28 Notobhoosimo Petrus, ambano, “Waompu, ane kotu-kotuꞌu o Hintu, tudu kanau amaiꞌiko aekala-kala dua te wawono oe.”
Notobhoosimo Simon Petrus ambano, “Waompu, takumala se laꞌae bhahaa? Wambamumo meowano dadi suhue dhamani.
Hampano kadawu neꞌawaku ne Lahataꞌala, amohatokoomu kosasawimiu itu: weo fekihimiu koise abhi wutomiu nalumiuꞌe bhe mantasiꞌano, tamaka fekihiomu saetaaꞌano, noposahataa bhe kabhalano kaparasaea nedawuꞌaono Lahataꞌala ne hintimiu seemie-seemie.
Pada aitu Petrus notobhoosimo ne Yesus, ambano, “Insaodi ini tahunsaemo bhahi-bhahiꞌae maka taangkafi Hintu. O ae bhahaa so neꞌawa mania?”
Sedhuluꞌa dua kakampuu-mpuuno lalono Petrus nopugau, “Mahingga amate bhe hintu, pae sepaliꞌa agumagaa.” Anaguhuꞌino sigaoꞌano sanea dua dopugau peda naꞌa.
Tamaka Yesus lasao nopugauanda, “Fekatangka lalomiu, o Idi inia, koise moteꞌiomua!”
Ambano Yesus, “Maimo padaa!” Dadiꞌanomo Petrus nosampumo nomaiꞌao ne bhangka maka nokala te wawono oe napoꞌawaꞌao Yesus.
Kamesalono tabeano namoampee weo kaparasaea mpuu-mpuu, koise nopoibhahaa. Kapaꞌamo mie poibhahano lalo tanopototomo bhe kaewono teꞌi, nofodo-fodolie kawea.