Markus 9:9 - Muna Southern Dialect

⁹ Wakutuuno dosampu maiꞌao te kabhawo Yesus nofohatodamo ambano, “Koise mekapunaomu ne mie sigaoꞌano newohamiu saꞌituini. Sembali Anano Manusia - Idimo ini - namanumo namaiꞌao ne mate maka naembali mekapunaomu ne mie sigaoꞌano.”

Markus 9:9 Referans Kwoze

Markus 5:43

Tamaka Yesus noꞌeleꞌaanda sepaliꞌa daetula-tulaꞌao kadhadhia aitu mahingga ne laꞌae. Pada anaꞌa Yesus notududamo damakande anaꞌi aitu.

Matius 12:40

Kapaꞌamo peda anabii Yunus neate weo handano kenta bhalano tolu oleo tolu alo, nadamo dua aitu Anano Manusia naeate we lalono wite tolu oleo tolu alo.

Lukas 24:46

Ambano toha, “Notibuhi peda ini: Mesias Omputo Fosalamatino tetewei naenamisi kakadee-dee bhe namanu maiꞌao ne mate ne katolu oleono.

Matius 27:63

Ambado, “Waompu, tafeꞌulai pugauno fobhohe-bhoheꞌino maitu wakutuu nandoo nodadi. Ambano ne katolu oleono namanumo maiꞌao ne mate.

Matius 16:21

Notandamo wakutuu anaꞌa Yesus nofohatomo anaguhuꞌino mentalea-mentalea, putae Anoa tetewei nakumala we Yerusalem. Ne itu naobhahi naeꞌawa kakadee-dee maiꞌao ne kamungkulaꞌi, neangkaꞌindo imamu bhe pande-pande Kitabi. Andoa damongkoe, tamaka ne katolu oleono namanu namaiꞌao ne mate.

Matius 12:19

Anoa pae napotagalia, pae nakumeia, pae dua dametingkea suahanoa ne amai kaangkaꞌa.

Matius 8:4

Ambano toha Yesus, “Tandaiꞌe, koise mekapu-kapuna ne laꞌae maka dua, ampamo kaowu kalamo fotiwoha wutomu ne imamu. Namada aitu meowa kapopanga ne Lahataꞌala peda neowiliꞌaono anabii Musa, so netandaindo mie bhahi putae hintu moꞌosamo.”

Markus 7:36

Yesus noꞌeleꞌaanda sepaliꞌa pae daekapunaa ne mie sigaoꞌano, tamaka dhulu noꞌeleꞌaanda, dhulu detula-tulaane.

Markus 9:8

Setolindaꞌa, dofolili matando miinamo dakoniwohaa, tamo Yesus nomoisa.

Markus 9:10

Andoa doangkafie pugauno, tamaka tadopofee-feenamo ambado, “O ae bhahaa maꞌanano namanu maiꞌao ne mate?”

Lukas 9:36

Pada dofetingke suaha naꞌa, anaguhuꞌino dowohamo Yesus tanomoisa. Kadhadhia aini doforahasiaꞌe, miina sepaliꞌa daetula-tulaane newohando naꞌa ne laꞌae maka dua.