Matius 13:30 - Muna Southern Dialect

³⁰ Hunsaꞌanomo kohaahondaꞌae daꞌumende ampa metobheꞌa. Nahumato metobheꞌa, amugaumo ne tumobheno, ‘Foꞌonuomu kadeki dana itu, obho-obhoeꞌomu maka tawueꞌomu. Mada aitu foꞌonuomu gandum weo lambu kaenteiꞌano otiku.’ ’ ”

Matius 13:30 Referans Kwoze

Matius 3:12

Katepi nontiintahaemo so natumepisaoꞌao gandum ampa naonggela. Onuno gandum nahumompunaane weo lambu kaenteiꞌa oti, tamaka kulino bhe kansiano laano natumunuane efi tapa mopoopeono.”

1 Timotius 5:24

Dhosando mie sigaꞌa nentaleamo dopandeꞌaane mahingga miinaꞌo datibhitahaki, tamaka sigaoꞌano nopalusi dobhitahakida maka notipandeꞌao.

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

Yohanes 15:6

Sasuka tapa seꞌiseno bhe Idi daꞌumohoe we simbali nada haꞌano sau maka nakekele. Mada anaꞌa damoꞌonue maka daꞌumohoe weo efi sampe notitawu.

Matius 25:32

Kosasawindo bansano liwu datihompu te wiseno maka napofelesaanda, pedamo dhagano dhumba nopogaatiꞌao dhumba bhe membe.

Lukas 3:17

Katepi nontiintahaemo so natumepisaoꞌao pae ampa naonggela. Onuno pae nahumompunaane weo lambu kaenteiꞌa oti, kulino bhe kansiano laano natumunuane efi tapa mopoopeono.”

Matius 25:41

Pada anaꞌa napugaumo dua ne mie we kemano, ‘Gampiomu maiꞌao ne wiseku ini, hintimiu mie nekangkanaino balaa! Pesuaꞌomu weo efino narakaa tapa mopoopeono ampa suhue dhamani, toka nefontaa-ntaa so Kafeompuꞌando seetani bhe malaꞌekati sabhangkaꞌino.

Matius 13:25

Gahaꞌa sealo, tangasano doodo mie, nomaimo kaewano lasao neꞌewiane dana ne olotano gandum naꞌa maka nokala.

Matius 13:29

Tamaka ambano kafeompuꞌando, ‘Koise, kapaꞌamo ane bunatieꞌomu dana itu, kunanomo gandum natibunati dua.