Matius 12:32 - Muna Southern Dialect

³² Ane o mie nopahampugau noewangi Anano Manusia natiꞌamponi; tamaka ane dopahampugau doewangi Rohino Lahataꞌala pae natiꞌamponia, naetaa te dhunia ini, naetaa we suliꞌa.”

Matius 12:32 Referans Kwoze

Markus 3:29

Tamaka ane dofekaꞌaebu Rohino Lahataꞌala, pae sepaliꞌa natiꞌamponia. Kapaꞌamo kafekaꞌaebu medando aitu, dhosa suhue dhamani.”

Yohanes 7:39

Nepulaoꞌaono Yesus naꞌa Rohino Lahataꞌala so netahimando marasaeano ne Anoa. Wakutuu anaꞌa Rohi amaitu miinaꞌo nahumatoa, mbaꞌinomo Yesus miinaꞌo naꞌumawa kakalabhiano ⸤ weo mateno⸥ .

1 Timotius 1:13

Gahaꞌaitumo endefiꞌini idi ini mie mekaꞌaebuno Lahataꞌala, mie fofodee-deeno, o mie kaꞌosa lalo. Tamaka Lahataꞌala nobhela kanau lalo, kapaꞌamo wakutuuno ahabu kosasawiꞌae naꞌa miinaꞌo amarasaeaꞌa, dadiꞌanomo miina amandeꞌaane nehabukua.

Titus 2:12

Noangka ne rahamatino, Lahataꞌala nofoinaꞌu kaita dakumukundo sabhaha podiu modai bhe kapoindalono dhunia. Nofoinaꞌu kaita dua damewanaki totono lalonto, daembali mie banara bhe dadumadi lumebe we dhunia ini.

Efesus 1:21

Kaengkohaꞌano Kristus ini nofoliuda sabhaha kuasa te surugaa, sabhaha mintahano kuasa, sabhaha mie neangka bhe kafeompuꞌa, bhe laꞌae maka dua meꞌawano soda, naetaa dumadino dhamani aini naetaa we dhamani mbuhumai.

Tula-tulando rasulu 3:19

Dadiꞌanomo dolimoomu ne Lahataꞌala, fetompaanemoomu dhosamiu, neanomo dhosamiu namekanggelaꞌiemo.

Lukas 12:10

Ane o mie nopahampugau noewangi Anano Manusia, natiꞌamponi; tamaka ane dopahampugau dofekaꞌaebu Rohino Lahataꞌala paise natiꞌamponia.

Matius 12:31

Dadiꞌanomo amohatokoomu: kosasawiꞌae dhosa bhe kaꞌumbu ne manusia natiꞌamponi, tamaka kaꞌumbu ne Rohino Lahataꞌala pae natiꞌamponia.

1 Timotius 1:15

Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe: “Kristus Yesus nomai we dhunia ini nofosalamati mie kodhosa”, maka mie fofoliuno kabhahino dhosa ingka o idimo ini.

Yohanes 7:12

Dobhahi raꞌeati mekamu-kamuntuno sadhia dopulaoꞌao Anoa. Nandoo mugauno, “Anoa maitu mie metaa.” Nandoo dua mugauno, “Miina, Anoa maitu nefekakolilino raꞌeati.”

Lukas 23:34

Nopugaumo Yesus ambano, “Ama, amponida kapaꞌamo miina damandeꞌaanea nehabundo.” O tantara dodawu-dawumo pakeano, dopodaduane mbali notipandeꞌaoane dawuno seemie-seemie.

Markus 10:30

Ne dhamani aini daeꞌawa moꞌono paku kabhahino: o lambu, o bhahitie, o ina, o anaꞌi bhe kaampo, tamaka daenamisi dua kafodee-dee. We dhamani mbuhumai daeꞌawa dadi suhue dhamani.

Yohanes 7:52

Ambado, “Gahaꞌa hintu ini mieno Galilea dua? Soba lengka Kitabi itu! Ne itu mandeꞌaanemo miina nandumandoo seemie anabii maiꞌaono we Galilea.”

Lukas 7:34

Pada anaꞌa Anano Manusia - Idimo ini - nohato nohumaa nofohoꞌu, ambamiu, ‘Soba ondoomu, mie kumadau-dau bhe pande fohoꞌu, sabhangkando mealaꞌino sewa bhe mie kodhosa.’

Matius 11:19

Pada anaꞌa Anano Manusia - Idimo ini - nohato nohumaa nofohoꞌu, ambado mie, ‘Soba ondoomu, mie kumadau-dau bhe pande fohoꞌu, sabhangkando mealaꞌino sewa bhe mie kodhosa.’ Tamaka kakotimbangino Lahataꞌala notipandeꞌao kakotuꞌuno ne hasilino.”

Matius 13:55

Ingka anoa ini anano tuka. Inano ingka Maria bhe bhahitieꞌino ndo Yakobus, Yusuf, Simon bhe Yudas.

Matius 8:20

Yesus notobhoosimo ambano, “Daꞌu ngkahoku bhe liano, kaꞌuhi lumola bhe kaufeno, tamaka Anano Manusia - Idimo ini - miina sepaliꞌa bhe katifekalaaꞌiꞌano towuno.”

Matius 12:8

Anano Manusia - Idimo ini - nokokuasa dua namotantu atorano oleono Sabat.”

Matius 13:22

Wine mondawuꞌano weo kahoku kokihi, maꞌanano mie metingkeno bhoasaono Lahataꞌala, tamaka nobhahi dofekihi so kadadiꞌando bhe nobhohe-bhoheꞌida kahangkaeano dhunia. Kosasawiꞌae naꞌa nopesua weo totono lalondo noꞌontiꞌi bhoasaono Lahataꞌala sampe miina nakohasilia.

Matius 13:39

Kaewa meꞌewino dana, maꞌanano Kafeompuꞌando seetani. Tempono metobheꞌa nokomaꞌanaꞌao kafetompaino dhamani bhe tumobheno naꞌa o malaꞌekati.

Matius 13:40

Peda dana dofoꞌonue maka dotawue ne efi, namedamo dua naꞌa nahumato kafetompaino dhamani.

Markus 3:28

Amohatokoomu, kotu-kotuꞌu kosasawiꞌae dhosa bhe sabhaha kafekaꞌaebundo manusia, naembali natiꞌamponi.

Lukas 16:8

Kafeompuꞌano nopudhi sepaliꞌa mintahano kahangkaeano tapa melaano lalo naꞌa hampano kakoꞌakalano. Daanumo miendo dhunia ini dofoliu kakoꞌakalando ne mie bhaindo ane dopototoane bhe miendo kantalea.

Lukas 18:30

Ne dhamani aini naeꞌawa sedhuluꞌa dua kabhahino bhe nehunsano, maka nahumato dhamani mbuhumai naeꞌawa dadi suhue dhamani.”

1 Timotius 4:8

Dokane-kanea mbadha ⸤ so doꞌosaꞌao⸥ bhe hatoꞌano fahalaano, tamaka dokanea wuto dodadi lumebe miina nakotompaa fahalaano, kapaꞌamo naeowa dadi te dhunia ini bhe dadi we suliꞌa peda dhandino Lahataꞌala.

1 Timotius 6:17

Ne mie hangkaea we dhunia ini mefeꞌulaianda, koise nelangke diundo, koise doposahunaꞌao ne bara pata titangkaꞌaono peda kahangkaea. Tamaka mefeꞌulaianda daposahunaꞌao ne Lahataꞌala, tapa megana-ganano nofowaꞌao sabhaha kafaraluuntoomu so kaetaaꞌano namisintoomu.

2 Timotius 4:10

Kapaꞌamo Demas nohunsa kanaumo, noasiꞌaomo dhunia ini, nokalamo we Tesalonika. Kreskes nokalamo dua we Galatia, bhe Titus we Dalmatia.

Yakobus 1:27

Ane dopoindalo dembali mie koꞌagama mongkilo bhe kumampuu-mpuuno ne pomatano Lahataꞌala Amantoomu tabeano daehabu peda aini: daeꞌondofao anaꞌi moꞌelu bhe bhihinanda mosabhano, bhe dodhagani wutondo koe sampe nofotaihi kadaino dhunia ini.