Matius 16:21 - Muna Southern Dialect

²¹ Notandamo wakutuu anaꞌa Yesus nofohatomo anaguhuꞌino mentalea-mentalea, putae Anoa tetewei nakumala we Yerusalem. Ne itu naobhahi naeꞌawa kakadee-dee maiꞌao ne kamungkulaꞌi, neangkaꞌindo imamu bhe pande-pande Kitabi. Andoa damongkoe, tamaka ne katolu oleono namanu namaiꞌao ne mate.

Matius 16:21 Referans Kwoze

Matius 17:12

Amohatokoomu, sakotuꞌuno anabii Elia padamo nomai, tamaka mie miina damandeꞌaanea, tadohabumo ampa kapoindalondo. Nadamo dua anaꞌa Anano Manusia - Idimo ini - damodee-deeꞌe.”

Matius 27:63

Ambado, “Waompu, tafeꞌulai pugauno fobhohe-bhoheꞌino maitu wakutuu nandoo nodadi. Ambano ne katolu oleono namanumo maiꞌao ne mate.

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Lukas 17:25

Ampamo kaowu Anano Manusia tabeano nabhahi naenamisi kadeki kakadee-dee bhe dabansie mie dhamani aini.

Lukas 24:46

Ambano toha, “Notibuhi peda ini: Mesias Omputo Fosalamatino tetewei naenamisi kakadee-dee bhe namanu maiꞌao ne mate ne katolu oleono.

Markus 8:31

Nopalusi anaꞌa Yesus notandamo nofohato anaguhuꞌino ambano, “Anano Manusia - Idimo ini - tetewei nabhahi naenamisi kakadee-dee. Anoa dabansie kamu-kamungkulaꞌi, neangkaꞌindo imamu bhe pande-pande Kitabi. Damongkoe, tamaka ne katolu oleono nadumadimo toha.”

Lukas 9:31

Kohoduando dotiwoha weo kakalabhiando dopuga-pugauꞌao takano so nedhalangino, so kamateꞌano we Yerusalem.

Matius 26:47

Tangasano Yesus nopugau, nohatomo Yudas, seemie maiꞌaono ne anaguhuno ompulu hoduano. Yudas maitu nohato nopoowa bhe mie bhahi metaguno kampue bhe kawangku. Mie bhahi naꞌa dotududa neangkaꞌindo imamu bhe kamungkulaꞌindo Yahudi.

Matius 26:2

“Ingka pandeꞌaaneomu hohaeaꞌano Paska tanaefua. Ne naꞌa Anano Manusia damowae ne kokuasano maka dakumantaiꞌe te sau salipu.”

Matius 27:12

Tamaka hato dosangkatie neangkaꞌindo imamu bhe kamu-kamungkulaꞌi, Yesus miina sepaliꞌa natumobhoosida.

Matius 16:28

Amohatokoomu, kotu-kotuꞌu ne olotando mie meehe-eheno aitu nandoo so pataꞌo mateno, ane pae daoha kadeki Anano Manusia namai naembali Omputo weo Kafopahintaꞌano.”

Matius 12:40

Kapaꞌamo peda anabii Yunus neate weo handano kenta bhalano tolu oleo tolu alo, nadamo dua aitu Anano Manusia naeate we lalono wite tolu oleo tolu alo.

Matius 16:22

Nofetingke peda naꞌa Petrus nohelamo Yesus ne sohihino maka notangahie ambano, “Paise, Ompu. Sio-siomo Lahataꞌala pae sepaliꞌa namolapasako ne balaa anaꞌa. Pae sepaliꞌa nakumadhadhia.”

Matius 17:9

Wakutuuno dosampu domaiꞌao te kabhawo naꞌa, Yesus nopugauandamo ambano, “Koise mekapunaꞌaoꞌomu newohamiu saꞌituini ne laꞌae maka dua. Simbali Anano Manusia - Idimo ini - namanumo namaiꞌao ne mate, maka naembali mekapunaomu ne mie sigaoꞌano.”

Matius 28:6

Miinamo bhe anoa ne ini. Nowanumo maiꞌao ne mate pedamo pugauno endefiꞌini. Mai ondoeꞌomu kandoleꞌano.

Markus 9:12

Notobhoosimo Yesus, “Uumbe daanumo, Elia so maino wawo, namosintuwuꞌao sabhaha giu. Ampamo kaowu nada amai Anano Manusia, Idi ini? Ingka weo Kitabino anabii notibuhi nabhahi naenamisi kakadee-dee, pae dakumonaꞌie mie.