Matius 16:17 - Muna Southern Dialect

¹⁷ Ambano Yesus, “Kodawua sepaliꞌa Simon anano Yunus, kapaꞌamo suano manusia mohatoangkoe, tamaka Amaku te surugaa.

Matius 16:17 Referans Kwoze

Yohanes 6:45

Nandoo notibuhi weo Kitabindo anabii, ‘Andoa maitu kosasawindo namoinaꞌuda Lahataꞌala.’ Dadiꞌanomo sasuka metingkeno bhe tumahimano kafoinaꞌuno Amaku, namai se Idi.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

Galatia 1:16

Hampano dua rahamatino nofotipandeꞌao kanau Anano, neanomo amolelee bhihitano ne sabhaha bansano liwu suano Yahudi. Wakutuu anaꞌa bhe naseemie miina bhe nekalaꞌiku aesalo fekihi.

1 Korintus 15:50

Bhahitieꞌiku, nepulaoꞌaoku peda aini: o dagi bhe hea pae bhe kapooli namesua weo Kafopahintaꞌano Lahataꞌala; o mbadha so binasano pae bhe kapoolia naeꞌawa dawu ne dadi so pata binasano.

Efesus 3:5

Ne dhamani wawono rahasia aini miina sepaliꞌa damotiwohae ne manusia, tamaka ampa aini nofekantaleaꞌiemo Rohino Lahataꞌala ne rasuluꞌi bhe ana-anabii mongkilono.

1 Yohanes 4:15

Mie umakuino putae Yesus Anano Lahataꞌala, ingka Lahataꞌala noseꞌise bhe anoa bhe anoa noseꞌisemo bhe Lahataꞌala.

1 Petrus 5:1

Nandoo kamesaloku ne kamungkulaꞌi neangkando umati. Kaebuhiꞌaku peda aini, ingka idi ini seemie dua kamungkulaꞌindo umati peda hintimiu, pakade awohaꞌao wuntano mataku kakadee-deeno Kristus. Nahumato tempono natiwoha kakalabhiano Kristus, ingka aeꞌawa dua dawu weo kakalabhiano naꞌa.

Efesus 2:8

Katifosalamatiꞌamiu hampano rahamatino Lahataꞌala, noangka ne kaparasaeamiu ne Kristus. O kasalamati maitu suano hasilino kahadhaano wutomiu, tamaka kotu-kotuꞌu katohaino Lahataꞌala.

Yohanes 1:42

Andreas noowamo Simon ne Yesus. Yesus noꞌondo Simon bhe nopugau ambano, “Hintu Simon anano Yohanes; dakumonako Kefas, nopototo bhe Petrus ⸤ maꞌanano o kontu dempa⸥ .”

Ibrani 2:14

Anaꞌi nepulaoꞌaono maitu saneamo manusia kombadha kasarano, maka Yesus nopototoꞌao wutono bhe andoa, nodadi peda seemie manusia. Kahabuꞌano peda anaꞌa, neanomo noangka ne mateno, Yesus nofobinasamo mintahano kuasano mate, o Kafeompuꞌano seetani.

Efesus 6:12

Kapaꞌamo intaodiomu miina dapoewangi bhe mbadha tiwohaꞌano, tamaka doewangi sabhaha rohi modai kokuasano te antara. Doewangiomu dua mintahano kuasa, neangkando seetani bhe kuasa mohohondo te dhunia ini; andoa ini saneamo kumuasaino dhamani modai ini.

Lukas 22:32

Tamaka Idi padamo asambaheaꞌangko keana nosali kaparasaeamu. Nasumuli kaowu lalomu, fekatangkada lalondo bhahitieꞌimu.”