Biblia Todo Logo
Bib sou entènèt

- Piblisite -




Matius 10:2 - Muna Southern Dialect

2 Pedamo aini neando rasulu ompulu hoduano naꞌa. Kabhao-bhaono Simon nekonando Petrus bhe Andreas kakutaꞌano. Pada anaꞌa Yakobus anano Zebedeus bhe Yohanes kakutaꞌano.

Gade chapit la Kopi




Matius 10:2
44 Referans Kwoze  

Sahatondo we kota, dokalamo se lambu kabutuꞌando maka dofoni te boloku te wawo. Andoa ini ndo Petrus bhe Yohanes, Yakobus bhe Andreas, Filipus bhe Tomas, Bartolomeus bhe Matius, Yakobus anano Alfeus, bhe Simon miendo Zelot bhe Yudas anano Yakobus.


Yesus nofopansuhu kala-kalano maka nowohamo dua mie dohodua dosikakutaꞌa, neando Yakobus bhe Yohanes, anaꞌino Zebedeus. Dopoowa bhe Zebedeus, amando, andoa ini nandoo dofosintuwu pukando weo bhangka. Yesus nosaliꞌidamo dua.


Filipus nofohatomo Andreas maka dopoowa dofohato Yesus.


Seemie anaguhuꞌino sigaoꞌano (neano Andreas, kakutaꞌano Simon Petrus) nopugaumo ne Yesus ambano,


Pedamo dua aitu Yakobus bhe Yohanes anaꞌino Zebedeus posabhangkaꞌaono Simon. Yesus nopugaumo ne Simon, “Koise moteꞌia, notanda aitu mepukamo manusia.”


Wakutuuno Yesus nokala nosohaki wiwino teꞌino Galilea, nowohamo mie dohodua. Andoa ini dosikakutaꞌa, neando Simon nekonando dua Petrus, bhe Andreas kakutaꞌano. Andoa ini tangasano debuani we teꞌi, hampano andoa maitu pande kenta.


Dadiꞌanomo Lahataꞌala kotimbangino nokobhoasao ambano, ‘Aetudu ana-anabii bhe rasuluꞌi dakumala se andoa, sigaꞌa damongkoda bhe damodee-deeda.’


Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.


Suha aini nomaiꞌao ne idi, kamungkula neangkando umati so hintu, waꞌina nepilino Lahataꞌala bhe anaꞌino kamoasiꞌaoku mpuu. Suano kaowu idi moasiangkoomu, tamaka kosasawindo mie mandeꞌaono kabanarano Lahataꞌala, doasiangkoomu dua.


Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.


Suha aini nomaiꞌao ne Petrus, rasuluno Yesus Kristus, so bhahitieꞌiku umati nepilino Lahataꞌala, meateno te kadieno Pontus, Galatia, Kapadokia, Asia bhe Bitinia. Hintimiu dadiomu kanggetu mie humampe ne dhunia ini.


Dadiꞌanomo bhahitieꞌiku mongkilono toka nebhasino Lahataꞌala so menamisino surugaa! Fekihi kaitaomu nehabuno Yesus, Rasulu bhe Imamu Bhalano neparasaeantoomu.


Anoamo dua fodawuꞌaono kawaꞌao, sigaꞌa nowaꞌanda taka dembali rasulu, sigaꞌa dembali anabii, sigaoꞌano dembali mefoleleno Bhihita Metaa, sigaoꞌano dua dembali fofoinaꞌuno bhe umondofaono umati.


Palusi anaꞌa nofotiwoha Wutono ne Yakobus, maka ne kosasawindo rasulu.


Anoa netudu mie dopongko Yakobus kakutaꞌano Yohanes, dopongkoane kampue.


Seꞌoleo Petrus bhe Yohanes dokala we Lambuno Lahataꞌala. Ne naꞌa hambi tolu mata kamaꞌoleono, wakutuunomo dosambahea.


Pada anaꞌa neando hoduano ini dopodaduanemo. Gahaꞌa nondawu ne Matias. Dadiꞌanomo Matias nokapotimo rasulu ompulu seemieno.


Anaguhumo aini sumakusiiꞌaono kosasawiꞌae kadhadhia aini. Padamo dua nobuhie, bhe dopandeꞌaaneomu kasakusiino nokotuꞌu.


Wakutuu anaꞌa Petrus nodolimo, gahaꞌa nowohamo anaguhu kamoasiꞌaono Yesus noangkafida. Anaguhumo aini mengkohano ne sohihino Yesus wakutuuno dohumaa bhe nofeena ambano, “Ompu, laꞌae bhahaa so mowako ne kaewa?”


Sewakutuu dopohompu-hompumo Simon Petrus, Tomas nekonando dua Didimus, Natanael maiꞌaono we Kana ne kadieno Galilea, anaꞌino Zebedeus bhe dohodua anaguhu sigaoꞌano.


Lasao notende nopoꞌawaꞌao Simon Petrus bhe anaguhu sigaoꞌano, kamoasiꞌaono Yesus. Nofohatoda ambano, “Ompu padamo doalae mie maiꞌao weo kobuhu, maka miina tamandeꞌaanea bhahaꞌi doowae ne amai.”


Anaguhu kamoasiꞌaono Yesus, anoa ini nengkoha ne sohihino Yesus.


Nohato kaowu tempono, Yesus nengkohamo naomaa napombali-mbali bhe rasuluꞌino.


Yesus notudumo Petrus bhe Yohanes ambano, “Kala mefotoka kaitaomu haroano Paska so daomaaꞌomu.”


Dosuli kaowu ne Yesus, rasulu detula-tulaanemo kosasawiꞌae nehabundo. Yesus nowowoꞌodamo dagumampi ne seꞌonu liwu, patudhuno tadamoisa. Neano liwu anaꞌa Betsaida.


Yesus nokalamo te kabhawono Zaitun. Ne itu nengkohamo nofewise we Lambuno Lahataꞌala, dopobhaiane Petrus, Yakobus, Yohanes bhe Andreas. Andoa ini dofeenaemo ambado,


Salimbando domaiꞌao ne lambu kasambaheaꞌa, Yesus, Yakobus bhe Yohanes dokala se lambudo Simon bhe Andreas.


Petrus bhe kohoduaꞌindo anano Zebedeus, nowowoꞌoda. Notandamo ne itu nokompeaha sepaliꞌa lalono bhe nokakenda-kenda handano.


Pada aitu nomaimo hobhineno Zebedeus bhe anaꞌino ne Yesus. Sahatono notaohaomo sombano nakonisalo.


Nopalusi nomo oleo, Yesus nowowoꞌomo Petrus, Yakobus bhe Yohanes kakutaꞌano Yakobus, dofoni te kabhawo melangkeꞌano. Ne itu domoisa kaowu.


Idi, Yohanes, metingkeno bhe mohano kosasawiꞌae ini. Pada afetingke bhe awohae kosasawiꞌae ini, aefodapa ne aꞌeno ataohao sombaku ne malaꞌekati mada motiwoha kanau kosasawiꞌae maitu.


Kitabi aini nokowambaꞌao kafohatono Yesus Kristus nopulaoꞌao so kumadhadhiaꞌano namada kaowu. Kafohato aini nowaꞌane Lahataꞌala namotiwohae ne palima-limaꞌino Lahataꞌala o ae so tetewei kumadhadhiaꞌano mehimba. Kristus netudu malaꞌekatino ne Yohanes, o palima-limano, namosampeane sabhaha kadhadhia anaꞌa.


Bhahitieku Gayus nemoasiꞌaoku! Suha aini nomaiꞌao ne idi, kamungkula neangkando umati, aoasiangko mpuu.


Hintu surugaa, fowula lalomu hampano kahansuruꞌano kota aitu! Fowula dua lalomiu, hintimiu umati mongkilo, rasu-rasulu bhe ana-anabii! Kapaꞌamo Lahataꞌala padamo nowaꞌane kahukumuno mbali kabhoosino sabhaha nehabuno kota amaitu ne hintimiu.”


Rasulu netuduno Yesus dosulimo. Dohato detula-tulaanemo kosasawiꞌae nehabundo bhe nefoinaꞌuꞌaondo.


Nopugaumo Yesus ne anaguhuꞌino ompulu hoduano ambano, “Bhahaꞌi gaomiu kumalamoomu dua bhe hintimiu?”


Notobhoosimo Yesus ambano, “Ingka Idimo ini milikoomu koompulu hoduamiu itu, tamaka seemie ne olotamiu itu seetani.”


Nepulaoꞌaono Yesus maitu Yudas anano Simon Iskariot, anoa maitu seemie ne olotando anaguhuno ompulu hoduano, somo mowano Yesus ne limando kaewa.


Swiv nou:

Piblisite


Piblisite