Matius 11:12 - Muna Southern Dialect

¹² Notanda Yohanes notiumba taꞌampa aitu, Kafopahintaꞌano Lahataꞌala doewangie, mewangie naꞌa dokopatudhu dasumaohi bukue.

Matius 11:12 Referans Kwoze

Lukas 16:16

Kitabino Musa bhe Kitabino ana-anabii sadaa-daa nolaku ampa ne dhamanino Yohanes, tamaka notanda ne dhamanino Yohanes Kafopahintaꞌano Lahataꞌala dofoleleemo maka sabhaha mie dopogolo-golo damesua.

Lukas 13:24

Notobhoosimo Yesus ne mie bhahi ambano, “Uleiꞌomu lalomiu pesuaꞌomu ne fointo mosekeꞌano. Kapaꞌamo amohatokoomu dobhahi mie mesobano damesua, tamaka paise damoolia.

Filipi 2:12

Dadiꞌanomo bhahitieꞌi nemoasiꞌaoku, pedamo endefiꞌini nandoo kanau bhe hintimiu sadhia angkafiomu katangahiku, mangke-mangke aitu dopokodoꞌotiomu, gaoku mpuu sadaa-daa mangka kanauꞌomu. Uleiꞌe lalomiu so nasumangkaꞌao kasalamatimiu; dhalangieꞌomu weo kamihi bhe kafosibhala ne Lahataꞌala.

Yohanes 6:27

Koise kahadhaaꞌomu so meꞌawaꞌaoꞌomu oti so mowoloꞌano, tamaka tabeano kahadhaaꞌomu so meꞌawaꞌaoꞌomu oti tumarano ampa suhue dhamani. Oti anaꞌa namaꞌangkoꞌeomu Anano Manusia - Idimo ini - hampano Anoamo nefopoolino Lahataꞌala Amano.”

Matius 3:15

Nopugaumo Yesus ambano, “Hunsaꞌanomo aitu, kapaꞌamo nofaraluu peda aini so damangkafiꞌao kosasawiꞌae kapoindalono Lahataꞌala.” Dadiꞌanomo Yohanes noangkafie kamesalono.

Matius 11:11

Amohatokoomu, kotu-kotuꞌu ne olotando manusia lumenteno ne dhunia ini miina bhe moliuno Yohanes Fokadiuno; tamaka foliuno kahobu weo Kafopahintaꞌano Lahataꞌala nofoliuꞌe kabhala.

Matius 11:13

Kapaꞌamo kosasawindo anabii bhe Kitabino Musa dofofohatoanemo so kumadhadhiaꞌano ampa katiumbaꞌano Yohanes.

Yohanes 5:4

Kapaꞌamo sepaku-sepaku seemie malaꞌekatino Ompu nosampu maka noꞌendu oe aitu. Sasuka maꞌinduluno sumampuno weo oe nopalusi kaendono oe lasao noꞌosa, o ae maka dua sakino.]