Matius 12:25 - Muna Southern Dialect

²⁵ Yesus nopandeꞌaane fekihindo lasao nopugau ne andoa ambano, “Ane seꞌonu kakolakiꞌa pae daseꞌise tamaka sadhia dopoewa-ewangi tetewei nabinasa; pedamo dua aitu ane seꞌonu liwu tawa seꞌonu polambu pae daseꞌise tamaka sadhia dapogiha-giha pae dua naentaraa.

Matius 12:25 Referans Kwoze

Galatia 5:15

Tamaka ane sadhia posia-siakaomu, posiꞌondoomu bhahasaa mobinasaomu kosasawimiu.

1 Korintus 2:11

Laꞌae bhahaa so mandeꞌaono totono lalono manusia? Ingka tantumo rohino manusia aitu. Pedamo dua aitu miina bhe manusia mandeꞌaono totono lalono Lahataꞌala, mpahinomo wutono Rohino Lahataꞌala.

Matius 9:4

Tamaka Yesus nopandeꞌaane nefekihindo, maka ambano, “Noafa kofekihi modaiꞌaoꞌomu?

Powoha 16:19

Kota bhalano maitu nobhongka nofetoludawue, kotando sabhaha bansano liwu nopuli nosansa. Lahataꞌala nofeꞌulaimo Babel kota bhalano maitu, maka nowaꞌane nofohoꞌu angguru ne kampohoꞌuꞌano, kaꞌibahatino kapontalabhi-labhino amahano Lahataꞌala.

Ibrani 4:13

Miina bhe dumadino notifebuni ne matano Lahataꞌala, bhahi-bhahiꞌae kanggetu delembi bhe notiwolengkasi ne wiseno. Ne Anoamo dua dapowiseꞌao wutontoomu ne sabhaha nehabunto.

Markus 2:8

Tamaka Yesus lasao nopandeꞌaane nefekihindo, maka nopugau ambano, “Noafa gahaꞌa kofekihiꞌaoꞌomu peda aitu?

Powoha 2:23

Mie mangkafie tetewei amongkoda maka kosasawiꞌae tombudo umati damandeꞌaane putae Idimo tumiisangino kakolalondo bhe fekihindo manusia. Idimo dua so bhoosiangkoomu seemie-seemie naposahataa bhe habumiu.

Yohanes 21:17

Katolu pakuno Yesus nofeena toha ambano, “Simon anano Yohanes, moasi kanau bhahaa?” Simon Petrus nokompeahamo lalono nofetingke Yesus nofeenae tolu pakumo, “Moasi kanau bhahaa?” maka notobhoosimo dua ambano, “Ompu, ingka pandeꞌaane bhahi-bhahiꞌae, pandeꞌaane dua ingka aoasiangko.” Ambano Yesus, “Ondofaanda dhumbaku.