Matius 13:33 - Muna Southern Dialect

³³ Nosunsumiane dua kapalenda aini. “Kafopahintaꞌano Lahataꞌala tapedamo ragi nealano seemie hobhine mbali kaefoꞌendeꞌano roti. Ragi aini nokunsaloe bhe tariguno fato fulu baa ampa noꞌende kosasawiꞌae.”

Matius 13:33 Referans Kwoze

Galatia 5:9

Ambado mie, “Sekandai-ndai kaowu ragi noꞌendeanemo kosekabhahiꞌae kadhalono tarigu so roti.”

Lukas 13:21

Kafopahintaꞌano Lahataꞌala tapedamo ragi nealano seemie hobhine mbali kaefoꞌendeꞌano roti. Ragi aini nokunsaloe bhe tariguno fato fulu baa ampa noꞌende kosasawiꞌae.”

2 Petrus 3:18

Naetaa mpuu modhuluomu kabhala bhe kamatangkamiu weo kanini kaasino Yesus Kristus, Ompu bhe Fosalamatino, bhe nasedhuluꞌa dua mandeꞌaaneomu. Nopantasi mpuu damosibhalae haꞌoleo ini ampa suhue dhamani! Amin.

Filipi 1:9

Sambaheaku sio-siomo kanini kaasimiu sadhulu-dhulu kabhahi ampa napontalabhi-labhi, nasedhuluꞌa dua mandeꞌaoꞌomu kabanara bhe meꞌawaomu fekihi kotimbangi.

Filipi 1:6

Aparasaea mpuu Lahataꞌala tumandakino kahadhaa metaa weo totono lalomiu ini, namokansuhue dua ampa natumoka ne oleo so kahatoꞌano Kristus Yesus.

Yohanes 15:2

Sasuka haꞌaku tapa kobhakeno nolakoe, tamaka sasuka haꞌaku kobhakeno nofekanggelaꞌie so nodhuluꞌao kabhahino bhakeno.

Markus 13:20

Ane ibahano Ompu pae nakumuhangi tempono, kotika dumadino pae bhe so sumalamatino. Tamaka mbaꞌinomo nandoo umati tipilino, Ompu Lahataꞌala nakumuhangi tempono.

Matius 13:24

Yesus nefohatoandamo dua kapalenda sigaoꞌano. Ambano, “Kafopahintaꞌano Lahataꞌala tapedamo seemie meꞌewino wine metaa te kaampono.