Matius 11:11 - Muna Southern Dialect

¹¹ Amohatokoomu, kotu-kotuꞌu ne olotando manusia lumenteno ne dhunia ini miina bhe moliuno Yohanes Fokadiuno; tamaka foliuno kahobu weo Kafopahintaꞌano Lahataꞌala nofoliuꞌe kabhala.

Matius 11:11 Referans Kwoze

Lukas 7:28

Amohatokoomu, ne olotando mie lumenteno ne dhunia ini miina bhe moliuno Yohanes Fokadiuno, tamaka foliuno kahobu weo Kafopahintaꞌano Lahataꞌala nofoliuꞌe kabhala.”

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

Yohanes 1:15

Yohanes nosakusiiꞌao Anoa bhe nekei-kei ambano, “Anoamo ini nepulaoꞌaoku wakutuuno afohatokoomu, ‘Anoa nahumato namada idi, tamaka sakotuꞌuno nofoliu kanau Anoa, hampano nonandoomo wawo Anoa bhe idi!’ ”

Matius 5:19

Dadiꞌanomo laꞌae so kumamudaino tubhono agama Yahudi mahingga pahinta foliuno kahobu, maka namoguhuandae dua bhaindo, naeꞌawa kaengkohaꞌa foliuno kapanda weo Kafopahintaꞌano Lahataꞌala. Tamaka laꞌae mangkafino bhe fofoguhuꞌaono kosasawiꞌae pahinta anaꞌa, naeꞌawa kaengkohaꞌa foliuno kalangke weo Kafopahintaꞌano Lahataꞌala.

Matius 3:11

Idi akadiuangkoomu oe mbali katandaino fetompaꞌao dhosamiu, tamaka so humatono mada kaowu nofoliu kanau kuasa. Mahingga alumense katapuno kaampinino pae amantasia. Anoa naꞌa nakumadiuangkoomu Rohino Lahataꞌala bhe efino.

Lukas 9:48

Yesus nopugaumo ambano, “Laꞌae tumahimano anaꞌi aini weo neaku notahimamo Idi. Laꞌae tumahimano Idi notahima dua Tumudu kanau. Kapaꞌamo foliuno kahobu ne olotamiu itu, anoamo itu foliuno kabhala.”

1 Petrus 1:10

Ana-anabii dhamani wawono dofoti-fotindaemo kasalamati aini bhe doꞌondofi kansuhu maꞌanano. Andoa dokosuahaꞌaanemo wawo kabarakatino Lahataꞌala so neꞌawamiu.

Ibrani 11:40

Kapaꞌamo Lahataꞌala nandoo bhe patudhuno sedhuluꞌano dua kataa so intaodiomu. Patudhuno Lahataꞌala andoa maitu kaneꞌo daeꞌawa kasangkano dadi dapoowa-owa bhe intaodiomu.

1 Korintus 15:9

Kapaꞌamo idi ini foliunomo kandidiki ne olotando rasulu, sakotuꞌuno pae namantasia dakumona kanau rasulu hampano padamo afodee-dee umatino Lahataꞌala.

1 Korintus 6:4

Mahinggamo pedamo itu, ane bhe parakara mohobu noafa gahaꞌa owaeꞌomu dua ne pande bhitaha pata nefosibhala ne olotando umati?

Yohanes 10:41

Dobhahi mie maiꞌie bhe dopugau ambado, “Daanumo Yohanes miina sepaliꞌa naehabu tanda timenteꞌaono, tamaka kosasawiꞌae nepulaoꞌaono ne mie aini nokotuꞌu.”

Yohanes 3:30

Anoa tetewei sadhulu-dhulu kabhala, tamaka idi sadhulu-dhulu kahobu.”

Yohanes 5:35

Yohanes maitu tapedamo kantalea humende nokotilanga, hintimiu moꞌiaꞌaneomu tilangano, tamaka sebantaha kaowu.

Yohanes 1:27

Anoamo so humatono namada Idi; mahinggamo alumense katapuno kaampini ne aꞌeno pae amantasia.”

Yohanes 7:39

Nepulaoꞌaono Yesus naꞌa Rohino Lahataꞌala so netahimando marasaeano ne Anoa. Wakutuu anaꞌa Rohi amaitu miinaꞌo nahumatoa, mbaꞌinomo Yesus miinaꞌo naꞌumawa kakalabhiano ⸤ weo mateno⸥ .

Efesus 2:3

Sakotuꞌuno endefiꞌini kosasawintoomu nopototo dua bhe andoa; dodadi doangkafi nafusuu bhe kapoindalono mbadha bhe fekihi modai. Sakotuꞌuno nopantasi mpuu Lahataꞌala nafoꞌamahaki, peda dua andoa maitu.

2 Timotius 1:10

Ampa aitu Lahataꞌala nofotiwohamo rahamatino weo hatono Omputo Fosalamatino Yesus Kristus. Anoa notalomo kuasano mate maka nofosusuꞌao dadi buꞌou so tapa binasano noangka weo Bhihita Metaa.

Lukas 1:15

Anaꞌi anaꞌa naembali kabhala ne pomatano Ompu, paise naohoꞌu angguru tawa kafohoꞌu kaololanuꞌa sigaoꞌano. Rohino Lahataꞌala nakumabhintie mpini weo haebu.

Matius 3:1

Ne wakutuu anaꞌa notiumbamo Yohanes Fokadiuno we pandaso bhalano ne kadieno Yudea. Anoa nefolele Bhihita Metaa,

Matius 11:10

Kapaꞌamo Yohanes ini nepulaoꞌaono wambano Kitabi peda aini, ⸤ Ambano Lahataꞌala⸥ ‘Anoamo ini katuduku, atudue namaꞌinduluangko, naebhongkaangko kaangkaꞌa te wisemu.’

Matius 11:12

Notanda Yohanes notiumba taꞌampa aitu, Kafopahintaꞌano Lahataꞌala doewangie, mewangie naꞌa dokopatudhu dasumaohi bukue.