Matius 10:14 - Muna Southern Dialect

¹⁴ Ane nandumandoo mie tapa tumahimakoomu tawa dokiido dametingkekoomu, limba bhe hunsaomu lambu tawa kota aitu; tantaeꞌomu bhe bungahasino aꞌemiu.

Matius 10:14 Referans Kwoze

Tula-tulando rasulu 18:6

Tamaka mie andoa maitu doewangie bhe dofekaꞌaebue, sampe Paulus tanotanta bungahasino pakeano ⸤ mbali kafodhagando⸥ . Ambano, “Hunsaꞌanomo mengkuluomu heamiu, ⸤ maꞌanano ane meꞌawaomu balaa, kaꞌalano wutomiu,⸥ o idi miina aꞌumalaa. Notanda aitu akumalamo we bansano liwu suano Yahudi.”

Tula-tulando rasulu 13:51

Tamaka Paulus bhe Barnabas tadotanta bungahasino aꞌendo ne wisendo ⸤ peda tandano kafodhagando⸥ , maka dokala te kotano Ikonium.

Lukas 9:5

Ane pae datumahimakoomu, hunsaomu kota aitu, mahingga bungahasi ne aꞌemiu tantaeꞌomu somo tandano kafodhagando.”

Markus 6:11

Tamaka ane humatoomu ne seꞌonu liwu, maka mieno liwu aitu pae datumahimakoomu, dongahe dametingkekoomu, hunsaeꞌomu liwu aitua. Mahingga bungahasi ne handano aꞌemiu tantaeꞌomu, somo tandano kafodhagando.”

1 Tesalonika 4:8

Dadiꞌanomo ane bhe tumagalino katangahi aini, miina datumagali manusia, tamaka dotagalimo Lahataꞌala maꞌangkoomu Rohino mongkilono.

Yohanes 13:20

Amohatokoomu, kotu-kotuꞌu sasuka tumahimano mie netuduku notahimamo dua Idi, sasuka tumahimano Idi notahimamo Tumudu kanau.”

Markus 9:37

“Dotahima kaowu anaꞌi medando aini weo neaku, dotahimamo Idi. Dotahima Idi, suano kaowu o Idi, tamaka dotahima dua Tumudu kanau.”

Matius 18:5

Laꞌae tumahimano anaꞌi kahobu medando ini weo neaku, anoa notahimamo Idi.”

Lukas 9:48

Yesus nopugaumo ambano, “Laꞌae tumahimano anaꞌi aini weo neaku notahimamo Idi. Laꞌae tumahimano Idi notahima dua Tumudu kanau. Kapaꞌamo foliuno kahobu ne olotamiu itu, anoamo itu foliuno kabhala.”

Matius 10:13

Ane damantasi, kabarakatino kafeabhamiu naeatemo ne andoa. Tamaka ane paise, kabarakatino nasumuli ne wutomiu.