Matius 16:19 - Muna Southern Dialect

¹⁹ Hintu amaꞌangko kunsino Kafopahintaꞌano Lahataꞌala. O ae so neꞌeleaꞌaomu we dhunia ini, tokamo dua notiꞌeleaꞌao te surugaa. O ae so neꞌundaꞌaomu we dhunia ini, tokamo dua notiꞌundaꞌao te surugaa.”

Matius 16:19 Referans Kwoze

Matius 18:18

Amohatokoomu, kotu-kotuꞌu: o ae neꞌeleaꞌaomu we dhunia ini, natiꞌeleaꞌao dua te surugaa; o ae neꞌundaꞌaomu we dhunia ini, natiꞌundaꞌao dua te surugaa.

Powoha 1:18

Idimo dumadino, padamo amate, tamaka ondo kanau itu, ingka adadimo ampa suhue dhamani. Idimo mintahano kunsino mate bhe dhuniano mate.

Powoha 3:7

“Buhie dua so malaꞌekatino umati we Filadelfia: pedamo aini kaowili maiꞌao ne Mie Mongkilo, Mie Banara, mintahano kunsino Daud. Ane nelengka fointo, pae bhe so mooliea daꞌumontoe; pedamo dua ane neꞌonto fointo, pae bhe so mooliea dalumengkae.

Yohanes 20:23

Ane dhosando mie umamponidaomu, Lahataꞌala naꞌumamponida dua. Tamaka ane pugauꞌomu dhosando sadaa-daa, dhosando sadaa-daaꞌe.”

Powoha 11:6

Andoa dokokuasa daekunsi lani keana nokoꞌuse tangasano dokosuaha peda anabii. Andoa dokokuasa dua ne sabhaha oe dabhaliiꞌe naembali hea, bhe dokokuasa dua daefosampu sabhaha balaa damepeki dhunia ini nafee-fee pakumo ampa kapoindalondo.

2 Korintus 2:10

Kapaꞌamo laꞌae nemaꞌafuꞌaomiu kaꞌalano, ingka amaꞌafuanemo dua. Kapaꞌamo toka nemaꞌafuꞌaoku, ane daanumo nandoo so nemaꞌafuꞌao, ingka ahabuemo ne wiseno Kristus so kaetaaꞌamiu.

Powoha 9:1

Pada anaꞌa malaꞌekati kalidimano nobusomo duhuleleno, taꞌawohamo seꞌulu kulipopo toka mondawuno we dhunia. Kulipopo anaꞌa dowaꞌane kunsino ola tapa kotompano ⸤ kaeateꞌano mate⸥ .

1 Tesalonika 4:8

Dadiꞌanomo ane bhe tumagalino katangahi aini, miina datumagali manusia, tamaka dotagalimo Lahataꞌala maꞌangkoomu Rohino mongkilono.

Tula-tulando rasulu 15:7

Nompona kaowu dopololi-loliꞌao fekihindo, noehemo Petrus maka nopugau ambano, “Bhahitieꞌiku, ingka pandeꞌaaneomu mpini kabhao-bhaono Lahataꞌala nopili kanau maiꞌao ne olotamiu, neanomo bansano liwu suano Yahudi dametingke bhe damarasaea Bhihita Metaa nefoleleku.