Matius 11:29 - Muna Southern Dialect

²⁹ Tongkuomu wowoꞌoku ⸤ maꞌanano angkafi pahintaku⸥ bhe poguhuomu ne Idi, kapaꞌamo Idi ini netaa laloku bhe afekapanda Wutoku. Tetewei meꞌawaomu kalalesano lalo.

Matius 11:29 Referans Kwoze

1 Yohanes 2:6

Laꞌae mugauno nodadi noseꞌise bhe Lahataꞌala, tabeano nadumadi namangkafi sandahano dadino Yesus Kristus.

Yohanes 13:15

Idi awaꞌangkoomu kasandaha neanomo mehabuomu dua peda nehabuku ne hintimiu.

Matius 7:24

“Laꞌae metingkeno pugauku ini maka noangkafie, nopototo bhe seemie mandeno moeheno lambuno te wawono dempa.

Ibrani 5:9

Nosangka kaowu dadino, Yesus nembalimo meowano kasalamati suhue dhamani so kosasawindo mie meangkano ne Anoa.

2 Korintus 10:1

Idi, Paulus, bhe nemesaloku. Ambado miina aokado apugau ne wisemiu, aokado kaowu apugau ane apokodoꞌotiangkoomu. Aitu hampano kamaluno bhe kataano lalono Kristus,

Matius 28:20

Foinaꞌudaomu damangkafi sabhaha pahinta nefohatoꞌaoku ne hintimiu. Maka tandaiꞌeomu, sadhia apobhaiangkoomu ampa kafetompaino dhamani.”

Filipi 2:5

Lalomiu tabeano napototo bhe lalono Kristus Yesus.

Matius 21:5

“Fohatodaomu mieno kotano Sion, ‘Ondoeꞌomu! Omputomiu nomaiꞌikoomu. Nomalu lalono, nosawi ne keledai, anano keledai meangkuno wowoꞌo.’ ”

2 Korintus 10:5

Sabhaha akalando manusia tadai-daiꞌe, kalangkeno diundo manusia potagalino bhe kafoinaꞌuno Lahataꞌala tafohansurue kanggetu taesansa bente melangke. Sabhaha fekihindo manusia takuhumae maka tafotuhue ne wiseno Kristus.

1 Tesalonika 4:2

Ingka pandeꞌaanemoomu katangahi medano ae newaꞌao mani ne hintimiu weo kuasano Ompu Yesus.

Yohanes 13:17

Ane kosasawiꞌae ini pandeꞌaaneomu maka kodawua mpuu ane dhumalangieꞌomu.

Matius 17:5

Tangasano Petrus nopugau, tanosikaolumidamo olu nentalea sepaliꞌa. Nomaiꞌao weo olu naꞌa notifetingkemo suaha ambano, “Ainimo Anaku timoasiꞌaono, neposahasiꞌaono laloku, fetingkeeꞌomu pugauno.”

2 Tesalonika 1:8

Nahumukumu mie kumiidono mandeꞌaono Lahataꞌala bhe pata mangkafino Bhihita Metaano Yesus, Ompuntoomu.

1 Korintus 9:21

Bhe mie suano Yahudi, adadi dua peda mie suano Yahudi tapa mangkafino tubhono agama Yahudi. Gahaꞌaitumo sakotuꞌuno idi ini miina adumadi we simbalino tubhono Lahataꞌala anaꞌa, hampano aangkafi tubhono Kristus. Kahabuꞌaku peda anaꞌa neanomo dabhahi mie tapa mangkafino tubhono agama Yahudi so neowaku ne Kristus.

Tula-tulando rasulu 7:37

Anoamo dua ini mugauno ne miendo Israel, ‘Namada kaowu Lahataꞌala naefoeheangkoomu seemie anabii peda idi ini namaiꞌao ne bhahitieꞌimiu.’

Lukas 8:35

Dadiꞌanomo miendo liwu dofisilimba-limbaꞌamo daꞌumondo kadhadhia anaꞌa. Dohato ne Yesus, dowohamo mie nekadunsano seetani naꞌa nengkoha-ngkoha ne wiseno Yesus, nokopakeamo bhe nototomo. Andoa doteꞌi sepaliꞌa.