Matius 15:27 - Muna Southern Dialect

²⁷ Ambano dua hobhine aitu, “Anoamo naꞌa Waompu, ampamo kaowu daꞌu ⸤ peda insaodi ini⸥ nohumaa dua kapondawu maiꞌaono ne medhano ompuno.”

Matius 15:27 Referans Kwoze

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

Lukas 16:21

Nowoha kapondawuno maiꞌaono ne medhano mie hangkaea naꞌa, Lasarus ini gaono tanaomaamo nakoiꞌiꞌao kaowu handano. Gahaꞌa domaiꞌiemo dua daꞌu dodelapi kandano.

Roma 10:12

Kapaꞌamo miina bhe poꞌalaꞌano miendo Yahudi bhe bansano liwu sigaoꞌano. Lahataꞌala Kaseemie-mieꞌano, o Ompundomo kosasawindo manusia. Anoamo mefosampuno kabarakati pontalabhi-labhino ne mie metondalano.

Roma 3:29

Bhahaa Lahataꞌala maitu o Lahataꞌalando kaowu miendo Yahudi? Suano dua Lahataꞌalando bansano liwu sigaoꞌano? Ingka anoamo, Lahataꞌalando dua bansano liwu sigaoꞌano.

Lukas 18:13

Tamaka mealano sewa naꞌa neehe-ehe se mokodoꞌoꞌano, bhe miina naokadoa natumotohana. Anoa tanotofa-tofa mbadhano kaꞌosano sosono bhe nopugau, ‘O Lahataꞌala, mobhela kanau lalo, idi mie kodhosano ini.’

Matius 8:8

Tamaka ambano neangkando tantara maitu, “Waompu, miina amantasia mesuaki lambuku; tapugaumo nasewobha wamba, maka bhatuaku maitu teteweimo naoꞌosa.

Matius 5:45

Kapaꞌamo nadamo aini so membaliꞌaoꞌomu anaꞌino Amamiu te surugaa. Anoa nofofoni oleono so mie modai bhe so mie metaa, nofosampu useno so mie banara bhe so mie pata banara.

Roma 3:4

Ingka teteweimo paise, kapaꞌamo tabeano damandeꞌaane Lahataꞌala sadhia nobanara, tamaka kotika manusia liwuno paha. Anaꞌa noposahataa bhe tibuhino weo Kitabi ⸤ nopulaoꞌao Lahataꞌala⸥ peda ini, “Naetaa sabhaha nekobhoasaꞌaomu nakobukutiimo kakotuꞌuno, ane dasumangkatiko tetewei fotalo.”

Efesus 3:19

Sio-siomo kanini kaasi anaꞌa lumosangieꞌomu, mahinggamo sakotuꞌuno pae damondoiꞌe damahamue, neanomo dadimiu nakumabhintiemo sifatino Lahataꞌala foliuno kasumangka.

Roma 3:19

Tamaka dopandeꞌaaneomu bhahi-bhahiꞌae tibuhino weo Kitabino tubhono agama Yahudi mbali mie dumadino weo tubhono agama naꞌa. Pedamo anaꞌa kosasawindo manusia paemo dakowobhaa ⸤ dapotunduꞌao wutondo ne wiseno Lahataꞌala⸥ , kapaꞌamo kosedhuniaꞌae ini nabhotusie Lahataꞌala.

Matius 15:26

Yesus tanotobhoosi ambano, “Ingka pae namantasia daeala rotindo anaꞌi maka daꞌumohoane daꞌu.”

Matius 15:28

Yesus notobhoosi ambano, “Waꞌina, nobhala mpuu kaparasaeamu, dadiꞌanomo nokadhadhiaꞌo toha peda kapoindalomu itu.” Gahaꞌa anano lasao dua noꞌosa.

Markus 7:28

Hobhine anaꞌa notobhoosimo ambano, “Anoamo naꞌa Waompu, ampamo kaowu o daꞌu we pandano medha ⸤ peda insaodi ini⸥ dohumaa dua kapondawundo anaꞌi.”