Markus 9:50 - Muna Southern Dialect

⁵⁰ O gaha daanumo netaa, tamaka ane nasimotembeꞌa, kiha-kiha damekakahaane dua ae? Dadiꞌanomo, tabeano membaliomu peda gaha, pometa-metaaꞌomu.”

Markus 9:50 Referans Kwoze

Kolose 4:6

Sabhaha nekowambaꞌaomiu tabeano naombaka dametingkee bhe natimohelaꞌao lalo. Ane dameenakoomu, tabeano mandeomu tumobhoosidaomu seemie-seemie.

Roma 12:18

Uleiꞌe lalomiu ampa nepoo-poolimiu dadi pometaaꞌomu bhe kosasawindo mie.

Matius 5:13

“Hintimiu itu dimbano gaha we dhunia. Ane o gaha naotembe, damekakahaane dua ae? Ingka miinamo nakofahalaaꞌa, tadaꞌumoho maka dapokafindaꞌiane.

Ibrani 12:14

Uleiꞌe lalomiu dadi pometaa bhe kosasawindo mie bhaimiu, uleiꞌe dua lalomiu dumadi mongkilo so Ompu, kapaꞌamo miina bhe manusia so mohano Ompu ane pae nadumadi mongkilo.

2 Korintus 13:11

Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

Filipi 1:27

Ampamo kaowu, kodadimiu tabeano naposahataa bhe wambano Bhihita Metaano Kristus. Ane nada anaꞌa, naetaa amai amohakoomu toha, naetaa pae amai ametingke kaowu bhihitamiu, tetewei amandeꞌaane putae notangkamo kofindamiu, sepatudhuomu, sekakolaloomu poewangiomu so kaparasaea ne Bhihita Metaa.

1 Tesalonika 5:13

Feompuniꞌida mpuu weo kanini kaasimiu hampano kahadhaando. Sadhia dadi pometa-metaaꞌomu.

Efesus 4:29

Weo pugaumiu, koe mepakeomu wamba tampahasa, tamaka mepakeomu kaowu wamba mokesa, wamba fotaa-taano pokantibhaꞌano bhe kafaraluundo mie bhaimu. Wamba medano naꞌa naeowa kabarakati so mie metingkee.

1 Petrus 3:8

Panda-pandano, soba dadi sekakolaloomu, poanta-antangiꞌao namisimiu, pomoa-moasiꞌaoꞌomu peda mie sebhahi-bhahitieno, pomobhe-mobhelaꞌaoꞌomu lalo bhe fekapanda diumiu.

Yakobus 1:20

Kapaꞌamo mie umamahano miina nahumabu metaa peda nepoindalono Lahataꞌala.

2 Timotius 2:22

Dadiꞌanomo fekakodoꞌoe nafusuundo kahangku dadi, uleiꞌe lalomu angkafi kapoindalono Lahataꞌala, fekatangkae kaparasaeamu, dadi weo kanini kaasi bhe kapometaa bhe mie bhaimu. Dadimo peda anaꞌa bhe mie metondalano ne Ompu maiꞌao ne totono lalo mongkilono.

Kolose 3:12

Hintimiu umatino Lahataꞌala timoasiꞌaono, padamo nopilikoomu mbali fehebuaꞌano mongkilono. Dadiꞌanomo fotiwohaeꞌomu kabhelano lalo bhe kataano lalomiu ne mie bhaimu, fekapandae diumu, fekamalu lalomu bhe kosabaha.

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

Markus 9:34

Tamaka miina dakodiua mbaꞌinomo saꞌituini we sala dopotaga-tagaliꞌao laꞌae foliuno kabhala ne olotando andoa maitu.

Markus 9:49

Kapaꞌamo seemie-seemie damekangkiloanda kakadee-dee, peda adhono kapopanga so Lahataꞌala dofewaniuane gaha.