Matius 10:23 - Muna Southern Dialect

²³ Ane damodee-deekoomu ne seꞌonu liwu, fileiꞌomu ne liwu sigaoꞌano. Amohatokoomu, kotu-kotuꞌu paeꞌo madaeꞌomu liwu-liwuno Israel mangkaiꞌeomua, Anano Manusia - Idimo ini - nahumatomo.

Matius 10:23 Referans Kwoze

Matius 16:28

Amohatokoomu, kotu-kotuꞌu ne olotando mie meehe-eheno aitu nandoo so pataꞌo mateno, ane pae daoha kadeki Anano Manusia namai naembali Omputo weo Kafopahintaꞌano.”

Tula-tulando rasulu 17:10

Alo aitu dua bhahitie marasaeano ne kotano Tesalonika maitu lasao dotudu Paulus bhe Silas dakumala we kotano Berea. Sahatondo we naꞌa dokala we lambu kasambaheaꞌando miendo Yahudi.

Tula-tulando rasulu 8:1

Notandamo oleo anaꞌa umati marasaeano we Yerusalem dofodee-deeda sepaliꞌa. Andoa dopuli dotigasa dohope we witeno Yudea bhe Samaria, ampamo kaowu rasuluꞌi miina.

Markus 13:26

Wakutuu anaꞌa Anano Manusia - Idimo ini - damohae namai te olu, natiwoha weo kakalabhiano bhe kuasa bhalano.

Lukas 21:27

Wakutuu anaꞌa Anano Manusia - Idimo ini - damohae namai te olu, natiwoha weo kakalabhiano bhe kuasa bhalano.

Lukas 18:8

Amohatokoomu, Lahataꞌala lasao napotunduꞌaanda. Ampamo kaowu humato nasumuli Anano Manusia, nandoo napoꞌawaꞌao bhahaa mie so marasaeano ne Anoa te dhunia ini?”

Yohanes 7:1

Pada anaꞌa Yesus nowaliligimo kadieno Galilea, hampano nokiido nalumili we kadieno Yudea, kapaꞌamo ne naꞌa miendo Yahudi dopatudhu damongkoe.

Matius 26:64

Ambano Yesus, “Ingka pedamo pugaumu itu. Ampamo kaowu amohatoko, notanda aitu mohaomu Anano Manusia naengkoha ne suanano Lahataꞌala kokuasano, mohaeꞌomu namai te wunta-wuntano olu te lani.”

Matius 24:30

Wakutuu anaꞌa natiwohamo katandaino Anano Manusia te lani bhe sabhaha bansano liwu te dhunia ini daekangkoꞌae bhe daguguhu. Andoa daoha Anano Manusia te olu natiwoha weo kakalabhiano bhe kuasa bhalano.

Tula-tulando rasulu 17:14

Bhahitie marasaeano ne kota aitu lasao dotudu Paulus nakumala we wiwino teꞌi. Tamaka Silas bhe Timotius daa-daada we Berea.

Matius 25:13

Dadiꞌanomo kodhagaomu, kapaꞌamo miina mandeꞌaaneomua oleono bhe tempono.”

Matius 24:48

Tamaka ane bhatua naꞌa mie modai sampe nakoduku we lalono,

Matius 24:27

Kapaꞌamo kahatoꞌano Anano Manusia - Idimo ini - napototo bhe bhibhito, nakosilaka te mata oleo nasumela ampa we kansoopa.

Matius 23:34

Dadiꞌanomo, amohatokoomu: mada kaowu aetuduangkoomu ana-anabii, mie kotimbangi bhe pande-pande Kitabi. Andoa maitu sigaꞌa mongkodaomu bhe kumantaidaomu te sau salipu, sigaꞌa humambisiandaomu habuta weo lambu kasambaheaꞌa, maka umamba-ambadaomu dapontaala-ala ne amai kota.

Matius 4:12

Nofetingke kaowu Yohanes dotohongkue, Yesus nogampimo we kadieno Galilea.

Matius 2:13

Dokundo mie mande maitu, malaꞌekatino Ompu nofotiwohamo wutono ne Yusuf, ambano, “Wanumo, wowoꞌo anaꞌi aitu bhe inano maka fileiꞌomu we witeno Mesir. Meateomu ne watu ampa amohatoko toha, kapaꞌamo anaꞌi aitu naꞌumondofie Herodes patudhuno namongkoe.”

Tula-tulando rasulu 20:1

Nopalusi kahungga anaꞌa Paulus nosaliꞌimo mie marasaeano maka nofekatangka lalondo. Pada aitu nofealaimo maka nokala we kadieno Makedonia.

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Matius 23:36

Amohatokoomu, kotu-kotuꞌu kahukumuno kosasawiꞌae dhosa aini damotongkuandae mie dhamani aini!”

Matius 24:34

Amohatokoomu! Kotu-kotuꞌu mie dhamani aini paeꞌo daopulia damate, nakumadhadhiamo kosasawiꞌae naꞌa.