Matius 11:3 - Muna Southern Dialect

³ Dadiꞌanomo notudu anaguhuꞌino dameena ne Yesus ambado, “Hintumo bhahaa so humatono peda nedhandiꞌaono Lahataꞌala itu, kaa taeantagi dua mie sigaoꞌano?”

Matius 11:3 Referans Kwoze

Yohanes 11:27

Ambano Marta, “Uumbe Waompu, aparasaea Hintumo Mesias Omputo Fosalamatino, Anano Lahataꞌala so humatono ne dhunia ini.”

Ibrani 10:37

Kapaꞌamo ⸤ notibuhi weo Kitabi⸥ , “Tana sekabantaha sepaliꞌa, Anoa so maino ingka nahumatomo, paemo namodhulu tempono.

Yohanes 7:31

Ne olotando mie bhahi maitu nandoo dobhahi dua marasaeano ne Anoa. Ambado, “Ane nahumato Mesias, bhahaa nalumiuꞌe dua kabhahino tanda-tanda timenteꞌaono nehabuno Anoa ini?”

Yohanes 6:14

Dowoha kaowu tanda timenteꞌaono nehabuno Yesus maitu, dopugaumo mie bhahi ambado, “Kotu-kotuꞌu Anoa ini anabii ⸤ nepodhandiꞌao weo Kitabi⸥ so humatono we dhunia ini.”

Yohanes 16:14

Anoa namotiwoha kakalabhiaku, hampano namebhihitaiꞌangkoomu sabhaha netahimano ne Idi.

Yohanes 12:13

Andoa lasao dealaꞌi hoono potubu maka dokala dosumpuiꞌe bhe dekei-kei ambado, “Hosana, pudhi kaitaomu Lahataꞌala. Notibarakati maino weo neano Ompu, notibarakati Omputo miendo Israel.”

Yohanes 4:21

Ambano Yesus, “Parasaea kanau waꞌina, tetewei nahumato tempono o mie paemo dasumombai Amaku Lahataꞌala te kabhawo aini, paemo dua we Yerusalem.

Lukas 19:38

Ambado, “Nobarakati omputo maino weo neano Ompu, katohopo te surugaa, kakalabhiano Lahataꞌala te wawono wawo.”

Markus 11:9

Mie maꞌinduluno bhe mangkano kundono kosasawindo debhidha-bhidha ambado, “Hosana, pudhi Ompu! Notibarakati maino weo neano Ompu!

Matius 21:9

Mie bhahi maꞌinduluno bhe mangkano kundo doꞌia-iaꞌe ambado, “Hosana, sampuꞌano Daud! Notibarakati humatono weo neano Ompu. Hosana, pudhi kaitaomu Ompu Lahataꞌala te wawono wawo!”

Matius 21:5

“Fohatodaomu mieno kotano Sion, ‘Ondoeꞌomu! Omputomiu nomaiꞌikoomu. Nomalu lalono, nosawi ne keledai, anano keledai meangkuno wowoꞌo.’ ”

Matius 11:4

Yesus notobhoosida ambano, “Sulimoomu, fohatoaneomu Yohanes o ae nefetingkemiu bhe newohamiu.

Matius 11:10

Kapaꞌamo Yohanes ini nepulaoꞌaono wambano Kitabi peda aini, ⸤ Ambano Lahataꞌala⸥ ‘Anoamo ini katuduku, atudue namaꞌinduluangko, naebhongkaangko kaangkaꞌa te wisemu.’