Wakutuu anaꞌa natifetingke pahinta, malaꞌekati bhalano nakumei bhe duhuleleno Lahataꞌala damuntoe. Ne naꞌamo dua wutono Ompu nasumampu namaiꞌao te surugaa, maka marasaeano ne Kristus toka komate-mateno namaꞌindulu namodadida.

Matius 13:41

Anano Manusia natumudu malaꞌekatino damoꞌonu sabhaha mie mekakodhosano manusia bhaindo bhe mie humabu modaino weo Kafopahintaꞌano.

1 Korintus 8:8

Sakotuꞌuꞌano oti nehumaa miina namekakomaꞌo kaitaomu ne Lahataꞌala. Ane dohumaaꞌe miina dakolabaanea, ane miina daomaaꞌe miina dua daohugianea.

Matius 8:20

Yesus notobhoosimo ambano, “Daꞌu ngkahoku bhe liano, kaꞌuhi lumola bhe kaufeno, tamaka Anano Manusia - Idimo ini - miina sepaliꞌa bhe katifekalaaꞌiꞌano towuno.”

Yohanes 21:22

Ambano Yesus, “Ane amoindalo anoa ini nadumadi kansuhu ampa asumuli, ingka suano nepandeꞌaomua. Ampamo kaowu hintu angkafi Idi.”

Yohanes 21:23

Gahaꞌa nolelemo dua bhihita ne olotando bhahitie marasaeano, putae anaguhu seemieno maitu pae namate-matea. Tamaka Yesus miina namugau ne Petrus putae anaguhu seemieno maitu pae namate, ampamo kaowu, “Ane amoindalo anoa ini nadumadi ampa asumuli, ingka suano nepandeꞌaomua.”

1 Korintus 3:13

Ampamo kaowu nasewakutuu kahadhaano seemie-seemie tetewei natipandeꞌao, ingka oleo kahatoꞌano Ompu so motiwohaea. Kapaꞌamo ne oleo anaꞌa o efi so motiwohae, hampano kahadhaano seemie-seemie natiꞌudhi katangkano ne efi maitu.

1 Korintus 15:23

Ampamo kaowu seemie-seemie doangkafi tulu-tulungano: Kristus mbalimo titiisa, maka mie membalino fehebuano Kristus ne oleo kahatoꞌano.

Kolose 3:25

Laꞌae kokaꞌalano, natumongkuꞌao wutono kaꞌalano, kapaꞌamo Ompu miina naepoꞌala-alaꞌao manusia.

Yakobus 5:7

Dadiꞌanomo bhahitieꞌiku, kosabahaomu ampa oleo kahatoꞌano Ompu. Mesandahaomu ne mie mekaampono, kabhalano sabahando doantagi pehapi koharagaa maiꞌaono ne wite. Dosabaha kansuhu doantagi useno bhaha bhe useno timbu.

1 Yohanes 2:28

Dadiꞌanomo anaꞌiku, dadi seꞌiseomu bhe Kristus neanomo humato namotiwoha toha Wutono, daokado dapoꞌawaane, paise daꞌumukoꞌao kaambano ne oleo kahatoꞌano.