Markus 9:4 - Muna Southern Dialect

⁴ Pada aitu tadowohamo dua anabii Elia bhe anabii Musa dopuga-pugau bhe Yesus.

Markus 9:4 Referans Kwoze

Powoha 19:10

Idi lasao aefodapa ne aꞌeno ataohao sombaku tamaka tanopugau ambano, “Koise nada itua! Idi ini palima-lima dua nopototo bhe hintu bhe bhahitieꞌimu marasaeano mintahakino kafohatono Yesus. Taohao sombamu ne Lahataꞌala, kapaꞌamo o Rohi mekabhintino mie sampe dokosuaha peda anabii, nomaiꞌao ne kafohatono Yesus.”

Yohanes 5:39

Hintimiu poguhuꞌaoꞌomu Kitabindo anabii, kunaꞌemiu peda aitu so kaeꞌawaꞌamiu dadi suhue dhamani. Gahaꞌaitu Kitabi andoa naꞌa nosakusiiꞌao Idi.

Lukas 24:44

Ambano dua, “Pedamo ini patudhuno pugauku wakutuuno apobhaiangkoomu endefiꞌini. Ingka afohatokoomu kosasawiꞌae tibuhino weo Kitabino Musa, Kitabindo ana-anabii bhe Kitabino Laguno Daud tetewei nakoꞌula.”

Lukas 24:27

Pada peda maitu notalesaandamo tibuhino weo sabhaha Kitabi mulaoꞌaono Wutono, notanda ne Kitabino Musa ampa ne Kitabindo ana-anabii sigaoꞌano.

Lukas 9:19

Dotobhoosimo ambado, “Nandoo kumonako Yohanes Fokadiuno, nandoo kumonako dua anabii Elia, tamaka nandoo dua mugauno seemie anabii dhamani wawono suli nodadi.”

Matius 11:13

Kapaꞌamo kosasawindo anabii bhe Kitabino Musa dofofohatoanemo so kumadhadhiaꞌano ampa katiumbaꞌano Yohanes.

Markus 9:3

Pakeano nopupute sepaliꞌa bhe nokosilo. Pae nandumandooa bhe naseemie te dhunia ini so mandeno metofano ampa naopute peda amaitu.

Markus 9:5

Nopugaumo Petrus ne Yesus ambano, “Guru, ingka netaa domaiꞌomu ne ini. Naetaamo taefongkoha bhantea natolu onu, seꞌonu so Hintu, seꞌonu so anabii Musa bhe seꞌonunoa so anabii Elia.”